المنتدى على السيرفر الجديد

هلا يا غالي , بخصوص الـ DHCP اللي داخل الجامعة ترى يسجل عناوين الأجهزة
ويعطيها نفس عنوان الايبي في كل مره تدخل , وجرب بنفسك كما أن الجامعة
لديها ملف لكل طالب تحسب من خلاله استهلاك الباندويث للطالب والمواقع اللي تصفحها
ومنها أكيد بيكون فيه معلومات عن الايبي
وطبعاً هذي ليست مسالة بذيك الاهمية , لأنها مجرد تسهل الوصول للمستخدم
لأن حتى ولو تغير الايبي , فهناك أشياء تسمى الـ Logs , يسجلها سيرفر الـ DHCP
مع كل عملية يسويها , ويقدر أي شخص يراجعها ... وممكن تنمسح سنوياً أو شهرياً
حسب متابعة مدير السيرفر لها , وممكن تجلس مدى الحياة لو توفر لها هارديسك خاص
مع العلم انها ما تاخذ ذيك المساحه باعتبار ان كل المدخلات اللي راح تدخل فيها
هي عبارة عن بيانات نصية , أي أن لو اعتبرنا بأن هناك بيانات ادخال لـ 120 ألف جهاز
مساحة الملف المتوقعه راح تكون حوالي 30 الى 60 ميجا ... والله اعلم

النقطة الثانية , السيرفر حق المنتدى داخل الداتا سنتر حق الجامعة وهو عند الـ ITC
وفيه برنامج تستخدمه الداتا سنترز لربط جميع السيرفرات مع شاشة رئيسية يمكن لموظف الصيانة
يجي يشيك السيرفرات من خلالها , ويكون عنده اكسس للملفات الداخلية في السيرفر ..
مدري اذا تستخدمه الجامعة او لا ... وحتى وان كان السيرفر غير مرتبط فحقيقة ان الجهاز فيزيائياً
موجود لديهم , لايقلل من حقيقة امكانية الحصول على المعلومات اللي داخله
ما اقدر اعطي نسبة تقريبية لأني ما قد جربت على نظام لينكس , بإذن الله في الصيف اجربها
ولكن كـ فكرة / عندي فكرة بسيطة وهي أخذ هارديسك السيرفر ووضعها مع هارديسك
على سيرفر آخر , ومن ثم الدخول على ملفات الهارديسك كما لو انها هارديسك اضافي
( بدون تشغيل النظام ) وبالتالي تخطي مرحلة البحث عن صلاحية root للحصول على اكسس
للملفات من داخل النظام >> مجرد فكرة , لا أعلم نجاحها من العدم

بشكل عام لو كنت أنا الجامعة :D ، ما راح أتعب نفسي في هذي الأمور .. لأن عندي شي اسمه بروكسي
بمجرد عمل بحث بسيط , عن رقم تعليمة الـ post , للرد على موضوع معين أقدر اطلع كل الايبيهات
اللي ردت على الموضوع , وببعض التفصيل وعملية حصر بسيطه يمديني اطلع الشخص المطلوب بإذن الله
سواء كان السيرفر في الجامعة ولا خارجها او حتى بالمريخ , اهم شي يكون الطالب داخل الجامعة
أما اذا كان خارج الجامعة فراح ألجا للأسلوب اللي ذكرته فوق

وفي الأخير , طولنا عليكم بأفلام جيمس بوند واللي ادري الجامعة ما اظن تفكر فيها
ولا تجيها رغبة تسويها .. لأنهم مشغولين بحرق الطلاب في المياجر
والتخطيط لعمليات لاشغال الطالب لأكبر قدر ممكن من الوقت

 

ماهو شرط كون الطلاب داخل الجامعة انهم يستخدموا الرابط اللي حاطه انت داخل الجامعة
وبالتالي لو استخدموا skfupm.co , فإنهم راح يمروا من خلال البروكسي ...
وبالتالي طرحت انت نقطة مهمة جداً للتقليل من عملية الرقابة وهي استخدام العنوان الداخلي
ومع ذلك , هي مجرد تقليل وليسة حجب نهائي , فيه ألف طريقة وطريقة للتتبع
مثل ما ذكرت احد الشباب اللي ردوا على الموضوع ذا , بجملة مختصره جداً
وهي تشرح الأسلوب اللي ممكن ان يتم فيه تتبع الطلاب حتى من داخل الشبكة
وهي عن طريق الـ packets sniffing
انت تطلب مني تاكيد شي انا مستحيل اصدقه , لأني وانا ماني الـ ITC
ولا عندي اكسس على اجهزتهم اقدر اتتبع الطلاب الان من غرفتي وتحديداً اللي في عمارتي
من خلال تتبع الباكيتس , هل يمكن ؟
نعم جرب برنامج WireShark
وراح تشوف انه يلقط لك الباكيتس باريحية , وبمجرد ان انتقل لمنطقة حساسة مرتبطة بالجامعة كلها غير العمارة , مثلاً الوايرلس في المباني الاكاديمية , وببرنامج دقيق في الـ sniffing غير الواير شارك , ممكن تطلع بنتائج مذهلة وتتبع كل طلاب الجامعة ...
ترى حقيقة اننا موجودين داخل الجامعة , فهذا يعطي الجامعة الأفضلية على تتبع أي شي لنا
الطلاب اللي كانوا خارج الجامعة هم اللي مالهم اي علاقة بالجامعة
ما عدا المنتدى , وبما انه صار داخل شبكة الجامعة , فهذا يعني ان الجامعة ممكن تتابع كتاباتهم في المنتدى وتقدر تحدد كل عضو معين والايبي حقه لكن مستحيل توصل له , لأن الجامعة مالها أي أحقية انها تراسل مزود الانترنت للطالب وتطلب منه بياناته ...
بالتالي فالطالب خارج الجامعة ما عليه خوف .. اما الطالب داخل الجامعة فهو مراقب
سواء كان سيرفر الموقع داخل الجامعة او خارجها .. ما فرقت .. انما داخلها يجعل العملية اسهل
اما عن الايميلات وبرامج المحادثة والامور هذي , فـهي تستخدم أسلوب التشفير بمفتاحين .. وبالتالي صعب على الجامعة فك تشفيرها ..

أخيراً بخصوص السيرفر , انا ادري وش هو السيرفر او بالأصح وش ممكن يكون السيرفر
ولكن قبل كذا شفت الجامعة عارضه اعلان فيديو ما اذكر وين , اظن في يوم التخصصات
وفيه صورة لغرفة الداتا سنتر داخل الجامعة ومجهزة بتقنيات واجهزة مصممه خصيصاً لأن تعمل كسيرفرات , لايكون جحدوا سيرفر المنتدى

شي آخر , ترى التشفير بالـ https راح يبطئ المنتدى , وفي الاخير هو مجرد منتدى
ماهو بنك ... ما يحتاج التشفير ذا كله .. ومستحيل الجامعة تطرد احد معين لذكر رايه
ما احنا في غابة , في مدير في الجامعة واذا مدير الجامعة ما رضا في شي اسمه أمارة
وأمور أخرى .. لو اتضح انه فيه شي زي كذا , وحقك تاخذه بالملي ان شاء الله

نقطة أخيرة , دائماً ما ألاحظ في الداتا سنترات ان سيرفراتهم تكون موصله بسلكين شبكة
يعني كرتين شبكة , واحد فهو أكيد لتزويد السيرفر بالانترنت ...
الثاني ما كنت ادري لايش لكن توقعت للربط بالشبكة الداخلية , فهل هذا صحيح ؟

 

للتذكير , الرابط الداخلي اللي حاطه وهو
www.stkfupm.com

ما يفتح بدون بروكسي
لازم البروكسي عشان يفتح
السبب لأنهم رابطينه بالايبي الخارجي للسيرفر وليس الداخلي
يعني اي واحد من برا الجامعة يقدر يتصفح المنتدى بالرابط اللي فوق

وبالتالي رجعنا لنقطة البداية من جديد وهي انه حتى وان فتحته من الرابط الداخلي
التصفح راح يكون مراقب
وطبعاً هذا ماله علاقة بكون السيرفر داخل الجامعة , المشكلة ان الطالب داخل الجامعة
التشفير هو الحل الوحيد لهذي المشكلة , لكن راح يكون على حساب سرعة التصفح

 

مكبرين الموضوع ترا وهو ما يستاهل

 

لايوجد موضوع ولاشي , نقاش علمي بحت ...

بالنسبة للأخ Geek ... عندي حل حلو ... وان شاء الله يحل المشكلة وهي عن طريق
التشفير الغير مباشر .. كيف ؟
ممكن تركب على المنتدى VBSEO , ووقف كل اعداداته ما عدا الاعدادات المختصه
بتغيير شكل روابط المواضيع .. وبالتالي ممكن ان قيم الـ post تختفي
وبالتالي راح يصير فلترتها شبه صعب ... والله اعلم

وما راح نحتاج https ان شاء الله

 

نقاش ممتع ورائع ..

جزاكم الله خير يا شباب .. والله يزيدكم علم و نفع للمسلمين ..

متابع ..

 

ما اسكن في الجامعة في الوقت الراهن لكن اخر خبري فيه ان الـ ip كونفلكت كانت تسوي قلق وكان الآي بي نفسه يتغير من وقت لوقت لما يطفى السيرفر [ سيرفر شخصي ] ومرات حاولت اخليه ستاتك وكان من وقت لوقت يطلع لي كونفلكت ان الآي بي مستخدم

ما علينا من هذا كله، الكلام في ان عملية الكشف عن شخص معين والاتيان به مسألة ممكنه سواءاً كان السيرفر داخل الجامعة او خارجها! وهذا اللي لمحت إليه في آخر ردي ، وسبق في احدى المواقع التقنية الكبيرة (ترايدنت) وقام أحد افراد إدارتها بالتبليغ عن اسم عضو سرق عضوية لمشرف وقام بتسليم معلوماته لشركة خدمة الانترنت في الامارات (على ما اتذكر) وتم القاء القبض على الشخص بعد فتره لا تتجاوز اسبوع، وحدث معي شخصياً في احد المواقع المتخصصه عندما انتحل عضو شخصية شخص آخر بقصد الإيذاء بسمعته وبعد تواصلي مع موفر الخدمة في الكويت واعطاءه المعلومات تم تحديد هوية صاحب الاشتراك (وكان اشتراك منزلي) وابلاغي للاستمرار في الاجراءات او تجاهلها. ( هالقصتين عشان أأكد اللي تحته خط! لأن الموضوع محسوم اصلاً من قبل ما يكون السيرفر في الجامعة )


تحياتي ،،

 

انت تتكلم وكأن التخفي شي مستحيل , أنا أتكلم عن التخفي من ناحية الموقع نفسه
وليس المستخدم , اذا تقصد التخفي من ناحية المستخدم , فهو أسهل بكثير
الأشخاص اللي تتكلم عنهم حمقى , لاتباعهم اعمال غير قانونية بدون تشفير اتصالاتهم
او استخدام بروكسيات متعددة ..فمثلاً الان لو انا دخلت الموقع ذا من خلال بروكسي
سيرفر على الانترنت , ما راح تقدر توصل لي إلا من خلال السيرفر ذا
واللي عشان تاخذ بياناتي منه لازم تخترقه أولاً .. هذا اذا ما كنت مسحت الـ Logs
قبل ما اطلع , وطبعاً هذا شي بسيط جداً , فما بالك لو استخدم 6 سيرفرات
في مناطق مختلفة , كـ بروكسيات متتابعة ... انت الآن في شبكة عميقة جداً ..
لابد تخترق السيرفر الأول وبعد تعب كبير وجهد , راح تلقى انه بيوصلك لسيرفر آخر
ولا تدري عدد السيرفرات كم !

والآن عندك تقنيات VPN تقوم بالواجب ومتوفرة لأي مستخدم في الانترنت
عن طريق مواقع معينه , كل اللي عليك تسويه انك تفتح حساب وتنصب برنامج
وعيش الانترنت الخفي !

وصحيح , بخصوص الـ DHCP ... قد تكون تغيرت اعداداته او تغير هو والله اعلم
فصلت سلك الشبكة مرتين , نفس الايبي ما اتغير .. وشكلها مرقمه حسب العمائر والغرف
لأن الدومين الفرعي قبلها هو رقم العمارة !

 

ماشاء الله تبارك الله

عندنا خبرات لو يدرون عنها الف بي اي كان وظفوكم عندهم :d

يعطيكم العافية يا شباب على النقاش الاكثر من رائع واللي يسعدني الصراحة لأنه كله منصب في خدمة المنتدى وحفظ مصالحه وسريّته !

اتمنى ما نطّول في هذه المسألة واللي عنده اي استفسار او اقتراح فنّي ممكن يراسلني او يراسل التكنكال سبّورت الاخ it geek

بيّض الله وجهكم جميعا

 

أول مره أحس إني مآ أفقه شيء أبدا

 

اسهل طريقه للتصييد يقدر يسوها الاي تي سي عن طريق احد برامج packet sniffer مثل Wireshark

يسوا port mirroring على data switch الي في الديتا سنتر حق الجامعه ويسوا فلتر لل HTTP بروتكول و يشوفون ما زان لهم و طاب وحكاية الاي بي انه يتغير هذه حلها سهل بشي اسمه mac address

 

قه قه في قلب لايفقه
ولاشي فاهم :d

 

صح ان كثرة الكلمات الانجليزية تخوف بس اقدر اجزم ان نصها ما تدري وش معناته !

على العموم يا شباب لن يكون هناك اي صلاحية للاي تي سي على المنتدى لان كل الداتا عندي انا فقط !

لا يتكبر الموضوع اكبر من حجمه وانا المسؤول عن كلامي هذا ، لن يكون هناك اي تدخل منهم لاننا نحن الذي يتحكم به !