الوضع طبيعي في سوق العمل !

أولا الله يرزقك بالوظيفه اللي تتمناها.

ثانيا خلال السنه هذي كم مقابله جاتك اذا كثيره وماصار لك نصيب معناته تحتاج تشتغل غلى نفسك في المقابلات مثل اللغة والثقه بالنفس والالمام بالتخصص علشان الاسئلة التكنكل. أما اذا عدد المقابلات محدود جدا ممكن محتاج تراجع صياغة سيرتك الذاتية وتحاول تنوع طريقة التقديم مثل اليدوي وفتح ملف في مواقع الشركات والتقديم على الشواغر اللي تطرح في مواقع الشركات ولنكدان وبيت كوم و غيره وايضا استفسر من اصدقائك الموظفين اذا تقدر ترسل السيرة الذاتية تبعك لموظفي ال hr عندهم و ممكن يتواصلوا معاك في حال وجود شاغر مناسب. واخيرا حاب اقولك ترى سنه خصوصا في عز ازمة كرونا السنه الماضيه ماتعتبر فتره طويله وشركات كثير بدات طرح وظايف بداية هذي السنه من أول بداية الازمة.

وبالتوفيق

 

نفس وضعك يا أخي العزيز .

أنا متخرج مرتبة شرف ومن أعلى الطلاب معدلاً وعاطل عن العمل لي سنة .. الموضوع ليس المعدل ولا الجامعة ولا شوفني انا خريج كامبريدج ولا أوكسفورد ما اشوف لها اي علاقة !!

انا اعرف من زملائي من نجح على الحافة وبمعدل منخفض وكانوا حتى يغشوا مني في وقت الإمتحان ومتوظف الان بوظيفة جدا مرموقة .

الموضوع الان بصراحة علاقات وكيف تقدم على الوظيفة وتبرز للشركة مهارتك هذي بحد ذاتها ذكاء عندهم ماشاء الله .
حتى تحصله اجتماعي و يعرف أسماء كل الشركات و القطاعات والمؤسسات ومواقعها وكيف يقدم وكيف التسجيل وابن عمي وابن خالي وولد عمتي ووووو .. هذا عن زملائي صح أقل مني معدل بكثير بس ذكاء عندهم ماشاء الله .. عشان كذا اقتنعت ان المعدل والجامعة ليس كل شيء

قدم بكل مكان ولاتيأس كل يوم قدم على 20-30 شركة واستمر في التقديم ولعل وعسى تحصل على الوظيفة بإذن الله .
تواصل مع كل مسؤولي التوظيف وابرز لهم مهارتك وجديتك ويارب تحصل على الوظيفة اللي تتمناها
اذا تعبت من التقديم قدم عن طريق ال Easy Way على لنكدن وارتاح من تعب المواقع والتسجيل والمعلومات وفي النهاية حتى مايخليك تقدم .. قدم بكل مكان .

الله يرزقني ويرزق الجميع ان شاء الله .

 

الله يرزقك بوظيفة تعوضك عن هالعطاله

انا مثلك تخرجت وجلست 3 سنوات عاطل بينما اللي كان معدلاتهم طايحه توظفوا على طول طبعا مو حسد بس ابين لك ان الواسطة فوق المعدل خاصة بتخصصنا

السوق اخر سنتين ونص كان ميت والان اخر 6 شهور بدا يتحرك شد حيلك وقدم والله يكتب اللي فيه الخير

وانصحك بالتقديم اليدوي والضحى والوتر وان شاء الله تتسهل امو رك

 

الله يرزقكم جميعا بالوظايف اللي تسر خاطركم

اولا واخيرا هي ارزاق من ربي والله لو كل البشر اجتمعت تتوسط لك والله ما اراد ما يقدرو والعكس صحيح .
اعرف شخص متخرج وابوه وخاله كلهم رؤسا تنفيذين لشركات كبيرة بالسعودية والى الان مهندس وعاطل له سنة وشوي .
وانا متخرج اعلى منه بمعدل بسيط وربي ساق لي الرزق بعد ماخلصت تطبيقي ب ٣ اسابيع .
والله ان ماعندي واسطه ولا اعرف اي احد بالشركة ولا قدمت عليهم بس كلموني من لستة الخريجين وجاني رزقي ربي كاتبه .
تذكرو اخيرا ان السوق حاليا تعبان وراح يتعدل كثير ب ٢٠٢٢
وفيه شركات كثير اليدوي فيها افضل ، اعرف واحد من دفعة قبلي راح قدم يدوي وسوو له مقابله بنفس الدقيقه وبعدها بيومين وقع عقده بشركة بالخبر اسمها انابيب في ٢٠١٩ .
اشتغلو على نفسكم وطوروها وافهمو السوق واعرفو الشركات واسالو ، وان ماحصل مش نفسك ب اي شيء مؤقت اوبر ، فود ترك ، مطعم ايييي شيء لين يجيك رزقك افضل من الجلسة لان الفراغ يقتل .

بالتوفيق يارب العالمين .

 

نعم هذا مع الأسف ..

الان خذها مني الشهادة الان هي مجرد حبر على ورق فقط !!

مايعني اقلك لاتجتهد .. اجتهد وذاكر وجيب درجات ومعدل ولكن لاتكتفي بذلك بنفس الوقت كون علاقات وخليك اجتماعي واعرف فين الجهات اللي تطلبك وكيف تنمي وتظهر مهارتك ونفسك بطريقة تسويقية .

أصحاب المعدلات النازلة توظفوا حتى سألت أحدهم معدله نازل وبالدف منت قلقان ماتحصل معدلك نازل قلي يارجال ماعليك كل شيء مضمون بإذن الله !!

خبرتك ومعرفتك بالسوق وأدائك هي اللي تحكم ولازم تثبت نفسك أمام الجميع .

يعني أنا مهندس دارس ٥ سنوات وتبغاني اشتغل هنقرستيشن ولا باريستا ولا حارس !! ماتجي

يعني لاتأخذها كحجة انا خريج مرتبة شرف وأقوى جامعة وغيري اقل مني ووو .. ابذل الأسباب ورزقك بيجيك ان شاء الله

قدم باستمرار بكل الطرق اونلاوين او يدوي ولاتيأس وربي يرزقك بالوظيفة اللي تتمناها واللي تناسب طموحاتك .

 

ايه مهندس حتى لو دكتور تشتغل شيء مؤقت لين يجيك رزقك بشيء قوي وكويس .
افضل من الجلسة وتضييع الوقت وطلب الاهل فلوس والخ ..
الوظايف الصغيره ذي تدخلك بعلاقات وناس وماتدري اصلا يمكن رزقك يكون منها + ترفع مستوى ال communication عندك مع جميع فئات الناس بتعرف تتعامل وبتكتسب خبرة تواصل قوية . وفوق هذا عشان انت ماتحس بفراغ وعطاله مش نفسك لين يجيك مكان تشتغل فيه كـمهندس .

 

نعم بلا شك مهم جدا دور اي وظيفة وشوف أي شغلة بشكل مؤقت تحقق منها مصدر دخل .. تجارة إلكترونية او عمل حر freelance work

لكن الافضل بدون تأمينات .

بالتوفيق .. وأسأل الله ان يرزق الجميع بالوظيفة اللي يتمناها ..

 

Relentless عزيزي, الوضع مو طبيعي , لاكن أحنا ساكتين, الأجانب مستانسين وماخذين أعلى رواتب و مناصب واللي أحنا أحق بها. و أصحاب الوسطات ما يحتاج يتعب على نفسه.

ياخي تخيل قبل 2012 في كلية الجبيل الصناعية تجي الشركات و توقع عقود ( مش تطبيق ) بل عقود توظيف و أكبر الشركات ( أرامكو و شركاتها , سابك , شيفرون , و غيرها ). بالخصوص الأوائل على الدفعة ( العشرة الأوئل ) و الآن الوضع : تستلم شهادتك كأنك ما استفدت حاجة من الدراسة اللي تعبت فيها و حسابات و سهر ليالي و ضغط كوزات و ربورتات.

و أعتقد طلاب البترول معروف قبل , تتخرج و الشركات هي اللي تجري وراك.

أصبح الوضع ممل لاكن , نحمدالله على النعمة و نحاول نثبت حالنا, و نتكلم.

 

أتفق معك يا صاحب الموضوع
أشوف ناس كثير فرش بلنكد ان يتوظفون بأماكن معروفة كأول وظيفة وجامعاتهم لا هي سعود ولا البترول أو حتى جامعة الملك عبدالعزيز

كلها جامعات بمحافظات.. بالبداية قلت فئة ممتازة وتوفقت لطن العدد قاعد يزيد بشكل كبير

 

الحين كل شي علاقات عدا المتميزين جدا تمشي امورهم