النقطة التي تجعل من أبل رائدة ومبادرة للثورة التقنية،، ليه ما شفنا الجالكسي الا بعد الآيفون .؟! ليه ما شفنا التاب الا بعد الايباد،،؟؟ أحد أبناء العم معه أول جهاز آيفون شراه من الصين عام 2007 تقريباً ،، إلى الآن الدعم الفني موجود ،، التطبيقات الجديدة تدعم جهازه، بعكس الشركات الأخرى. أبل ألزمت العالم بالثقة فيها
^^^^^ شباب اشوف ان الدرب تست ما يدل على شئ مهم لانه لو بنقارن كذا كان قلنا جوال ابو كشاف احسن جوال لانه لو تطلع بالسياره فوقه ما انخرب
بحكـم استخدامي لكل هالجوالين جلكسي والايفون 4 كل جوال له مميزاته مميزات الجلكسي سريع النت فيه وشاشته افضل الموجود وخفه ونظامه اندرويد اما الايفون قله الفيروسات قليل ممابرامجه تعلق
يا جماعة الخير ليش هالتعصب؟؟ لو أدري بهالتعصب الأعمى ما كان نزلت الموضوع؟؟ مع أني كنت أظن أن طلاب جامعة الفهد أبعد ناس عن التعصب .. لكن هذا ما لا أراه في ردودكم السابقة .. يعني يجي واحد يقول الأيفون أفضل جوال والجالاكسي أسوأ جوال ويجي الثاني يقول العكس وهذا كله كذب وتعصب أعمى .. ليش ما تقول وش تفضل وتقول رأيك بدون ما تنتقص من الهاتف الآخر .. هل تظن أن أبل أو سامسونج تهتم فيك لشخصك؟؟ .. هم شركات تهدف للربح أولاً وأخيراً وليسوا جمعيات خيريه ... أنا بالفعل كنت مثلكم متعصب في أشياء كثيرة .. ولكن في النهاية عرفت التعصب ما منه غير وجع الرأس فقررت قرار تاريخي >> سيدرسه أبنائكم في كتب التاريخ .. ألا وهو : ( لا تعصب بعد اليوم) والحمد لله الحين صرت أتصفح قوقل كروم بعد ما كنت متعصب للفايرفوكس وصرت استخدم إيميل جيميل بدال هوتميل و و و و ... خيارات كثيرة لا أدري لماذا كنت أحرم نفسي منها .. فأرجوا كل واحد يفكر بعقله شوووي ويعرف أن ما بيدخل جيبه ريال من دعاياته المجانية في المنتديات وراح يرتاح ... والآن سأعقب على بعض الردود
كيف حكمت بجودة تصنيع الايفون أنها أفضل من الجالاكسي؟ هل اختبرتها في مختبرك الخاص؟ هذا مقطع فيديو يبين سهولة كسر زجاج الايفون من أتفه طيحه ... http://youtu.be/elKxgsrJFhw + الشبكة في الايفون 4 من أسوأ الشبكات اللي عرفتها .. وهذا شيء معروف من أول ما نزل الجوال .. وبصراحة جوالي iPhone 4 عذبني في الشبكة فيه بعض المباني أدخلها تختفي الشبكة أما الـ 3G أجلس أطفيه وأشغله ساعة الين يزبط .. فما أدري كيف حكمت؟؟ بالفعل كلامك فيه شيء من الصحة .. لكن تم تحسينه في النظام الجديد (iOS5) وصار أوكيه .. يعني يفتح بسرعة كبيرة جداً لدرجة أنك ما تلاحظ الفرق وهذا شيء يحسب لأبل لأنه يقلل استخدام البطارية .. يعني اسمح لي هذا ما صار عذر .. مثال للردود التعصبيه الخاليه من أي منطقية ... يرحم أمك اكتب موضوع في المنتدى ومنتدى البوابة الرقمية والكمبيوتر الكفي حذرهم لا يضحكون عليهم ... وحذر المليون اللي شروه والملايين اللي في قائمة الانتظار .. قبل ما يضحكون عليهم أبل .. يا أخي وينك من بدري بقيت أوقع في الفخ ويلعبون علي أبل .. على العموم أشكرك من أعماق قلبي على ردك العظيم .. إذا على التفاحة فأنت حالتك سهله .. عندي كرتون تفاح الشربتلي في الغرفة تعال خذ منه الين تشبع وعط أخوياك واللي يعزون عليك .. ومتى ما بغيت تفاح عطني اتصال ولا Call me ... إذا على كذا تحسبها .. فسامسونج سوت كاميرا مثل الجالاكسي وسوت تتش مثله و و و .. يا أخي التكنلوجيا في تطور تبيهم يعني يسون 8.1 علشان ما يقلدونهم!!!!!! بعدين فيه جوالات من نوكيا مسويه كاميرا 8 ميقا بيكسل فهل هذا يعني أن سامسونج قلدتهم؟؟؟ .. وبعدين مسألة التجميع وما التجميع أشوف أنه شيء عادي جداً .. وبعدين هذا تُحسب لأبل .. يعني جوالها تجميع وجالسين يربحون مليارات فما بالك لو هم سو كل شيء بأنفسهم وش بيصير ... ليش ما شفنا الـ iOS إلا بعد السيمبيان ... ليش ما شفنا الماكنتوش إلا بعد الويندوز .. بعدين كلامك عن اين عمك يدل على أنه شرى أيفون 2G .. وما راح أقول أنك كذبت لكن بأقول أنك أخطيت الفهم .. لأن الأيفون 2G توقف دعمه من سنتين تقريباً (ماني متأكد) ومعالجه 412 وما فيه كاميرا أمامية وكاميرته الخلفية 2 ميقا بيكسل وما فيه GPS ... باختصار الجوال غير صالح للاستخدام في هذا الوقت نهائياً .. وأساساً الأيفون 2G انتهى عصره من سنين .. فرجاء كف عن المبالغة ...
محور الحديث واضح ، مقارنة بين جالاكسي إس 2 والأي فون 4 إس كنت منتظر من أبل إنها تنزل شي يغطي على جالاكسي ، والكل كان ينتظر هذا الشي ، لكن فـ النهاية سكتوهم بكاميرا جديدة -قديمة- وخلاص ما أنكر إنه أبل شركة سباقة لـ براءات الإختراع وغيره ، لكن ما حيغير وجهة نظري فيهم إنهم شركة مستغلة ويلا يا شعب أنتظرو الجيل بريك
. ابل طرحت ايفون نو نزلت سامسونج جالكسي احسن من الايفون لخلاص باروح اشتري ايفون عشان ابل نزلته اول... كما في ميزة في نظام الاندرويد انك بتزل الابلكيشن بنظام دفع قوقل الي هو الاعلانات يعني بتنزل الابلكيشن فري واذا شغلته وانت متصل بالنت بتطلع لك شوية اعلانات
اولا اسلوب استفزازي مقرف ثانيا تفكيرك سطحي وبشده اذا الجوده عندك بس القزاز ينكسر ولا لا خلاص كل شئ يروح عشان ذا القزازه ثالثا الشبكه صحيح فيها مشكله في الايفون 4 وخاصه الدفعه الاولى ولكن ابل صلحت غلطها وهذا معروف
يا قدرة الله !!!! انا اعرف التعصب القبلي والمناطقي والعرقي والرياضي والديني ...لكن تعصب جوالاتي؟؟؟ عودة للمهم انا حاير بلشان ...اشتري 4 ولا s2 لكن شكلي باقعد على الاخ ابو كشاف لين تجمع الاغلبية العاقله على جهاز يستاهل كل ريال تحطه فيه! (الظاهر اني احلم )
أولاً: كل إناء بما فيه ينضح .. ثانياً: يا أخي طيب والقزازه ما هي جزء من الأيفون + أنا ما قلت أن القزازه هي الشيء الوحيد قلا تقولني كلام ما قلته ... بعدين أبيك تفيديني وتفيد الأخوة الزوار وتقول ليش حكمت بجودة الأيفون وحكمت أن الجالاكسي جودته ضعيفه؟ كما يبدو من كلامك .. ثالثاً: هم رقعوه بس ما صلحوه نهائي ومعروف أن الأيفون 4 شبكته سيئة .. وبصراحة ما أدري كيف تحكم يعني لو عندك أيفون 4 ولا لاحظت هذا الشيء فتلك مصيبة وإذا ما كان عندك أيفون فالمصيبة أعظم ... ردودك كلها في غير محلها وما أستغرب هالتقييم السالب فيك .. وترى أعرف أنك أنت اللي قيمني لسببين: أولها أن كل إناء بما فيه ينضح والثاني أنه لم يُخصم مني أي نقاط .. ولا حتى نقطة وحده مجاملة .. بس أهنيك على محاولتك الجادة ^_^
لـ غير Apple users : من الخطأ إعتبار العلاقة بين شركة آبل وزبائنها مجرد علاقة "أنا أصنع وأنت تشتري" , هي أكثر من كذا بكثير ! عن نفسي , أعتبر إقتنائي لـ منتج من منتجات هالشركة privilege مب كل الناس يحصلونه وهذا على ما أعتقد شعور كل زبائن هالشركة . بإعتقادي أن أي شخص ممكن يشتري منتج من اي شركة ثانية , لكن مب أي شخص يقدر يشتري Apple
1* من نآحيتي آفضضل الجآلكسي اس توو .. نجي ل لمآذآ .. الحين الوآحد اللي معآهـ فلوس ويبي يآخذ جوآل وشلون يختآر !! من وجهة نظري " الخآصة فيني " : م ادور ع نوع الشركة اذا : كآنت فيه اكثر من شركة لها انتشار وااسسع وجودتهآ ليست ب البعيدهـ عن بعض .. ف هالوقت الـآكثر انتشآرًا شركتين .. اللي هي آبل وسآمسونج .. واللي يقول تقليد ومدري وششش انت وش دخلك ! شركتين يتصآفون .. يهمني ك " مستخدم " الشركة اللي ماخذ جهازها له دعم + برآمج وكل شي ابيه .. ناخذهم ب الترتيب : آبل : شركة تعد من آقوى الشركآت الرآئدهـ في عالم التكنولوجيآ .. لها بآع مميز في الهوآتف الذكية لها مميزات كثيييرة ولـآبد من العيوب سآمسونج : شركة تعد الـآكثر تطورًا في عالم التكنولوجيآ .. والـآكثر انتشآرًا خلال هالسنتين واكيد لها مميزات وعيوب .. نجي ل المقآرنة بين انظمتهم : من وجهة نظري اختيآري وترشيحي رآح يكون ل الجالكسي " اندرويد " ل اسبآب كثيرهـ منهآ تعدد الـآنظمة المشغلة او ب الـآصح الرومآت يعني ي اللي جآي تقول تقآرن بين الجهآزين .. اذا استخدمت الجآلكسي " وروماته " من حققك تقيمه انا كنت استخدم الـآندرويد 2.2.1 الظآهر اذآ مانيب غلطآن الجهآز كآن عآدي كنت استخدمه لكن ب صرآحه م عجبني ذاك الزوود يعني ك شكل و ك كل ف النظآم احس الابل احسسسن بعد م استخدمت الرومات المطبوخه .. مع احترامي ل اي مستخدم اندرويدي لم يجرب الرومات لـآتقييم النظآم واللي يقول ان البطآرية تخلص اسرع من الـآيفون .. يلـآ حبيبي جيب جوآلك ونفلل الشححن وانا اشغل الواير لس والجي بي اس وانت خلي جوالك ف وضع سكون بدون تشغيل اي شي اذا م طفى جوالك قبل او بعد ب دقايق انا م اعرف ششي لـآني مججرب هالشي يميز الجآلكسي وبششكل كآمل الرومآت المطبوخة اما اذا كنت من الناس اللي تستخدم برامج وتطبيقآت بسس بدون م تلعب ف النظآم ف خذ ايفون لـآن برآمجهم اكثثثثر جودهـ <_ وهذا اللي يميز آيفون بسبب ان شركة قوقل نآشئة في هذا التخصص ك هاردوير من معالج وكاميرآ .. الخ عندك موقع الشركتين اتوقع انك تعرف تقارن لـآنها ب الـآرقآم جوآلي الحآلي .. جآلكسي اس ون < وكلـآمي اللي فوق والله الشاهد مبني ع تجججربة وليس تعصبًا 2* مو من حقي اني اقيّم الـآيفون دامني م استخدمته .. او ب الـآصح م استخدمته فتره كافية اني اقيم انظمته او اللي يطلع من الششركة لكن ك كلـآم من اللي حححولي الشركة خيبت امالهم .. ويتحججون انها م خيبتها بسبب برنآمج سيري ع كل حال كان ودي ارد ع بعض الـآرآء اللي مدري وش يحسون اللي كتبوهآ بس اعتقد اني تكلمت بما فيه الكفآية وطبعًا اصحآب الـآرآء المتنحية المتعصبة .. ف الـآخير انا احترم وجهة نظرررك لكن يجب عليكم ف المقابل احترام وجهآت النظر ... تقيّم سلبي او ترد رد ماله دآعي شي يعكس مدى قدراتك الحوآرية واعذروني ع الـآطآلة ^__^
وتذكرت :$ تقولون ان الشركة م تدعم الاجهزهـ القديمة صح !! جهآزي جالكسي اس ون وللحين دعمه موجود ان كان تبي برامج ان كان تبي رومآت ان كان تبي تحديثآت كلها موجووودهـ ولكن ف المآضي كان كل شغل المطورين يتجه ل الجالكسي اس ون الـآن اس ون + اس تو + نيكسووس يعني توووزع الاهتمام مو انعععدم للحين موجود
لبـــى Galaxy SII افضل جهاز لعام 2011 مشكلته الوحيده عندنا في الشرق الاوسط هي التحديثات الرسميه من سامسونج ... لا يوجد اما في اوربا وامريكا ...ألتحديثات مستمرة ...وكل تحديث يزيد من براعة الجهاز بس ان شاء الله ...يكون لدنيا في الشرق الاوسط ...ترقية الاجهزة الى اندرويد 4
جنون انك تقارن الايفون ذاك الهاتف الزجاجي الصغير بهواتف اندرويد ,, اطلع على المواصفات اطلع على الماركت اطلع على حرية التجربه وقرر انا لن انقد الا صاحب الموضوع الله يعطيه العافيه ,, كيف تقارن هاتف جاجي صغير بمعجزات سامسونق ؟ حتى قالكسي اس ون برأيي افضل من الاي هاتف 4 س stop it Fan Boys