ICS104-LAB-Term202(Online Term)

التحضير: يحضر عن طريق التيمز بعد ما يخلص شرح وتقدر تطلع بعد ما يحضر

طريقة الشرح: يشرح موضوع اللاب في البداية ويحب يرسم وهو يشرح بعدين يرجع يكتب الكود الموجود في ملف اللاب ويعلمك كل شي ايش وظيفته وكيف تفكر قبل ما تكتب الكود بعدها يخليك تحل اسئلة اللاب ويكون موجود اذا عندك سؤال. شرحه جيد لا هو ممتاز ولا سيء لكن اذا سألته ما بيقصر معك وبيشرح بالتفصيل

الكويزات: مافي كويزات كان فيه لاب تيست من خمسة وكان سهل لكن طويل وما كان عندك الا 45 دقيقة

البروجكت: من الي سمعته انه اسهل بكثير من بروجكتات الدكاترة الثانيين وبتسوي برزنتيشن صغير لكودك علشان يتأكد انك انت الي كتبت الكود. يمديك تسويه لحالك او تشترك مع واحد

الصوت: واضح ومفهوم

القريد النهائي: A++++

إضافات: الدكتور طيب جدا ومراعي لظروف الطلاب. يعطيك يومين لتسليم اللاب. طيب جدا في التصحيح. ويشطح شطحات تضحك بعض الاحيان
نهاية الترم نقصنا درجتين بسبب النورملايزيشن علما ان الافرج مفروض يكون 15/20
اذا شفته موجود لا يفوتك

 

ICS104 - LAB - TERM 211

الدكتور فاروق

التحضير : ينادي بالأسماء بعد ما يخلص شرح اللاب

طريقة الشرح : واضحه ويحاول يعطي أمثلة واقعية حتى توصل الفكره بالشكل المطلوب

الكويزات : مافي كويزات بس في لاب تست ( 3 وكل واحد عليه 3% ) وكان مستواهم سهل عموما

القريد النهائي: A+

الصوت: واضح

إضافات : الدكتور جدا متساهل من ناحية تسليم اللاب اساينمتس .. اللاب حقنا كان يوم الاربعاء بينما الديدلاين كان نهاية يوم السبت
برضو متعاون جدا ومتواجد على teams اغلب الوقت ويجاوب على اسئلة الطلاب

وفي جزئية البروجكت ما كان يدقق على الطريقة اللي سويت فيها الكود طول ما انه شغال تمام .. والبرزنتيشن تبع البروجكت طلب مننا نحضر اونلاين وكان يخلي كل طالب يسوي share screen والدكتور يسأله سؤال واحد عن جزئية معينة من الكود وايش الغرض منها ويطلب منه يسوي تست للكود

بكل صراحة الدكتور فاروق أحد أفضل الدكاتره اللي درست عندهم في الجامعة .. نزل عنده وانت مغمض