ليش ما تكون المكافاه 980 ؟

و الله فكرة نحسب لك
توكل على الله ... أغلب الطلااب معك
الله يجزاك ألف خير

 

ولله الحمد تم التسهيل لمن يريد كفالة يتيم ولايستطيع المساهمه الشهرية او السنوية
برسالة فارغة للرقم 5055 برعاية جمعية انسان للامير سلمان بن عبدالعزيز
قيمة الرسالة 10 ريال للمساهمة مرة واحدة فقط ..

ولكفالة يتيم 12 ريال شهرياً (( ارسال 1 إلى 5055 ))

 

جزاك الله خير

وانا مؤيد لك

 

الاقربون اولى بالمعروف نحنا بدون مكافات

 

والله انك بطل
فكره أكثر من رائعه وأسأل الله أن يعمل بهذا الاقتراح وأن يكتب لك أجره

الاقتراح هنا فالمنتدى لوحده مايكفي
اكتب معروض مرفق بتوقيع أكبر عدد ممكن الطلاب وقدمه لمدير الجامعه
وان احتجت أي مساعده بهالشي راسلني عالخاص

 

طيب ما تعرف احد يكفلني خخخخ

 

يا طويل العمر سلمك الله ترا بخدمة الرسايل نقدر نشترك في كفالة الايتام شهريا ولله الحمد والمنة ^^

أما عن طريق الجامعة لا صعبة وما بتصير من قلب #_#

ارسلها بنفسك الله لا يهينك ..

وحنا اصلا نبي زيادة في المكافأة عشان نعيش وما نجلس نتسلف من الجامعة والاهل آخر الشهر ..

هذا غير الطلاب المساكين اللي مالهم مكافآت ><

اللي مستعدين يشاركون ومؤيدين للفكرة جزاهم الله خير ورا ما يسوون فكرة بحيث يخدمون اللي مالهم مكافأة؟

الاقربون اولى بالمعروف على ما قال صاحبنا ^^

هذولي هم اخوانا هنا وما عندهم .. ما غير سلف الله يسهل ×_×

عن نفسي المكافأة كل شهر تخلص من بعد ما تمر 3 اسابيع

والباقي سلف من صندوق الطلاب ومن الاهل الله يعين

فكروا زين الله يصلحكم

اذا شافوا ردودكم هنا بيقولون ماهم محتاجين الطلاب !!

تحياتي ...

 

ما نقص مال من صدقة

 

^
+1

اللي حاس ان الـ ١٠ بتنقص عليه ميزانيته ،
يقول عليه السلام : "ما نقص مال من صدقة" .. رواه الترمذي ،

 

فكرة رائعه ومعكم اذا طبقت ..

 

انا ما اتكلم عن فضائل الصدقه

انا معارض للفكره .. مو لهدفها


منطقيا لو انتو تطالبون بخفض المكافئه لاي سبب كان ... ليش احنا متعبين نفسنا ونطالب بزيادتها ؟

والخير معروفه طرقه ... وان شا الله تتبرع بمكافئتك كلها

 

فعلا انا معارض عليها
كانك تقول والله انو 990 مكفيتنا ولااا نبيها كمان 980
الي بيشوفها بيعرف انو الطلاب مو بحاجه ابدا وانهم دلع لا اكثر ولا اقل
واذا مرره تبي تسوي ذي الحركه
فأطلب من الجامعه انها توزع على الطلاب الي بحاجه للمال فعلا
الاقربون اولى بالمعروف

 

فكرة جميله لكني لست مؤيد وبنفس الوقت لست معارض

لأن الحمد لله طرق الخير كثيره وماوقفت على هذي الطريقة

سمعت ان فيه جمعية اعتقد ب100 ريال شهريا او 150 تكفل يتيم وكل فترة يرسلون لك عنه اخباره وكيف درجاته في الدراسه ((اذا كان يدرس)) وكم حفظ من كتاب الله ويرسلون لك رسائل دورية كل فتره وفتره تبلغك عن احواله

واعتقد ايضا انها بالبداية توريك صورته

"سمعت السالفة هذي من احد الاشخاص ان فيه جمعية كذا لكن مادري وينها"

وهذي افضل بكثير لأنك تعرف وين وصلت فلوسك وكذلك تعرف اخبار الشخص اللي انت جالس تتبرع له

شعور جميل جدا وكأنه واحد من عيالك كل فتره تجيك اخباره

اتمنى اللي قد سمع عن كذا او يدل مكانها يقول لنا وين؟

 

(من سن سنة حسن فله اجرها واجر من عمل بها ..) الحديث

الله يوفقك اخوي ويكتب اجرك ,, مؤيد خصوصا لأن الموضوع اختياري

يا شباب الرجال قال ان الخصم اختياري ,, اذا ما تعرفون معنى اختياري يعني اذا تبي حياك واذا ما تبي براحتك ,, فليش معارضين ؟؟!!

 

والله ماعندي مانع لو يأخذون 90 ريال + 10 ريال لصندوق الطالب

ويبقى لي 900 ريال

 

انا مؤيد للفركة صراحة واشوفها حلوة والله يجزاك خير
بس يا اخوان في طريقة اسهل وتقبل حتى من بطاقتك الجامعية
اللي هي جمعية انسان للأيتام
هذي فيها حسابات لأغلب البنوك
تقدر تحول كل شهر من بطاقتك الجامعية وخلاص


وهذا الرابط وفيه الحسابات
http://www.ensan.org.sa/home/donate.html


بالتوفيق ان شاء الله

 

لا حرمك الله الأجر

بوركت يا أخ العرب

 

أنا معك

 

قدام

 

صراحة فكرة جميلة وأكثر من رائعة وأنا معاك ، ولازم يعملوها اختيارية لأننا ما نعرف إيش ممكن تكون أوضاعنا

بالمستقبل فأحيانا العشرة تفرق وأتمنى يوافق المدير على هذا الاقتراح كما أتمنى أن يوصل له هذا الاقتراح

ولا تحرمنا من أفكارك يا عسل
أحمد باش ^_^