ENG102-TERM 211

التحضير :
متساهل نوعًا ما في التحضير، التحضير عبارة عن ورقة يحطها على طاولته آخر الكلاس توقع وتمشي ، ولا يحاسب على التأخير.

الصوت:
صوته واضح و لهجته أمريكية ومفهومة.

طريقة الشرح :
من سلايدات الكوردينتور ، وفي الغالب مايشرحها يقول اقروها ولي عنده سؤال عن أي شي ما فهمه من السلايدات يسأل.

الكويزات :
كويزين ريدينق كل واحد عليه خمس درجات وماهم صعبين ابد.

الفاينلات :
الفاينل والميد كلها كومن.

إضافات :
الدكتور ما يكرف ولا عنده الا يمكن خمس او ست واجبات في السمستر سويتها أو ماسويتها ما درا عنك.والثيم حقه يعتبر مختلف عن ثيم باقي الدكاترة ، يعني باقي الدكاترة تشوف الثيم حقهم اما الطاقة أو البيئة أو حتى البيتكوين. لكن هو ثيمه كان عن رواية القصص ( storytelling ) فالموضوع نوعا ما غريب وتستصعب تكتب عن هذا الموضوع في البداية بس بعدين بتتعود. والدرجات ينزلها لكل شخص لحاله فما تقدر تعرف كم درجات الطلاب الي معك في الكلاس عشان تقدر تعطي تقييم عن تصحيحه. بس بشكل عام قريدات WT1 كانت نازلة مغلب الشعب الي اعرفهم C أو C+ وفيه ناس اقل بشوي وأكثر بشوي و WT2 نفس الوضع ولكن أفضل بشوي من WT1. الميد كان يصححه هو و دكتور ثاني وكانت درجاته حول الرايتنق تاسك. في الترم ريبورت رفع درجات أغلب الشعب وشخصيًا عطاني قريد ماقد أخذته في اي كورس انقلش من قبل وحتى في البرزنتيشن كانت قريدات الطلاب عالية. فهو في البداية يمكن يعطيك قريد نازل في البداية عشان تشد حيلك وفي الأخير بيزودك. عموما الدكتور يعتبر جيد وماهو سيء اطلاقا وحاول ما تحكم عليه إلا في نهاية السمستر.

التقييم النهائي:
بين B و B+ عجزت اقرر.

 

ENGL-102
211
- التحضير :مايهتم الصدق ورقة يحطها عالمكتب نهاية الكلاس وماقد تكلم عالتأخير ممكن عشان كان المبنى بعيد ومافيه وقت مع أنه كثير طلاب كانو يتأخرون بزيادة وما اذكر تكلم.

- طريقة الشرح : يفتح السلايدات ويقول تعرفون تقرأون ويجلس يناقشنا عنه.

- الكويزات : كويز الريدنق الاول كان صعب الصدق وهو لاحظ وجاب الثاني معقول.

- المياجر والفاينلات: كومن.

- القريد النهائي :B

- الصوت : واضح وينفهم.

- إضافات : أكثر شي كان يفيدني السواليف اللي معاه بعد الكلاس وحتى وسط الكلاس بس اسأله عن اي شي ويشرحلك أفضل من الشرح العام بمراحل+رحت له مره اوفس اور وحسيت مستعجل كذه بسرعه بسرعه+تقييمه بالرايتنق الاول والثاني كان غريب بس اخر شي دف شوي.

 

From Telegram
ENG102 - Term212

بنود التقييم :

التحضير : ورقة تكتب عليها رقمك الجامعي وتوقع عليها نهاية الحصة، التأخير مايفرق معه لانه مايدري انت متى دخلت الحصة اهم شي تجي، ولكن مهم تحضر بدري عشان تسمع الشرح كامل، ماعنده مشكلة مع الميك أب بس يُفضَّل انك تقول له قبل او ترسل له ايميل مع اني مرة دخلت مع سكشن ثاني بدون ما اقول له وسمح لي، متعاون مو ناحية الميك اب اذا عندك ظرف، خلال رمضان قلت له اني ابي احضر مع سكشن ثاني خلال بعض الايام وسمح لي.
طريقة الشرح : في البداية كان يشرح سلايداته ويوضح اللي فيها ودايم يحب ان الطلاب يكون بينهم تواصل وسوالف ويسألون بعض عن الدرس، يعطيكم دقيقة بعد كل نقطة يشرحها عشان اللي عنده اسئلة يسأل واذا زميلك مو فاهم شي توضحه له، بعض الاوقات القليلة كان يعرض السلايدة ويقول اقرأوا واللي عنده سؤال يسأل، وشرحه واضح ويجاوب على اي سؤال تسأله بوضوح.
الكويزات : فيه اختبارين ريدنق صعوبتها معتدلة، من ناحية التاسكات انت اهم شيء تبتعد عن الاشياء اللي يقول لك ابعد عنها وروح له في مكتبه واسأله اذا عندك اسئلة وبيساعدك، بيشرح ويرسل عالايميل الاشياء اللي مايبيكم تكتبونها.
الصوت: صوته واضح لهجته امريكية واضحة.
إضافات : ركز معاه في شرحه و اقرأ ايميلاته المهمة وافهمها، مرة سألنا عن محتوى ايميل ومحد جاوبه وزعل لان محد قرأ الايملي. الدكتور تعاون معنا من ناحية الوقت للتاسك الثاني ولكن بعدها صار يتشدد على الديدلاين لان سكشني شوي زودوها. مواضيع الرايتنق عنده اصعب من موضوع الميد هالشيء بيفيدكم وقت الميد.
التقييم النهائي :B الدكتور كويس ولكن بتنكرف خلال الترم واعتقد هذا الشيء طبيعي في ١٠٢.