عالم الوظيفة بعد التخرج محتاجة نصيحتكم

اول شي مبروك الوظيفة
ثاني شي معقول موظفينك ويبون منك انتاجية بدون مايعلمونك !!
انا اول ماتوظفت وللان معي مهندسين اسالهم بكل شي خاصة ان شغلنا كمهندسين معقد دايم اضيع ثلاث ساعات وبالاخير يطلع حله بنص دقيقه
والله شي غريب وبالعكس لا تستقيلين اذا مفيدة لخبرتك سهليها وتتسهل تستفيدين عالاقل خبرة ومعلومات حتى لو بسيطة
واذا خبرتها مامنها فايده شدي حيلكواستمري فيها لين يجيك بديل افضل

عشان اكون معك واضح اغلب الشركات موظفتنا سعودة وبعض الشركات تطفش الموظفين عشان يستقيلون

وبالتوفيق

 

رأيي انك ما تقدمين استقالتك خصوصا مع الوضع الحالي الا اذا كان عندك فرصة ثانية
طبيعي الي تمرين فيه كموظفة جديدة، من الافضل انك توضحين هالشي لمديرك و تطلبين منه ان يكون لك mentor لاول الشهور على الاقل

 

صار لي ما يقارب السنتين من توظفت ، وكل يوم تطلع لي تفاصيل وأشياء جديدة أحتاج أسأل فيها الناس اللي أقدم مني وآخذ آراؤهم. وجود موظفين خبرة (سينيرز) في أي مكان عمل مهم جدا ، ومساهمتهم في عملية نقل الخبرة للجيل الجديد عامل أساسي في أي بيئة عمل.

إذا ما فيه خبرات معك في العمل حاليا ، المفروض تطلبين من مديرك المباشر يقوم بالعملية هذه لين تكونين ملمّة بالأساسيات على الاقل ويظل داعم لك في أي شيء تحتاجينه. أما سالفة انك تجيب موظف جديد -حديث تخرج أو حتى لو عنده خبرة- وترميه في الشغل بدون ما تعلمه ؟ كأنك ترمي شخص في البحر بدون ما تعلمه السباحة.

 

اكبر غلط انك تستقيلي
اغلب الشركات مافيها تدريب ولا تطوير
اذا محد ساعدك عندك الشيخ قوقل و اليتيوب او تسالي معارف من بره الشركة

 

من اكبر المشاكل اللي تواجهنا في بيئات العمل هي نقل الخبرات من السينير ليفيل للمبتدئين غالبا بسبب الحمل الثقيل على الكل وتوقع اقل المشاكل الممكنة من طرف الادارة.


الاستقالة الان وفي حول 4 شهور جدا مبكر، لانه ممكن هذي طبيعة الوظيفة ومتطلباتها ضغط العمل الشديد. اشوف ان الفريش المفروض ما يخافو من الاخطاء كثير طالما انها ما بتجيب عليهم عواقب وخيمة وكل واحد ادرى بالبوزيشن اللي هو فيه قد ايش يقدر يخاطر او يكون متحفظ.

وضعك الحالي صحيح ممكن يكون صعب لكن له ميزه قوية لانه يعتبر مثل الاختصار في المناصب بحكم العمل اللي يجيك بمستوى اعلى من المفترض حسب ما انا فاهم، وباذن الله مستقبلا الخروج يعطيك فرصة اعلى من اقرانك.

بالتوفيق.

 

ايش تبغي بالتطوير ولا التعليم والتدريب ... الخ

انتظري بس لأخر الشهر وينزلك وبس بلا تعليم بلا كلام فاضي .

بصراحة نتكلم هذا حال أغلب الشركات وحتى الكبيرة اول ماتتوظفي ماتفهمي شيء ولا روتين العمل مافي برنامج وهدف واضح لكن مع الوقت تتسهل إن شاء الله ويصبح كل شيء واضح وأكثري من الأسئلة وانشبي لهم لأن الفريش في مرحلة لابد يتعلم ويجتهد وهم مايطعالوا في الفريش اصلا لذلك لابد من التعلم .. مع الوقت تتأقلمي مع الوظيفة ان شاء الله .

واذا مرة مافي هدف واضح انقلي لإدارة اخرى لكن لاتستقيلي ابدا الا في حالة وجود عرض اخر أفضل .

بالتوفيق .

 

انا حبيت اشاركك تجربتي

توظفت في شركه كان مسمى وظيفتي jr. chemical engineer
لكن للاسف المكان الي كنت فيه كان يحتاج Snr ولا كان فيه mentor
عدم وجود خطه واضحه للتدريب على متطلبات الوظيفة . فعليا كان شي جدا مؤسف ان احاول اوصل لحلول تساعدني في الانتاج و المساعده بالعمل بس هالشي كان متعب عقليا ونفسيا. اضافه انه للاسف عقليه بيئه العمل تخوفيه وغير احترافيه وكأن هالشي مقصود انه مايبغون يكون شي بيدك تساعد فيه الشركه. هالتحديات شي موبجديد على ولا هو شي مقدر اتعايش معه لان نفسيا الواحد لازم يهيئ نفسه. بس والله جدا متعب للشخص الي يحب الانتاج والعمل ويأثر كثير ويسبب الاكتئاب.

اولا كيف الواحد يفكك هالعقد ويحلل وضعه:

- سيكولوجيا الشخص الي مايتمنى انه يساعد غيره في التطور هذا شخص عنده ضعف في الثقه وعنده عقد نفسيه. ان كان الزمن عطاه التجربه واكتسب خبره ومر بتجارب واستفاد منها الله يوفقه بس راح يظل بدائره صغيره دائما لان يحب يكون بنطاق الراحه ونطاق الي يشوف فيه الثقه مستقره.

- عمليا انا تنازلت كثير وحطيت نفسي بأداء اشياء بسيطه بالعمل بس على الاقل اسوي شي وافتح عيني واشوف التحركات الي حولي بالعمل. حاولت اشوف الاشياء الي تتسوا بشكل روتيني وابسط هالعمل بتدخل منى اسهل الطريقه واخليها ارتب. كان شي جدا يقهر داخليا بس مع العمل انسى وافكر بالشغله نفسها. ارجع للتقارير السابقه واقرا فيها واشوف وش توقعاتهم وكيفيت تحضيرها وطرحها. ممكن عملى مختلق عنك بس حبيت اطرح العقليه الي طورتني.

- لكل شخص اولويات بالحياه وحاولت ارتب نفسي بناءً على اولوياتي:

- كنت مستعد اضحي ٤ سنين من عمري احاول اتطور بعملي. بس لازم انتج لو شي اقل من مؤهلاتي لازم يكون لي شي يشغلني.

- الفتره الي اتواجد فيها لازم اقراء افكار الاداره والمدراء وتوجهاتهم. كنت اعطي فرصه واقول لعل جهلى وقلت خبرتي سبب انه معطي نفسي انطباع سلبي.


- كنت بالفتره الي متواجد فيها مستمر بالبحث عن فرص ثانيه. اضافه انه الراتب كان مغري وجميل ويساعدني في حياتي اليوميه ومتطلباته.

- شخصيا الشخص الي عنده ضمير يتعب انه مايسوي شي وياكل من نفسه وينقد نفسه قبل الغير. بس لابد التعايش والتضحيه وبيسمع كلام انه هالشخص فيه كذا ولا كذا بس بالنهايه اولوياتك بتساعدك في الرجوع انه اصلا انت لك هدف لازم امشي عليه.

- اتمنى عدم اتخاذ قرار في حالت الغضب و الحزن والاكتئاب لان نسبه نجاح القرار في هالحاله منخفضة. القرار لبد يكون مدروس بدقه وتحمل فشل القرار يكون بالحسبان.

اعتذر عن التطويل. انتمى لك التوفيق وانشالله بالاجتهاد والصبر الامور تتبسط.

 

مطاردة المدرا واستخراج المعلومة منهم غصب يعتبر مهارة قيمة في حد ذاتها.

حاولي وجربي واغلطي وتعلمي
ترا هما اللي وظفوكي وهما اللي يحملو المسؤولية. ومو اي قائد يعرف يطور موظفينه، لكن كل مدير فوقه مدير، ولو ما انجز القسم حقه حيتعاقب.
نهاية المطاف انك حتتعلمي الشغلة، سواء في شهر او في سنة، لكن ارفعي لياقتك في تحمل الاخطاء

وبما انها مسؤلية كبيرة، حتفيدك لما تقدمي على وظايف غيرها باذن الله

بعض الشركات تسال مباشرة في المقابلة:
- كلمني عن موقف صعب في الشغل وقدرت تحله
- كلمني عن غلطة سويتها وايش تعلمت منها

الاغلاط تؤدي الى التعلم، والتعلم يقود إلى النجاح

 

عليكم السلام

المدير اوقات ينطبق عليه المثل فاقد الشي لا يعطيه

تعتقد انه فاهم ادق التفاصيل بينما تحصله كان معتمد عالموظف السابق اللي كان شايل الحمل كله على كتفه

فلما يغادر هذا الموظف و ياتي الموظف الجديد ما يقدر يصارحه بانه ما يفهم و لا يعرف

فيعطيه كلام بانه لازم تجتهد و لازم تتعب لكي تحصل المعلومه و من هذا الكلام و ايضا مع شويه توبيخ

عشان ما يجيه مره ثانية و يتورط المدير الفاهم ههههههه