وظائف لنكد ان مامدى مصداقيتها?!!

كذابين

انا ايضا وصلت تقديماتي فيه فوق 70 تقديم من فتحت حساب لي فيه الى الان و لا احد اتصل علي حتى الان بخصوص الوظائف الي مقدم عليها حتى اغلبها الوظائف اغلقت غير الرسائل الي البعض القليل تواصل معي و ارسلت لهم السيفي و بعدها توقف عن التواصل معي نهائيا

الحساب كان عن عندي من عام 2012 اي من 10 سنوات كان بدايته نشط و فيه تواصل كثير معي من الشركات الداخلية هنا لكن في السنوات الاخيرة لما زادت خبرتي قل النشاط داخليا و صار من يكلمونني بخصوص الوظائف اغلبهم من شركات من الخارج!!!!! انعكست الامور شركات من الخارج تتصل عليك و شركات الداخل تسحب عليك!!!!!

انا ايضا افكر احذف الحساب و كذلك افكر احذف حساب بيت مرة ثانية كما حذفته سابقا

هذه الحسابات للاسف اتكلم عندنا هنا من اجل استعراض الشهرة و المظاهر و الصور انا عملت كذا و كذا و ليست من اجل البيسنس و الخبرة و العمل و التوظيف

 

ليكندين من الممكن يعتبر ( سوشل ميديا الشغل )

 

قدمت على اكثر من مئة وظيفه بالنكدن وتوظفت عن طريقه. بس كانت الوظيفه تناسب خبرتي بنسبة ٨٠٪ واللنكدن توقع عطاهم تنبيه. فأتوقع ان اللي يستفيد منه بنسبه كبيره هم اصحاب الخبره ونسبه قليله جدا من حديثي التخرج.

 

السلام عليكم

بتجربتي نعم كثير من الوظائف فعليه ( اتكلم عن وظائف الموقع نفسه مو الناس الى يعلن في حسابه و يقولك ارسلي على ايميلي الشخصي و الخ )

من المهم ان يكون تقديمك في نفس اليوم ( تقدر تفلتر و تحط عرض الوظائف الى خلال 24 ساعة فقط ).

بسبب عدد المتقدمين الكبير يتم فقط النظر الى الملفات الى عندها تطابق 100% مع الوظيفه. * تقدر تحقق هذا الشيء بالتعديل في مهاراتك الى في ملفك. و اذا لسه عندك خدمة لينكد ان الشهر المجاني ما جربته. جربه قبل ما تقدم على الوظيفة راح يعرض لك نسبة التوافق و كل ما تعدل على ملف راح تتغير النسبه الى ان تحقق 100 و ارسل.

و بكذا انت تفادية التصفيه الأليه و بعد ساعات راح يرسلك تم الاطلاع على سيرتك او تم تحميلها و الخ و هنا عاد الاتش ار الفعلي راح يقراها و يشوف اذا انت عندك المتطلابات الى هو يبيها او لا.

بعض الطرق الاخرى للاستفاده من الموقع.

1- بعض الشركات و الاتش ار يعنلون فيه عن وظائف لا يتم اعلانها في مواقعهم الرسميه. فا يصير عدد الى المتقدمين قليل. فا تزيد فرصتك للحصول على الوظيفه.

2- بعض الاتش ار فعلا يبحث خلال الموقع عن مرشحين. مره تواصل معاي الاتش ار من شركة الفنار على الخاص لحضور مقابلة. احد الزملاء تواصلو معاه ارامكو لحاجتهم للمهارات الى اكتسبها و غيرهم من الزملاء.

3 - كثير من الشركات توظف عن طريق الترشيح الداخلي فقط. اذا قدرت تكون علاقات ممتازه داخل او خارج اللينكد ان يقدرون يرشحونك في شركاتهم. مثال في اوقات مدراء و مسؤولين ينزلون في حسابهم عن مشاريع هندسية تطوعيه. اشارك فيها و اترك انطباع معاهم و اتعرف عليهم. لا يوجد حدود لتكوين العلاقات. المراسلات ، المقالات المميزه ، التعرف خلال الدوراة التدريبيه الخ.

4- بعد ما تقدم على الوظيفه بسهوله تقدر ترسل للاتش ار و تشرح له كيف انت مناسب للوظيفة و بتكون اضافة ممتازه لشركة. عدة مرات كنت خارج الترشيح و بهذه الرساله ارجع للخطوات المتقدمه من الترشيح.


و في النهاية السعي ما له حد و لا يقتصر على موقع او طريقه و الله يوفق الجميع.

 

والله انا جربت bayt.com وتوظفت الحمدلله عن طريقهم مرتين جربه افضل والناس الي تقدم منه اقل ف تزيد فرصتك والله يوفق الجميع

 

قدمت فيه على وظايف لين طفشت ولا فيه فايدة، بعدين غيرت استراجيتي في التقديم، صرت اضيف ناس من شركات تجذبني ولما يقبلوني ارسلهم رسالة تعريف عن نفسي ومعها السي في، الحمدلله زبطت معي

طبعا بتقابل الي يسفهك والي يسلك لك والي يرد عليك فعلا ويكون لطيف وفيه الي فعلا يتفاعل معك ويمكن يزبطك بمقابلة، الموضوع يحتاج صبر

ملاحظة، اتكلم عن التقديم وانا عندي خبرة تقريبا ٥ سنوات، الوضع اكيد اصعب لحديث التخرج، لكن استمر بالتقديم وجرب طريقتي باذن الله رح تنفع معك

 

في كم شركة تواصل معي لعمل المقابلة عبر لنكد