ماث 201 - ترم صيف 163

باختصار مثل ما قالوا الشباب الدكتور ممتاز ولا تتردد تسجل عنده

* الشرح ممتاز يعطي فكرة عن الدرس على السريع و يدخل على الطول باسئلة الكتاب
ويحل اكبر عدد ممكن من الاسئلة وهو اهم شيء بالماث انك اكبر عدد من الاسئلة.

* الصوت واضح جداً رغم انه باكستاني لكن واضح انه متمرس بالانجليزية

* التحضير يكون بورقة تمر على الطلاب خلال الدرس

* من الاشياء اللي عجبتني فيه ايضاً انه ما يحاسب على التأخير
يعني لو تتأخر عشر دقائق او ربع ساعة يسمح لك تدخل و تحضر
لكن اذا زودتها نص ساعة او كل يوم ممكن يزعل و مع ذلك يسمح لك تدخل وتحضر ،
في النهاية الدكتور مقتنع ان اللي يبي مصلحته يحضر من البداية .


* الكويزات كان عددها 6 و اخذا افضل 4 لكن افرج سكشنا كان عالي جداً 35 من 40
لذلك اضظر يحذف 5 درجات من كل واحد
كل كويز يكون عبارة عن درسين او ثلاث و يكون الكويز سؤال من كل درس سؤال يعني سؤالين او ثلاثة ،
كويزاته متوسطة المستوى بتلقى تريك صغير بكل كويز ،
الكويزات تكون شبيهة باسئلة الكتاب لكن مو نفسها ، حاول تدخل على كويزاته القديمة
يجيب نفس الطريقة لكن مو نفس الاسئلة .

* تصحيح المياجر احسه لا بأس به يمشي على السلوشن يعني مو ذاك النوع اللي يعطيك درجات مجانية
لكن ممكن يميشك ببعض الاشياء يعني بدل 2- يخليها 1-
اذا انت شاك بشيء بالتصحيح روح له المكتب وما راح يقصر معاك ممكن تحصل درجة او درجتين
بس اذا الغلط واضح ما يقدر يسوي شيء .

 

ماث 201 ترم 181
التحضير ورقة تمر ولو تجي متاخر يحضرك عادي
الشرح في بداية الكورس ما كنت افهم منه لكن يوم تبدأ تحل تفهم كل شي لانه يركز على المفهوم كثير لكن بعد ميجر 1 صرت افهم بشكل واضح وكان مصدري الرئيسي
الكويزات بسيطة ومن حظي صراحة افرج السكشن ما كان عالي يعطي 7 وياخذ افضل 5 ويوم شاف الافرج نازل زاد واحد بادرة جميلة منه
الميجر الاول كان ريتين كومن اما الثاني والفاينل MCQ كومن و تصحيحه جيد لا هو اللي يدف ولا اللي يشد عليك
الصوت واضح
القريد النهائي A جدا ارتحت معه في الكورس وكلاسه خفيف ويهتم للطلاب حتى يوم الميجر قبلها بكم ساعة يجي يشرح لنا اسئلتنا انصح فيه بشدة

 

MATH371-203 (اونلاين كلاس ومد وفاينل حضوري)
التحضير: ينزل اللستة من التيمز
الشرح: حاولت اركز معه بالبداية لكن ماقدرت , الرجال ما عنده نوت جاهزة ! جالس يفتح الكتاب قدامنا ويسوي النوت لايف معنا والشي هذا يخليه يسلك بالشرح لدرجة انه بالغالب يحل المثال المحلول بالخطوات بالكتاب ! . الاكسنت اوضح بكثير من باقي الدكاترة الباكستانيين اللي درست عندهم للامانة .
الكويزات: عطانا 6 كويزات ا5 منها فاينل انسر وواحد اختيارات وقال باخذ افضل 5 وجحدنا بالاخير بحجة الافرج واصلا الكورس مافيه الا سكشن واحد بس ! , الكويزات مستواها سهل جدا ويكفيك انك تحل الاسئلة المقترحة بالسيلابس عشان تضمن الفل مارك , مدة الكويز اخر نص ساعة من المحاضرة ويمديك تخلص الكويز ب ربع ساعة من سهولته .
المد: كان يجيب اسئلة من الاولد اكزامز نسخ لصق وجميع الافكار يا انها من الاسئلة المقترحة او الاولد اكزامز , المد كان حضوري ورتن وتصحيح الدكتور يركز على الفاينل انسر اذا كان غلط سلم على درجة السؤال لكن انا كنت اكتب الخطوات بالتفصيل الممل فكان يعطيني بارشل كويس عكس اغلب الشباب , نظام الدكتور بالتصحيح سيء لكن اذا كتبت الخطوات بالتفصيل لعله يتساعد معك , اضافة اخرى الوقت كان جدا حرج يعني عطانا 5 دقايق زيادة وحرفيا بدونها كنت بترك سؤال ناقص وانا اعرف احله.
الفاينل: نفس سالفة المد , لكنه هالمرة تجمل بالتصحيح عكس المرة الاولى ومن قوة ماهو ينسخ ويلصق جاب لنا سؤال مكرر من المد . بالنسبة للوقت متيريال الفاينل يحتاج وقت اكثر بالحل من المد وهالمرة ما عطانا 5 دقايق اضافية فاغلب الشعب تنكب , الدكتور عنده مشكلة باختيار المدة الزمنية للاختبارات .
اضافات : الدكتور بشكل عام ممتاز لكن اللي خلا الطلاب يكرهونه هي اخلاقه وطريقة تعامله مع الطلاب , ايضا تصحيحه للبروجكت يدور اي شي عشان ينقصك عليه ! يعطي 14/15 كثير لكن الفل مارك واحد او اثنين ويناقض نفسه اذا جيت تسأله عن السبب ولا يعترف بالغلط يكابر واسلوبه مستفز جدا , ايضا الفورملا شيت اللي يحطها الدكتور للمد والفاينل جدا جدا سيئة شبه ما منها فايدة ويوم كلمناه انها ما تشفع للاختبار وكذا قال بالحرف الواحد "Then drop the course" , بالنسبة لتوزيع القريدات عنده فما عطانا غير انه ال +A من 268.5 , سمعت من اكثر من شخص جابوا 268 ونزلها لهم بالبورتال +A وفي الترانسكبت A ! الدكتور جدا جحود وصار لي موقف معه في احد الكويزات لذلك لا تضمن كلامه .

 

MATH 333 - TERM 211 - حضوري

التحضير : يوزع ورقة ومايدقق وما يخصم على الغياب.

طريقة الشرح : يشرح من النوتات حقته والصراحه النوتات حقته ممتازه اغلب اللي منزلين الكورس يذاكرون منها وتكفي ، بالنسبه لشرحه جيد.

الكويزات : اختبرنا ٥ كويزات وخذا افضل ٤ وكويزاته متوسطه.

المياجر: المياجر في هذا الترم ما كانت صعبه اغلبها نفس افكار النوتات واسئلة الكتاب.
افرج الميجر الاول: ٦٣٪؜
والثاني: ٦٨٪؜
والفاينل: ٧٥٪؜

الصوت: صوته واضح والكل يسمعه.

إضافات : الدكتور اسلوبه سيء و دايم ضد الطالب.
نظامه في التصحيح اذا كان السوال عليه ١٥ بوينت يا تحل صح وتاخذ ١٥ يا بيعطيك ١ او ٢ من ١٥ حتى لو كان نص حلك صحيح عشان كذا اشوف تصحيح الدكتور سيء.