ما هي إحتمالات إعادة قبولي؟

تتوقف سمستر و ترجع بعده قدم من جديد
اسأل في 9 قسم القبول و التسجيل يفيدونك
و بالتوفيق

 

١.٥ الترم ولا التراكمي؟ لو الترم اتوقع فيها ديميس صح :s <<< معليش مشكلتي مني فاهم للأن سياسة الديس ميس خصوصا وانا مثلك يالغالي

اعاننا الله

 

اذا جبت اقل دسمس

 

يا شباب رجاءا اللي ماعنده العلم الاكيد لا يفتي من عنده..حبيبي ان كنت تقصد انه الترم هذا راح تجيب التراكمي 1.5 فإن شاء الله ماراح يجيك دسمس لكن لازم تشد في الصيف وفي ال101 عشان يرتفع معدلك التراكمي بنهاية ال101 فوق ال2..أما ان كنت تقصد الفصلي 1.5 فهو المفروض انك ماتجيب اقل من كذا عشان مايجيك دسمس يعني المفروض يكون الفصلي عندك 1.5 وفوق..هذا العلم

 

طيب يا اخي ما احد يقدر يقولك أنهم راح يعيدون قبولك او لا..هذا شي مايعلم به الا ربك..بالتوفيق ان شاء الله

 

هادا الكلام صار لروميتي سابقا....
في ترم 081 جاب حوالي 1.1 وفي ترم 082 جاب 1.4 تقريبا
المهم المعدل التراكمي بعد الترمين صار 1.3 وعليها
ادسمس بعد 082
091 ما اتقبل
قدم اعادة قبول ل 092
لما نزلت اسماء المعاد قبولهم ما طلع اسمو في 092
في نهاية السمستر الاول (091) بعد ما عرف انو ما اتقبل ل 092 ، طلع الى القبول والتسجيل ولفف من مسؤول الى مسؤول استلبشهم اللين قالو له قدم طلب تاني وراح نسوي اجتماع وندرس طلبك مرة تانية

في بداية السمستر 092
طلعلهم يوم السبت اول يوم في الدراسة ورجعوا ....


والله اعلم،،،،

 

الله يعينك اخوي...

انت بعد الترم الأول اللي جبت فيه 1.3 اخذت ورننق ون..
كان المفروض انك ترفع المعدل الى فوق الـ 2 ولو جبت اقل من 1.5 تتوقف.

مع انه يمديك تقدم طلب اعادة قبول للصيف ويمكن يقبلون انك ترجع تدرس على طوول في الصيف لو كان عذرك قوي والمعدل العام قريب من 2.

ولو لا قدر الله ما قبلوك على طول وتوقفت الصيف تقدم على الترم 101 وان شاء الله يقبلونك على طوول بما انك توك فريشمان وما اخذت ساعات كثير.

لكن حبيت أأكد على كلام اخوي اللي فوق...
ان القبول والتسجيل ما يفيدهم تظل تستنى على النت او التلفون روح انشب لهم يوميًا خل الموظفين يملون منك وان شاء الله ما تلقى الا اللي يسرك..

الله يعينك ويوفقك ان شاء الله

 

واحد من الشباب في 081 جاب 1.9 و في 082 جاب 1.1 ودسمسوه ..
قدم طلب و أعادوا قبوله 091 وحطوا له شرط انه يجيب 2.5 لين يرتفع المعدل الكلي عن 2 ..

عموماً ..
لا قدر الله وصار لك دسمس .. أتوقع انهم يعيدوا قبولك في 101 لكن الصيف ما اتوقع ..
أتمنى لك التوفيق من كل قلبي ويارب ما تدسمس ..

 

ياشباب انتم قاعدين تتكلمون عن الفصلي..وضّحوا

 

معدل الاوريا ماله دخل

انت الحين عندك وورنق ون

اذا الترم هذا معدلك "الفصلي" اقل من 1.5 فيها دسمس الله يبعدك عنه

 

السلام عليكم يالغالين طيب انا فرشمان ومعدلي الفصل 091 1.2 ومعدلي هذا الفصل فووق 1.5 يمكن 1.6 ومعدلي التراكمي لحدود 1.4 هل يجيلي دسمس او لازم اجيب معدل فصلي تحت 1.5 ,ويجيلي دسمس

 

عن اذن صاحب الموضوع :ياشباب الي سفمور وخذاله ثالث ورننق (يعني دسمس) هل يكون في احتمال اعادة قبوله في في الصيف او 101 عالأقل ؟؟؟

 

كلامك صحيح لازم يكون الفصلي اقل من 1.5 عشان يجيك دسمس الله لا يقوله..يعني طبيعي حتى لو جبت التراكمي 1.4 عادي المهم انه الفصلي فوق ال1.5

 

السلام عليكـم ..

بخصوص إعادة القبول ..

أولاً حسب علمي ..

الدسمس كالتالي :

إذا كان معدلك ( الفصلي ) أقل من 2 = فرست ورننق ..
إذا كان معدلك ( الفصلي ) ـ للفصل التالي ـ أقل من 1.5 = سكـند ورننق + دسمس ( إيقاف )

أو

إذا كان معدلك ( الفصلي ) لثلاث فصول متتالية أقل من 2 .. = دسمس ..


في حـال ـ لا سمح الله ـ جاك دسمس سواء فـ الحـالة الأولى أو الثانيـة ..
لازم تراجع عمادة شوؤن الطلاب قبل بداية الفصل الدراسي .. يعني قبل الدراسة بأسبوع .. وراح يكون عندك فرصة إعادة قبول ـ مهما كان وضعك الدراسي سيء ـ ، ثق بالله ، وإدعي ، وراجعهم يومياً ـ خلهم يشوفون إهتمامك وحماسك للعـودة ، وفي حـال ما تمت أمورك عن طريق العمـادة ، إطلع لمكتب المدير في الأسبوع الأول من الدراسة .. وقدم معروض لمدير الجامعة وإشرح الأسباب و إن شاء الله تتسهل أمـورك ..

ولكـن حـاول الآن إنك تتواصل مع مدرسينك قبل أن تنزل الدرجات في الترانسكربت لأن بعدها بتصير تتفاهم مع عمادة شؤون القبول وهذا الشيء يبي له مجهود ووقت بالإضافة لإنك تجيب معك أي أعذار او مبررات تشرح أسباب تهور وضعك الأكاديمي ..


وعسى الله أن يوفقني وإياكـم

 

آسآل الله العظيم رب العرش العظيم

آنه يوفقك وييسر لك آمورك ويبعدك عن الديسمس ولا يوريك سوء ان شاء الله.
تحياتي لك. ادعي الله وبر والدينك والدنيا راح تفرج لك وعسى ان تكرهو شئ وهو خير لكم.

تذكر تقول اذا جاك مصيبه او اي شئ تقول انا لله وآنااليه راجعون اللهم اجرني في مصيبتي وآخلفني خيرا منها

وحتى لو لاقدر الله عطوك دسمس ان شاء الله ترجع 101 ولا انت اول واحد يدسمس ولا آخر واحد يدسمس
والدنيا ضروف بعدين ماصار لك الا ترمين في الجامعة بس المؤمن لايلدغ من جحر مرتين ويتعض ويعتبر في الاول والاخير.
والله يبعدك ويبعد كل مسلم عن كل مكروه.
بالتوفيق