هل يوجد استقرار وهل هي خطوة للأمام وهل وهل !؟

اذا أنت مهندس كمبيوتر فعندك فرصة ممتازة أنك تحصل فرص وظيفية عظيمة في الرياض، ولكن هذه الفرص عليها تنافس كبير وتحتاج واحد (ممتاز) فالسؤال أنت هل تشوف نفسك ممتاز؟ فلتة؟ اذا كذا فأنا أقولك أرامكو قد لا تكون الخيار المناسب لك.

أرامكو ميزتها الرئيسية هي أمان وظيفي مليون مع رواتب جيد جدًا، زمان كانت رواتب ممتازة مقارنة بآفريج الرواتب في السوق لكن من 2018 تقريبًا وظهور شركات تقنية وهيئات حكومية جديدة صارت تعطي رواتب عظيمة جدًا، الخوف أنه أمانها الوظيفي غير معروف لأنها جدًا جديدة

 

وعليكم السلام
اولا اسال الله ان يكتب لك الخير ..

شف نصيحه من شخص جرب اللخبطه بحياته
انا من سكان الشرقية وانتقلت قبل ثلاث شهور للرياض
لهيئة حكومية .. رواتب ممتازه - مميزات ما تاخذها حتى في ارامكوا وسابك وغيرها من الشركات - امتيازات محترمه جدا ً والحمدلله رب العالمين فضل من ربي بعد حوسه وتعب كم سنه بدون استقرار
وهذا الشي خلاني اترك الشرقيه وااطلع من بيتك ملك الى شقه ايجار لان المستقبل بالرياض خصوصا الي مجالهم IT .. ارامكوا تغيرت واعرف كذا شخص طلع من ارامكوا وراحو الرياض ومن سابك وراحو الرياض .. الوضع بالرياض انشط بكثير من الشرقية ..

بالعربي المستقبل بالرياض
تحتاج فقط تسوق لنفسك صح باللينكد ان وبذن الله تحصل فرصه قويه ..

 

انا عشت حياة الريموت اريا

طبعا نفس الاشخاص اللي تعمل معهم بتشوفهم معك سواء بالمسجد او المطعم حتى ممكن تقابل مدير اداراتك او رئيسك
يعني مافي شخص غريب بتشوفه نفس الاشخاص اللي تعمل معهم بتشوفهم كل مكان هذا اللي لاحظته .

لايوجد استقرار نفسي لكن يوجد استقرار مادي بسبب أن الرواتب جدا مرتفعة حتى موظف الظهران راتبه عادي لكن الريموت اريا أعلى بمراحل من الظهران .

الموضوع طبعاً يسوى انصحك تروح هناك لفترة وتجمع كذا قرش بترتاح قروش وبعدها تشوف غيرهم سواء بالرياض او جدة وطبعا الرياض هي المستقبل الان سواء ادارايا او هندسيا او عسكريا
اغلب الوظائف بالرياض وهذا ميزة لسكان الرياض بصراحة . والشرقية الافضل في القطاع الصناعي . والغربة شيء طبيعي هناك كثير مبتعثين ماستر لهم اكثر من 7 سنوات خارج الوطن .. فتعود على الغربة واعمل لمستقبلك .

انصحك تكسب خبرة من ارامكو وماتدري ممكن تحصل بالمستقبل على عرض من الرياض او شركة تعطي رواتب خيالية وكبيرة جدا لمهندس كمبيوتر مثل Saudi Telecom Company وغيرها

صح لايوجد استقرار بالريموت اريا لكن مزبيطنك الاحد نص دوام والخميس نص دوام واوف رحلات اجازة 3 ايام وكذا فلا تشيل هم البيئة بشكل عام جيدة والخدمات كلها موجودة وحتى لما تغادر صح منطقة نائية بس تشتاق لها

عموماً أنصحك بقبول العرض وهي فرصة بلا شك ومجال للخبرة والتطور وممكن ينقلوك الى الرياض صعبة لكن تفائل بالخير والمستقبل امامك طويل ومليء بالتحديات ..

اتمنى لك التوفيق ..

 

ما شاء الله انت عشت كل شي العطالة وحياة الرموت اريا والمصانع والادارة والعسكرية، المنتدى بدون خبرتك في ضياع صار لك متخرج سنة على كلامك بس خبرتك خبرة 20 سنة

 

وعليكم السلام،
أرامكو حلم للجميع لأنها من ضمن أفضل الموجود ولكن للأسف الكثير يحسب أنها أفضل موجود

هي فرصة حلوة من ناحية أن الراتب بيكون ممتاز بإذن الله تعالى والأمان الوظيفي والأستقرار الوظيفي بمعنى موظف أرامكو غالبا يبقى بأرامكو طول العمر


ولكن شخص متميز مثلك ما شاء الله تبارك الرحمن بتتهاتف عليه شركات كثير وبالتأكيد يقدر يحصل على عروض وظيفية أفضل من أرامكو

وفيه شركات كثير تقدم تطوير للموظفين أحسن من أرامكو

من وجهة نظري فكر بثلاث أشياء من الأكثر أهمية للأقل وخلها تساعدك بتحديد قرارك
١- التطوير الشخصي والمهني
٢- الجو الوظيفي (من طبيعة العمل، مهام العمل و طاقم العمل)
٣- الراتب

ليه حطيت الراتب بالأخير مع العلم أنه شيء مهم ولكن لأن التطوير لو حصل بترفع من سقف راتبك بكل الأحوال لأقصى درجة ممكنة بحيث أن الشركات المنافسة تستهدفك وتقدم لك عروض أفضل

الله يوفقك يارب ويكتب لك الأحسن وإستخير وإتخذ قرارك وإنت ثقتك بالله أن قرارك فيه الخير لك
تذكر مجتمعنا يقدس أرامكو ويشوفونك شيء كبير ممكن لو تهتم لنظرة المجتمع لك من أقارب وغيره أرامكو تكون خيار مناسب ولكن القرار بيدك بالأخير
وقد لا أكون الشخص المناسب للرد لأن للأسف حتى مقابلة ماحصلت عليها من أرامكو وبالتأكيد لو حصلت عليها وإنقبلت راح أروح ولكن مثلا أنا أبي شلمبرجير من كثر ماسمعت عن التطوير وأنهم عندهم مدرسة بدبي ويصرفون عليك مبالغ وقدرها ويشغلونك دوليا حسيت يصرفون على الموظف ويطورونه ويعطونه الراتب ولكن حط في بالك الشغل متعب ومرهق جدا لأبعد درجة والحياة الأجتماعية بتكون معدومة بداية مسيرتك

وهذا مثال من عندي