أحسن خطة للقضاء على مطعم مشوار!!! الهمة يا شباب!!!

فكرت فيها ^_^ ..


بس في الحقيقه آشوف ان هالشئ مايجوز .. وراح نتسبب بشكل أو آخر في تبذير هالنعمه اللي طلبناها .. بالإضافة إني بهالصوره كذبت عليهم ..


يبقى أولاً وآخراً خيار المقاطعه افضل خيار .. خصوصاً بوجود البدائل .. وسيكون لهذه المقاطعه أثرها عما قريب بإذن الله ..

 

Disagree

انا أكره هالمطعم ..
بس ماتوصل اني أكذب عليه وأخليه يسوي النعمة وتاليها أقول ما طلبت شي !

 

حاب حماسك ياغالي، بس ما تخاف أنهم يرمون الأكل اللي جهزّوه؟ نأخذ اثم على نية حسنة، ما أتوقع تستاهل.

أتذكر واحد حط طريقة هي أنك تدق عليهم ويوم تخلص طلب تقول كم الحساب وبعدين تقول له لا خلاص بطلّت، هذي أتوقع أفضل.

الله يجزاك خير :d وأتمنى ما تتضايق من كلامي :d

 

الغاية لا تبرر الوسيلة يا عزيزي

 

أهـم شيء لاتهجـمـو هجـوم شـررس على صـاحب الموضوع ياشباب

الرجـاال من شـدة حمـااسه وقهـره من المطعم كتب هالفكـرة
والحـين أنتـو وضحـتوا له إن هالطـريقـة ماتجـوز وماتصـير

ويعطــيكم أأألـف عـــافــية . .




صــاحـب المـوضوع: الشـباب كفـو ووفـو في الـرد

 

أولاً هذي الفكرة سبق وإقترحوهآ الشبآب ..

ثآنياً مو تحسهآ هدر لـ النعمة ..!

عموماً الحل بسيط جداً جداً جداً

وأكثر ممآ نتخيلة !

لآ أحد يطلب منهم ولآ حتى موية وقولوآ لـ كل اللي تعرفونهم يقآطعون المطعم حتى لو خآرج الحرم الجآمعي وبس =)

 

+1

 

ي جماعة الخير
ما يصير كذا

فيه احد منكم اتجهه لإدارة المطعم وسألهم عن سبب رفع الاسعار؟ وفرض 3 ريال على التوصيل؟

يمكن الجامعة رفعت عليه الاجار وفرضت عليه رسوم إضافيه
بالاضافه إلى قلة شغله في هالفترة

إذا الجامعة المحل الي مترين بمترين حاطه إجاره 40 اللف !
عاد شلون مشوار؟


قاعد اقول يمكن
لا يجيني احد مطفي النور ويدعسني


هو مطعم وبالنهاية هدفه يكسب زبون وينافس غيره
وخصوصاً ان الجامعة تسمح للمطاعم الثانيه توصل للجامعة

من فترة لفتره يسوي عروض
تتوقعون ليه؟




موفقين خير

 

يا شباب أنا عندي فكرة تزامنا وتضامنا مع الربيع العربي ...

إيش عندكم أول جمعة في التيرم الجاي ؟؟!! " أكيد ولا شي"

المهم .. نسمي ذيك الجمعة "جمعة إغلاق مشوار" .. وأحلى طلاب يتجمهروا قدام المطعم " بس لحد يتحمس ويرميهم بالحجار .. هههههههههه بلطجية "

وش رايكم ؟؟!!!!

 

لا لا ما توصل لهالدرجة

ترى كنتاكي يوصل ب 5 ريال حتى لو طلبت بريال بتحاسب 6 ريال وماعمري سمعت احد زعلان

 

ما توصل هالمواصيل (وش فايدة تجمهر بدون ترجيم أو ضرب), لكن هو في الاخير ما سرق فلوسك أو الجامعة قالت ما لكم الا هو. فقرارك بيدك, قاطع وراح تشوف النتيجة..

 

ليس هذه الطريقة التي علمنا ديننا الإسلام لنرد بها على من يسوء إلينا
فعليك أخي الكريم أن تراجع نفسك و تتعوذ بالله من الشيطان و إن كنت قد فعلتها فتسامح منهم لأنك سوف تحاسب على هذا يوم لا يغني شيء عن شيء
و الحل الأصح هو أن نقاطعه بعدم الطلب منه

 

مشوار اصبح ضحية فاينلزم ههههههههههههه

 

انا ما ادري عن مشوار

لكن كنتاكي يوصل لك الطلب الى باب الغرفة

وموقعه خارج الجامعة

يعني مره ما فيه مقارنة

 

+1000

 

قاطعوه يا شباب

والله كفاية استغفال الطلاب الغلابى

990 ما تكفي و كل شي هو و العريقي زايدين اسعارهم

الله يعين بس

 

مع احترامي لكاتب الموضوع <<DISLIKE>> واتمنى انه ماحد يسوي هذا الشيء لانه يعتبر من الغش والخداع

^
+1

^
+2