up

 

..

 

أي معلومات يا الربع ؟!!

 

up

 

طيب ومتعاون لكن يسلخ في الدرجات إلى حد ما.

 

يا لبى هالتركي يا نااااس
درست عنده 001 و 101 ونرلت 102 عنده
صراحة عطاني قريدات ما كنت أستاهلها ولا كنت متوقعها أصلا
في 001, كل اختبارات الفتنس جبت فيها العيد, والاختبار الريتين جبت فيه 14 من 20 وحتى اختبارات كرة القدم والطائرة خيست فيها ومع ذلك طلعت بb+
101 نفس الكلام
التحضير: يبدأ يحضر بعد 5 دقايق من الكلاس بس إذا جيت بعدما حضر يعطيك ليت + قال لنا اللي يحضر الكمبوزيشن راح أمسح عنه غياب
للعلم تراه دكتور

لو كان فيه كورسات pe إجبارية زيادة ما راح أنزلها إلا عنده

 

PE 102( Volleyball ) ---- Term 132


التحضير :

يحضر بالايباد حقه بداية كل كلاس و عادي تحضر مع آي سكشن ما يخالف


طريقة الشرح : بي آيه يعني ما فيها ذاك الشرح .. عالعموم انا كنت منزل طايرة يشرح لك المهارة ثم تطبقون عليها


الكويزات :حق الفتنس تست .. يعطيك ورقة في38 جملة و يجيك الاختبار اعتقد 20 صح و خطا


المياجر:مافي


الفاينلات : الفاينل تست يبيك تطق الكرة خمس مرات بآطراف آصابعك و بالمعصم ثم يختبركم وسط مباراة
القريد النهائي: +++A
الصوت: جداً واضح
إضافات :

البي آيه بشكل عام عشان تضمن قريد لا تغييييييييب .. حتى لو انك ما تعرف تلعب .. على الاقل بتطلع بقريد كويس

بالاخير آنصح فيه و بقوة ..

 

^^
يعني عادي احضر طول السمستر في سكشن غير سكشني ؟

 

ما فيه معلومات اضافيه ؟؟

 

بنود التقييم : Term 142 pe 102

التحضير : يوميا وأول الترم ما كان يمانع تحضر في غير سكشنك بس يوم جاء وقت اللعب صار الملعب يزدحم فما عاد صار يسمح
طريقة الشرح :
كان كورس طائرة والبي اي ما يبيلها شرح
الكويزات :
كان عشر اسئلة وكل سؤال بدرجتين
المياجر:
الفاينلات :
القريد النهائي: A
الصوت: جيد واللهجة لك عليها شوي
إضافات :
الدكتور ممتاز ويعطي بونص اول الترم للي يشرح (لا تضيعه) يتقبل لو تقوله عندي ظروف، كان فيه بونص نهاية الترم للي يشارك في ماراثون الجامعة.

 

توووفيكو .. صراحة مدري شقول عنه ... لبى قلبه بس
درسني 001 ف ترم141
المدرس حبيب واخلاق انا صراحة طلعت من عنده a+ مع اني جبت العيد ف الاختبار جبت 12 من 20 و وانا دب اصلا واختبارات الفتنس سيئة تقريبا .
بس لا اخفيكم كان فيه بطولة كرة طائرة ومن كل سكشن يختتار 6 طلاب فكنت من ضمنهم وقالنا اذا فزتوا باعطيكم a+ بس طلعنا من نصف النهائي والحمدلله عطاني ِa+ المدرس حبيب للغااااااااية ولو حصلي بانزل عندي

 

نزل عنده وانت مغمض

 

162-pe102

ي حبيبي نزل عنده وانت مغمض ( طبعا اذا تحب الطائرة ) ..
الدكتور لطيف جدا و يعطيك بونصات كثير و كلاسه خفيف و ممتع ..

 

دكتور اسطوري لا يفوتكم
ما يخصم على الغياب
اهم شيء تكون اللعبة انت جيد فيها وتجيب كويس باختبار الورقي
وعنده بونصات !

 

171 - PE001

التحضير : يحضر باللآيباد والوضع سهالات وتقدر تسوي ميك اب .

طريقة الشرح : شرحه كويس نوعًا ما , ويحب يعطي مجال للطلاب يشرحون .

الكويزات : ما في كويزات لكن اختبار الكتاب جابه سهل جدًا .

المياجر: القدم والطائرة كان يشوف اداءك طول الفترة ولما يجي يختبرك حتى لو جبت العيد يعرف انك كنت شاد حيلك ويعطيك درجة عالية .

الفاينلات : -

القريد النهائي: A+

الصوت: جيد

إضافات : من تجربتي انه ممتاز وحتى في الفتنس تست ما قصر معنا كلنا , اشوفه افضل واحد في مدرسين الـ PE .

 

التحضير : نهاية الكلاس
طريقة الشرح : بداية الكلاس يشرحلك بابسط شي ويقولك طبق
الكويزات : سهلة جدا بس لازم تذاكرلها من الكتاب
المياجر:مافي
الفاينلات :مافي
القريد النهائي:A+
الصوت:واضح
إضافات : الدكتور يبيك تشتغل باللي تقدر عليه وتشد حيلك ومايبي يكرفك بشغل معقول معاه بتضمن اقل شي a+
وحاول تشارك معاه باول الاسابيع عشان يعطيك بونص

 

.pe 001 181
اختصار للكلام لا تتاخر كثير اذا طلب احد يشرح قوم واشرح
لا تغيب كثير واذا غبت سوي ميك اب بس غير متاكد انه يقبل لكن احتمال كبير لانه حبيب و طيب و مبروك عليك الA+

 

درسني في ترمين
الدكتور اخلاق و متعاون وسلس وكلاسه فيه روح جميلة.
لكن في النهاية PE تبي فيها قريد
في التحضيري وزع A و A+ على كيف كيفك
في 101 جلدنا جلد وخلا توزيع الدرجات بناء على مسابقة اصحاب المراكز الاولى فل ودرجات عالية واللي تحت لقمو.
نظامه في غير التحضيري للدرجات سيء مع الاسف

 

PE 101 (Term 202 - online)
التحضير: يخلينا نرفع أيادينا أو يسأل سؤال وتجاوب في الشات..الزبدة مافيه طريقة ثابتة للتحضير.

الصوت: لهجته تركية لاباس فيها.

الكويزات: مستواها من سهل إلى متوسط، غالبا تكفيك القراءة عشان تجيب الدرجة كاملة أو قريب من الكاملة.

إضافات: -غالب الترم كان يخلينا نفتح الكاميرات ونسوي تمارين قدامه (ما أدري إذا كل المدرسين كذا ولا لا).
-الدكتور عطانا مهام تعجيزية ، مثال: طلب منا إنك تمشي 10 آلاف خطوة يوميا لمدة شهر !! .
-للأسف كان فيه غش كثييير، وأظن 99% من الطلاب أو أكثر غشوا سواء في الكويزات أو في المهام الأخرى مثل مهمة المشي اللي ذكرتها (كانوا يستخدمون برامج أو شيء من هذا القبيل عشان يغيرون عدد الخطوات).
للأمانة إني سلمت للدكتور عدد خطوات أقل بكثيير جدا عن اللي طلبه (أقل من 10%) ولكنه عطاني أكثر من نص الدرجة على ما أذكر.

بصراحة أنا ما أدري عن النظام عند بقية المدرسين، ولكن إذا كان نظامهم مختلف عن كذا فأنصحك ماتنزل عند هالدكتور وتروح لواحد غيره لأن المادة بتتحول من إنها مادة للطقطقة إلى مادة غثيثة جدا.

القريد النهائي: D