الهجره خارج السعوديه

الله يعوضك خيرا منها

 

الهجرة تكون من بلاد الكفر الى بلاد الاسلام لا العكس

 

ان حصلك شي لا تنسانا الله يعافيك

 

الموضوع هذا بالنسبة لغير السعوديين انه يجون يتوظفون في السعودية شيء عادي ومطلوب لكن مو على حساب السعودي المؤهل لهذا المنصب حتى لو اقل منه خبره ودراسه بما انه مؤهل.

قضية الاردني هذا فيه غيره كثير لكن هذا واحد من من جماعته طلع ماضيه.
١ - غير سعودي
٢- حديث تخرج
٣- جامعته عاديه وممكن اقل من عاديه (ممكن اي جامعه سعوديه ثانيه احسن منها)
٤- توظف في مكان ممتاز والكثير من السعوديين يحلمون في هذا المكان

وفوق هذا كله كان يسب السعودية والشعب واللي فضحه اكيد واحد من ربعه إلا محد درى عنه.

ومثل هذا الشخص كثير عندنا يجي يتوظف على حساب المواطن اللي اعلى منهم كفاءه.

وانا اشتغلت في شركة مقاولات (غصب حصلت وظيفه وكانوا مغصوبين يوظفون سعودي عشان نسبة السعودة) ولاحظت انهم جالسين يزورون حتى توقيع الاستشاري اللي يتعاملون معه (:

طبعا السبب هو المسؤول واصحاب هذي الشركات.

بالنسبة كسعودي انك تشتغل برا السعودية، هذا شيء صعب جداً انك تحصل شغل جيد لأن الدول الثانيه يحترمون مواطنيهم واذا توظفت بتكون وظائف اقل من طموحك الا اذا ربي يسرها لك.

 

عندنا في الشركه توهم موظفين اثنين تونسين في مناصب عاليه
و واحد فريش في قسم المبيعات اردني و يقولون فيه واحد تونسي جديد جاي في الطريق

 

للأسف يوم ورا الثاني يثبت ان المسؤولين عندنا مايثقون بالمهندس السعودي الا المقرب من المسؤولين وهذولا مايجون من 0.00001% من المهندسين.
لذلك والله صرت انصح الشباب يهربون من الهندسة لأنها خازوق محترم عندنا ،وفوق كذا السعودية تجامل الاردن ومصر ولبنان والمغرب سياسيا ع حساب المهندسين السعوديين.

سالفة الاردني ترا غيره مئات الالاف. لكن عيب الاردني انهم قفطوه يسب ، يعني لو ما سب والله مايجيه شي اثقل من ثوبه..

شخص فرش جديد تلقاه يتوظف بمنشأة يحلم يتوظف فيها السعودي لو معاه شهايد عشر انواع هندسة.
ويجيك الزلمة متخرج بتنكة زيتون وهريدي متخرج من الزقازيق بعزيمة فسيخ وشهادة غالبا مزورة وتشوفه ياخذ راتب ماياخذه سعودي صاحب خبرة 5 سنين.
لذلك اقولها وبأعلى صوت الهندسة مقلب بالسعودية او اطلع للخليج اذا الله رزقك .
بالسعودية لا تتعدى تخصصات الادارة . ع الاقل ماتنقهر وتكرف هندسة واخرتها تشتغل سعودة