اذا المطالبة بالسينما جاءت بطريقة أفضل من كذا باستعراض كافة الجوانب والفوائد والمدخلات واقتراحات اضافية لكنت أول المؤيدين لصاحب الموضوع , لكن يبدو الموضوع وضع لأجل اثارة الفئة المعارضة على السينما لا غير .
إلى الاخ كاتب الموضوع وجميع المطالبين بسينما : نظراً لوجود بعض المعارضين لدور عرض الافلام ( ما ادري مين حطهم أوصياء علينا ... ماتبغا تروح السينما بطريقتك لكن لاتمنع الناس انها تروح ) عندي لكم حل مؤقت إلى أن ينقرض الاخوة الموسوسين وهي : # جمع عشرة من أصحابك # قطو و أشترو بروجكتر ذو جودة عالية ... ترا فيه مساحة كافية في الجدار انكم تتفرجو فيها # سوو جدول بالافلام اللي تبغوها # اتفرجو كل يوم خميس فلم في غرفة واحد منكم ... طفو اللمبات # حطو وقت معين تتجمعو فيه ... يعني العرض يبدأ الساعة 8 أو 9 # قبل لا تروح تتفرج عدي على الجمعية وخذلك بوب كورن و دوريتوس و هولستن رمان و ملتيزرس # طبعاً اللي يبغا يجيب معاه كرسي بلستك أو يبغا ينسدح على السرير براحته # يمنع منعاً باتاً إيقاف الفلم عن العرض لأي سبب من الأسباب ( فيه بريك واحد فقط مدته 5 دقايق في نص الفلم ) و انا ان شاء الله انا راح اطبق الفكرة في غرفتي مع بداية السمستر الثاني مع مجموعة من أصحابي عجبتهم الفكرة والله يصبرنا على الي مقروشين حياتنا ومعقدين أم أمها وحاطين أنفسهم أوصياء على البشر
مع احترامي لك ولشخصك الكريم كاتب الموضوع في اول رد له قال مانبي هالاشكـال واذا على الحرام والحلال ،، ياعمي بحكمك السوني حرام (بدليل انه مليان صور بنات وغيرسالفه الصوره اصلا مشتبه فيه) << هذا بتفكيرك وسالفه بنات ومابنات بزران عندك يوم تسولف بهالاسلوب حطو لنا بنات عشان مانروح للبحرين << امانه هذا اسلوب تبي تقنعنا فيه الحين ؟؟؟؟!!!! ليه شايفهم هنا قايلين نبي نفتح دعاره في الجامعه ؟؟؟!! سينما ،، ياعمي كل اللي الجامعه وبعضهم من الملتزمين يشوفون افلام اللي تقول انها حرام وعشان نكون صادقين الا قلييييييييييييييييييل جدا ،، واسأل التراكر ادري ان نيتك حسنه لكن اسلوبك والله ماينبغى بريال وآسف ماني من اللي يردون باحسن منه انا ارد بمثله ^^ واختم واقول الحلال بين والحرام بين ،، واللي يبي الحرام اقسم بالله ان يجيبه في الجامعه ولا يرا العالم شئ بعد يعني لا تسوي انك بتمنع شي الحين
أعتقد أن إنشاء مراكز للترجمة بالجامعة ومراكز للأبحاث خاصة بالطلاب والأهتمام بالمحصلة العلمية التي يخرج بها الطالب من الجامعة هي أهم وأولى بمراحل من السينما
. . كل شي ممكن يُطبق مع الحفاظ على الهوية . . لكن مشكلتنا مجتمع هائج في ردة الفعل على غير سنع . . . .
السلام عليكم ورحمة الله وبركاته صباح الخير يا شباب ممكن أكتب لكم بعض الوقفات من شخص محايد وعاصر الوضع من البداية من يوم كان هناك سينما في الجامعة 1- أشكر الأخوة الذين لديهم الغيرة على الدين وهذا واجب. بس أجب أذكر بالحديث الشريف وأتمنى أن أكون نقلته بالشكل الصحيح :ووقفة مع الحديث الشريف التالي: عن أبى أمامة (رضى الله عنه) قال: إن فتىً شاباً أتى النبى (صلى الله عليه وسلم) فقال: يا رسول الله ائذن لى فى الزنا ، فأقبل القوم فزجروه ، وقالوا: مه مه (*)! فقال له: "ادنه" – أى اقترب منى – ، فدنا منه قريبا ، قال: أتحبه لأمك؟ قال: لا والله ، جعلنى الله فداءك. قال: "ولا الناس يحبونه لأمهاتهم". قال: أفتحبه لابنتك؟ قال: "لا والله يا رسول الله ، جعلنى الله فداءك". قال: "ولا الناس يحبونه لبناتهم". قال: أفتحبه لأختك؟ قال: "لا والله ، جعلنى الله فداءك". قال: "ولا الناس يحبونه لأخواتهم". قال: أفتحبه لعمتك؟ قال: "لا والله ، جعلنى الله فداءك". قال: "ولا الناس يحبونه لعماتهم". قال: أفتحبه لخالتك؟ قال: "لا والله ، جعلنى الله فداءك". قال: "ولا الناس يحبونه لخالاتهم". قال – رواى الحديث – فوضع يده عليه ، وقال: "اللهم اغفر ذنبه وطهر قلبه ، وحصن فرجه" فلم يكن بعد ذلك الفتى يلتفت إلى شىء اللهم صلى على نبينا محمد وعلى آله وصحبه وسلم، لم يعنف الشباب ولكن حاول توضيح الأمور دون تجريح ودون الخروج إلى أمور أخرى. أكرر أني أقدر لكم الغيرة على الدين وأتمنى لكم التوفيق والأستمرار على الأمر بالمعروف والنهي عن المنكر. 2- على أيامنا (ما باقول قبل كم سنة علشان ما تعرفون إني شايب) ما كان هناك إنتشار للقنوات الفضائية وكنا عايشين على البث الأرضي، القنوات كانت محدودة (السعودية فقط <وبعدين جات القناة الثانية>، البحرين<،والبحرين 55 اللي كانت تبث بالإنجليزي>، دبي 33 <بالانجليزي وأيام الصيف فقط<، قطر<وبعدها قطر 37 بالانجليزي>، وقناة أرامكو. وطبعاً ما كان في كمبيوترات (إلا في ITC وما كان فيها multimeadia) ولا تراكرز ولا بحرين لان ما في جسر، علشان كذا كانت السنما لها دور بالترفيه عن الطلاب وكانت السينما في بناية 10 وكانت يومين في الاسبوع). وكانت الأفلام تجي بعد عرضها في ارامكو وكانت طبعا على أشرطة كبيرة وجهاز عرض كبير وما كان الواحد يقدر يشوف فلم إلا بالهطريقة . طبعاً هالايام الفلم يجي على DVD والواحد يقدر يشوف الفلم باكثر من طريقة. 3- أوافق الأخوة اللي يقولون خلونا نشوف المركز الترفيهي الجديد ونتظر زيادة القنوات. آسف على الإطالة وأتمنى أن أكون أضف شيئ إلى الموضوع وتقبلوا تحياتي
سؤال صريح وجاوبني , انت تتبع الملتزم ام تتبع الحق ؟ البلايستيشن جهاز ممكن نستعمله في حرام ووممكن نستعمله في حلال مثله مثل الانترنت مثل الجوال مثل اي جهاز آخر , وين المشكله بالضبط ؟ وطبعاً هذا الأمر يعتمد على الشخص نفسه وليس ذنب الجهاز اساءة استخدامه انت الآن قاعد تربط مسألة الموافقه على وجود سينما بأشياء خاطئة والتبريرات المستخدمه للموافقه على هذا الأمر مستهلكه !! مالغرض من السينما ؟ سؤال يحتاج الى اجابه واضحه ؟ وبما أن المطالبين بالسينما يبررون ذلك بعدم الذهاب الى البحرين فان المطالبة واضحه بأن السينما الغرض منها مشاهدة الافلام الاجنبيه في الغالب ! اليس كذلك؟؟ ,, طيب نجي لأمرين كلنا مسلمّين به , متفقين ؟ الموسيقى داخل الفلم وش حكمها ؟ مشاهدة النساء وش حكمها ؟ ابي رد على هذين السؤالين بارك الله فيكم . طبعا انا طرحت لك ابسط حرمتين من الممكن تواجدها بالفلم غير الأمور الاخرى الله اعلم بها اذا جاوبت على اسألتي بالاعلى راح تعرف وش هي اوجه المعارضه اللي نتكلم عليها ,, وترى حديثكم دنيوي بحت وانا حديثي أخروي بحت. بالنسبة للتراكر , فان الشخص الذي يضع فلماً به حرمات يتحمل اثم كل من يشاهده بعد ذلك ؛ اعلم انك ستقولون الآن ماهذه الرجعية والتفكير المتزمت باختصار هنا الشخص هو المسؤول عن ذلك وقد اتاحت الجامعه التراكر بناء على هذا المنطق , ولكن هل تريد من الجامعه ان تفتح دور للسينما وهي تعلم مسبقاً بأن 90% مما سيعرض يحتوي على حرمات ؟؟ , على فكرة لا انا ولا الجامعه تقدر تمنعك اذا تبي تسوي اللي في راسك ! ,, فأنا مستغرب من تكرار اصطوانه لا تمنعونا ! الاعتراض كان على اقتراح وجود السينما وعلى التبرير الخاطئ الذي استخدم في الاقتراح , هل وضحت الصورة الآن ؟ أخيراً انا وضحت لك وجهة النظر الشرعية , وليست وجهة نظري ,ونحن ندور في دائرة المباحات حتى نصل الى حدود الدليل , فاذا اتى الدليل نتوقف , والذي يريد الاستمرار في مسايرة هواه باي طريقه فهذا ذنبه على جنبه والله هو الرقيب والمطلع على سرائر القلوب. ارجو ان لا تجرفكم الدنيا وزينتها ومتاعها ووتناسوا أن في السماء رب يحصي كل صغيره وكبيره . قال تعالى (( ووضع الكتاب فترى المجرمين مشفقين مما فيه ويقولون يا ويلتنا مال هذا الكتاب لا يغادر صغيرة ولا كبيرة إلا أحصاها ووجدوا ما عملوا حاضرا ولا يظلم ربك أحدا )) وقال تعالى (( يا أيها الذين آمنوا لا تتبعوا خطوات الشيطان )) وقالى تعالى (( اعلموا أنما الحياة الدنيا لعب ولهو وزينه .. الى قول تعالى (( ومالحياة الدنيا الى متع الغرور )) يكفي مافي هذه الدنيا من فتن تمتحن ايماننا , وكاننا نقول زيدونا فتناً فنحن لا نخشاها ومستعدون لخوض معركة مجاهدتها , بالرغم من ان الكثيرين سقطوا ولا يزالوا يسقطوا في وحل الفتن والشبهات والشهوات , والله المستعان . هذا هو ردي الأخير في هذا الموضوع , واعتذر اذا كنت قد اخطأت في حق احد من دون قصد . قال تعالى (( يريدون ليطفئوا نور الله بافواهم والله متم نوره .. )) سبحانك اللهم وبحمدك اشهد أن لا اله الا انت استغفرك واتوب اليك .
طيب ياخوان انا مني موافق ولا معارض انا عندي سؤال : اذا كانت الجامعة موافقة وراضية بوجود التراكر ليش حيرفضوا فكرة وجود السينما ؟ فقط الفرق شاشة مكبرة + تجمع للطلاب وكسر الروتين
يسلم راسك الشي الاخر ترا الجامعه صغييييييره وهل تبغون يحطون مباني اكاديميه تطور الجامعه والا يحطون سينما !؟ الشي الثاني ححستوني ان الجامعه دوله مستقله تسوي الي تبغا داخلها تناقشون شي مالكم اي شغل فيه بس فلسفه وكل واحد يطرد ورا فلته الشي الثالث احنا نتابع افلام لكن لازم نعترف انها تحتوي على اشياء مخجله يعني في احد منكم يتكي هو واخته سوا ويتابعون فلم كله شفشفه وبارات !!
لا السينما ماتصلح ولا تجوز يا اخوان انا من رايي نفتح دور عرض وليست سينما تعرض فيها افلام وثائقية قصدي مو افلام وش اسمها احدث الفيديوهات الوثائقية بشتى بحار العلوم ولا مانع من بعض الفيديوهات من احدث اخراجات الهوليود السنوية في الويكند
انت بطل وغير كذا يومين وطلاب وطالبات الجامعات الثانية يشتكوا وبعدها يشتكوا اولياء الامور من بعض المقاطع المخلة فيمسحوا ويصير الفلم من 3 ساعات الى ساعة وربع مع اسماء اللممثلين اللي بالنهاية .Next, يقل الاقبال على السينما وتصير مشاكل وبعدها يخصصوا اعمار معينة للدخول ووو..... بس خلاص نقطع الشر من البداية احسن
ياخي تقدر تبني مباني أكاديمية للجامعة حياك طيب يا عالم يحطون كراسي مرات الجو حلو والغرفة كتمة ( طبعا ما يمديك تطلع النعال برة الغرفة ) بدل ما يتعبون على العشب تعبت وأنا أقول كراسي بالمنتدى شكلي بقابل المدير و بشوف رده ( انتهت الشطحة ) تعال رغم أن السؤال الأخير ما لأمه داعي بس أكيد في ناس يشوفو أفلام مع الأهل وأشوفه شي مقبول! ومو كل الأفلام فيها سقاطة و بالنسبة للقطات المحرجة فهي تختلف من ثقافة لثقافة ومن طريقة تفكير لأخرى واللي ما يبي يشوف ما رح يضربه أحد و يقدرو يحطو إعلان عن الفلم المعروض مثلا ( هذا الفلم زاحف ولا يصلح للحساسين ) أو ( هذا الفلم فيه شفشفة زيادة ) هذا لو كان عجاز وما يبي يبحث من النت
هههههههههههههههههههههههههههههههههـ ..إلخ اتخيل ،، بالنسبة لي لمن نتفرج فلم مع الاهل ،، بس نقلب القناة شويتين ألين ما اللقطة تنتهي ونرجعها تاني ..