محتار استقيل أو اكمل بالوظيفة !!

أشوف الأفضل جدد عقدك مع الشركة واكسب خبرة وفي نفس الوقت تستلم راتب .

اذا كانت هناك إمكانية الدراسة والعمل بنفس الوقت سيكون أفضل بكثير واخذت كل ماتتمناه وكذلك ماحطيت نفسك بموقع خطر شوف لك جامعات سعودية مثل KFUPM

أما فيما يخص الإبتعاث وإكمال الماجستير وترك الوظيفة الموضوع مجازفة اذا ميزانيتك ممتازة ومنت بحاجة لوظيفة في اقرب وقت روح للإبتعاث نعم أنصحك .

الشركات تبغا خبرة غالبا 4-5 سنوات وتكتب لك صراحة (Bachelor is required Master is preferred)

ممكن تسألني ايش معنى هالكلام ؟! معناه ان البكالوريوس مطلوب والماجستير يفضل ولكنه غير مطلوب والخبرة مطلوبة .
هذا يثبت انك لو تكسب خبرة أفضل أو تدرس وتعمل بنفس الوقت أفضل وأكمل

بالتوفيق ان شاء الله .. والإستخارة قبل كل شيء .

 

حاول أول شيء تطلع من وظيفة السعودة وتتجه لشركة تكتسب فيها الخبرة لأن أي يوم في وظيفة السعودة يعتبر ضرر بالنسبة لك لأن أي مقابلة تدخلها في المستقبل بيسألونك وش سويت في فترة عملك ولو قلت لهم كانت سعودة فبيعتبرونها نقطة سوداء عندك لأنه بيعتبرونه اهمال منك وليس من شركتك السابقة + انا جلست سنتين في شركة شبه سعودة واتعبتني اسئلتهم عن الخبرة لكن تسهلت معي ولله الحمد + بالنسبة للغة تقدر تطور نفسك ذاتيا وهو الاساس في تعلم اللغة ولو دخلت اي شركة مستقبلا لغتك بتقوى وتتطور دايركت لأن تعاملك معهم بيكون بالانجليزي والماجستير لاتطلع الا لو جهة عملك طلبت منك او كان عندك طموح اكاديمي في المستقبل

 

اذا راتبك من 8 الاف وتحت اطلع بعثة وتوكل ع الله

 

اذا الابتعاث مدفوع التكاليف بالكامل توكل على الله

 

عملك الحالي غير مرضي بالنسبة لك وانت شخص تحب ان تطور من نفسك
من وجهة نظري الابتعاث فرصة جيدة لك وبعد سنتين او ثلاث سيكون قد تحسن سوق العمل باذن الله
سوق العمل الان يبحث عن لغة قوية فالابتعاث سوف يطورك من جميع النواحي مع ضرورة اختيار تخصص يتناسب مع رغبتك وله فرص في سوق العمل

اكتب الايجابيات والسلبيات لكل خيارليسهل عليك اتخاذ القرار
كل التوفيق

 

وجهة نظري, وظيفتك الحالية مالها قيمة لا راتب ولا خبرة ولا هي عاجبتك. فمافي سبب يخليك تتعلق فيها وتترك ماجستير مدفوع التكاليف برا المملكة. يارجال راتبك كمرافق في الابتعاث يمكن يكون اعلى من راتبك الحين. وبرضو احلى بالسي في انك تدرس ماجستير سنتين احسن من انك سنتين في شركة سعودة مالها خبرة. واخر شي بصراحة لو انك توك متخرج وقلت بكمل ماجستير كان قلت لك انتظر وقدم على وظايف اول. لكن بما انك قدمت وماحصلت الا ذي فالأحتمالات ان وضعك مابيتغير فجأة وتصير تحصل شركة قوية بدون ماتسوي تغيير كبير بالريزمي حقتك سواء كانت شهادة جديدة او تطلع لك كونكشن تدخلك مقابلة في احد الشركات الكبرى ومن هناك اسلوبك يمكن يدخلك الوظيفة. لكن بوضعك الحالي في وظيفتك الحالية انا ما اشوف انك قاعد تتطور من اي ناحية.

 

فكر بموضوع الابتعاث لكن بغير تخصصك، يعني ممكن تاخذ لك ماستر ب مواضيع trending الآن كان لك رغبة فيها مثل برمجة وداتا ساينس وغيره. أو ممكن تقوي جانبك بالبيزنس من خلال MBA مثلا.