ماني عارف ايش اسوي! على مشارف الاكتئاب

أنا جداً متفهم لوضعك وهذا شيء مر فيه كثير من الناس.. أن الشغل مو قاعد يلبي رغباتك وشغفك (بغض النظر عن المقابل المادي)

بالنسبة للتقديم على وظائف أخرى استمر على هذا التقديم ولا تيأس الفرص مو كثيرة لكن الفرصة بأي وقت ممكن تجي بعد مشيئة الله

بالنسبة وقت الدوام الي ما يكون فيه شغل حاول تستغله وتفهم أكثر في مجال المقاولات وتطور نفسك أكثر، هذا ان شاء الله يزيد من فرصك ..مجال المقاولات قوي ومهندس الميكانيكا ممكن يشتغل في أنظمة التكييف.. أنظمة إطفاء الحرائق.. أنظمة العزل الحراري.. الطاقة وكفاءة الطاقة.. الخ..

الفراغ قاتل وأنا مريت بنفس هذه التجربة في شركة كانت قوية ولها اسم في السوق.. لكن كان مسحوب علي وما فيه عمل حقيقي أقوم به لدرجة اني كنت أغيب وما فيه أحد يدري اني غبت

بالنسبة للخبرة صدقني السنوات والعمر مو كل شيء ممكن واحد يبني خبرة في 28 لكن تكون كل الي بعدها متكرر وما فيه تطور حقيقي .. ممكن واحد يبني خبرته في ال 30 أو 35 تعتمد على الظروف والشركات يفترض أنها تشوف الشخص الي يلبي رغباتها بغض النظر عن عدد السنوات .. وبعدين كثير من الموظفين خبرتهم... وبعدين أنا اشوف الخبرة الي قضيتها لها قيمة حقيقة وأكيد أنها طورت فيك بأشياء محلوظة أو غير ملحوظة


خلاصة الحديث استمر في التقديم .. حاول تستغل وقت الفراغ في الداوم سواء تعمل أشياء في نفس المجال لشركات أخرى (رسومات، تخطيط) بأجر مقطوع .. أو تطور نفسك ذاتياً وتحاول تفهم احتياجات السوق .. استهدف الشركات الي يكون فيها عمل ميداني لإن خبرتها تكون أقوى لكن أصعب


والله يوفقك ..

 

اثبت نفسك .

غير المسمى الوظيفي اذا شغلك مو ماشي في الشركة ! روح حتى لو مهندس مبيعات .. ماعندك مشكلة
اهم شيء تاخذ خبرة قوية بالبوزشن اللي انت عليه مو بس بين اربع جدران دون فائدة بغض النظر عن الراتب

الشركات الكبيرة قدم عليها بإستمرار لعل وعسى يكون فيه شاغر متاح عندهم . Keep Up to date

ماراح تستفيد واجد اذا كلكم مهندسين فريش ! لازم واحد معه خبرة يشرح لكم الشغل مثلاً .. هذا غالباً اللي يصير في SMP
يجي المهندس الخبرة يشرح لهم كل شيء .

الشركات الصغيرة هي بمثابة مصنع الخبرة لأن الضغط بيكون عالي جدا والعدد قليل فيها وماتدري ايش تسوي فيها مجال للإبداع والتفكير بخلاف الشركات الكبيرة اللي خلاص لهم مانجير وسينير ماسك الشغل كله . هذي ممكن تكون ميزة .

قلت انك تشتغل على السوليدوركس والمحاكاة simulations وعندك مهارة فيها شوف وابحث عن الشركات اللي مهتمة بهذا المجال وريهم خبرتك وقدرتك .

دائماً ركز على مجال الشركة نفسها اذا كانت مقاولات او مصنع او انتاج الخ .. ركز في مجالك .
لو رحت ارامكو معامل غاز مثلا انت راح تشتغل في الفيلد مع الكيمكال عادي ركز على مجال الشركة أكثر من تخصصك .

الله يوفقك يارب .. ولا تكتئب يا أخي الدنيا تجارب والأهم انك تتعلم وتصحح أخطاءك .

 

اسرع طريقة ومضمونة
روح الى مكتب طاقات

 

هههههههههههههاي

ماتحصل عندهم الا سيكورتي او كاشير

لكن جرب حظك ويارب خير

الأفضل تقدم بإستمرار يدوي واونلاين وتراسل موظفي ال HR

 

السلام عليكم

مهندس عمر .. حبيبي والله

انا من زماااان عن المنتدى .. اقرأ المواضيع فقط

اللي شدني أدخل واكتب هو موضوعك!

أولاً: متفهم جداً لوضعك والحياة كذا أحيان كثيرة يكون فيها لخبطة وضبابية وعدم ثقة ووضوح لكن تأكد أن الله يختار لك الأفضل حتى لو ماشفته الآن

ثانياً: جمعّت خبرة ممتازة اشوفها وإن شاء الله الخير مقبل عليك .. فقط لا توقف من التقديمات على الوظائف Keep going .. واحرص أن تذهب بنفسك للمنشآت وتكون جاهز وكاشخ وتقدم نفسك لهم .. لابد أن يضبط معك وظيفة ان شاء الله

ثالثا: تأكد أن العظماء لم ينجحوا من أول أو ثاني محاولة .. بل بعد عدة محاولات من العطاء والخبرة والخيبات والفشل .. ارجع وأقرأ قصة نجاح مؤسس مطاعم كنتاكي KFC

أخيراً: أتمنى لك التوفيق والنجاح وأن ييسر الله لك كل عسير .. عليك بالصلاة والصدقة.

تحياتي
أخوك/ سيد الاحساس​

 

الرجال يبغا مشورة مايبغا أخصائي نفسي

ياعظيم انت

 

انت بس لو تعرف متى تتكلم ومتى تسكت كان تزين امورك
"لو صمت الجاهل, ما اختلف الناس"

 

اعتذر
صدقت ياغالي . الله يهدي الجميع يارب

 

لست أخصائي نفسي

قدمت أفضل ما لدي .. لعلها أفضل من المشورة

عموماً الله يفتح عليه وييسر له ولك ولنا أمورنا ​

 

لست أخصائي نفسي

قدمت أفضل ما لدي .. لعلها أفضل من المشورة

عموماً الله يفتح عليه وييسر له ولك ولنا أمورنا ​

 

انه يعطيه نصائح أو تحفيزات ابرك وانفع بكثير من ردود مبنية على تحليلات شخصية ويمكن تجيب فيه العيد

 

ماعاد للمهندس ميزة في سوق العمل

لدرجة تشوف المهندس يرمون عليه مسميات غبية

مثل مهندس مبيعات مهندس مشتريات مهندس سلامة

كلها مسميات مالها علاقة بالهندسة مجرد بس مسميات عشان تقبل الوظيفة

اللي نعرفه ان الهندسة هي الميكانيكا والمدني والمعماري والكهربائى والكيميائي غير كذا لايكذبون عليكم الشركات السلق