عرض من بكتل , AECOM , نسما

واضحة ايكوم خارج المقارنة، هي ممتازة لكن عقد تدريبي مدته 18 شهر فيها مخاطرة لكنها هو شركة قوية


شوف بعد ثلاث سنوات أو خمس سنوات وش اللي يفيدك أكثر و يفتح لك أبواب كخبرة و استقرار و أمان وظيفي

أشوف في نقاط ناقصة مثلا الراتب السكن طبيعة العمل
عدد ساعات و أيام العمل البعد القرب مناطق نائية المميزات الاخرى الزيادات السنوية البونص مدة المشروع
جيب ورقة و قلم و قارن

 

كيف قدمت ع ايكوم ؟ لي فتره اتابع موقعهم والوظايف +10 سنوات خبره

 

اتفق مع Haitham2018
لو كنت مكانك بختار بكتل او ايكوم. لان خبرة مشروع نيوم قوية وشي جميل تبدء حياتك مع شركات قويه و مشروع قوي كخبره.
صحيح نيوم بعيده لكن مثل ماسمعت بكتل تعوضك عن تذكرتين طيران كل شهر للسعودي.
والله يوفقك ويساعدك على الاختيار

 

لو مكانك بختار بكتل او ايكوم وكلهم شركات كويسه و خبرتها ممتازة خصوصاً باكبر مشروع بالسعودية نيوم
بس قارن بين مميزاتهم و بكتل عندها زيادات سنوية و تذكرتين
بالشهر

 

بكتل الافضل
زيادات سنوية
تامين طبي بوبا A كويس
الي بالجبيل ياخذون منهم بدل السكن تقريبا اعتقد مقطوع ١٥٠٠ ريال ويعطونك شقه على البحر في جلمودة في عماير الهيئة
تدخل في سرا التملك المنازل حقين الجبيل متاكد منهم
اعتقد انهم قد عرضو على اللي بالجبيل ينقلو لنيوم بزياده راتب فالزبدة ان ممكن تنقل وهي اقرب فرضه للرجوع للشرقية وشركة كبيرة .
يعيبها انك مثلا مهندس تطول وانت مهندس والسعودي قليل تلقى مدرا اغلبهم امريكان وهنود

ايكوم ماعرفها

نسما شركة قوية فيها زيادات سنوية وبدل السكن ٢٥٪؜ مو مثل بكتل

المهم اسمعني
كلهم لمشروع نيوم
فانت اذا عاطل خلص مع بكتل او نسما وصراحة يحكمك الراتب الافضل لانهم كلهم نفس المنطقة ونسما مو بطالة كويسة وتامينهم A ونسبة التامين 20% حد اقصى 25 ريال تدفع وتامينهم قوي وبدلاتهم ٢٥٪؜ سكن ونقل 10٪؜ ويعطونك سيارة والبانزين عليهم والسكن يستاجرون لك شقة بضبا مرتبه هم يدفعونها بالعربي الي اعرفه عن نسما انك بس تدفع حق الاكل ونسما كويسه وله مستقبل لاكن ماعندها سالفه التمليك لذالك شف وش الي انت تبيه ويحكمك العرض الافضل وانت تراك لك تجربه ٣ شهور عادي يحق لك تمشي كلهم قابل معهم وكلهم شف عروضهم عادي ولاتقول انك توظفت ببكتل او سواء نسما مالهم دخل انت بتجربه تقدر تمشي بسرعة

 

اذا نسما بالشرقية شف عرضهم لان احد الشباب بنيوم ومتبهذل شويتين ومطار نيوم مغلق ي تروح بسياره ولا تروح لتبوك ٢٠٠-٣٠٠ كيلو تطير منه .
قبل كان صاحبي بالشرقية ونقلوه لنيوم ااكن حتى يوم كان بالشرقية استاجرو له شقه وعطوه سياره من ذيب هم يستاجرونها كان Qc برضو وعندهم اوفر تايم دوامهم السبت دوام وبكتل كذالك السبت دوام ٦ ايام تداوم

لاكن بكتل اذا في فرصه تنقل للشرقية تستقر بالجبيل الصناعية وتاخذ شقه

استخر الله وشف الاقوا عرض ورح يمه

 

سلام عليكم، انا جاني عرض من شركة AECOM اليوم، رسلوا لي العقد الوظيفي بعد ماعملت مقابلة معاهم قبل اسبوعين، العقد تحت مسمى وظيفي مهندس ميكانيكي حديث تخرج، طبعا هو برنامج مدته ١٨ شهر، مشكلته مش منتهي بالتوظيف يعني فيه احتمالية بعد السنة ونصف انهم ماياخذونك، وهذه مخاطرة وهي السلبية الكبيرة في العرض حقيقة، ماودي اربط نفسي ١٨ شهر غير انه مافي معلومات كافية او تجارب سابقة لأشخاص انتهو من فترة ال١٨ شهر، الراتب ٨٠٠٠ ريال خلال ال١٨ شهر، و ١٤ الف بكج كامل اذا توظفت رسميا بعد مدة التدريب، وش رايكم وهل تعرفون احد قد توظف عن طريق البرنامج؟ وهل خبرة الشركة ممتازة؟