السلآم عليكم ورحمة الله وبركآته صبآح / مسآء | الخ‘ـير أخوكم في الله قرر يسآفر بالصيف إن شآء الله لـ أول مره خآرج القآرة الصفرآء ميزآنيتي تقريباً 10 ألاف ريآل ( شآمله كلشش ) + قآبله لـ الدف شويتين وأبي دوله أوربية أو مجموعة دول في حآل كآنت قريبه من بعض يعني .. مآفي أي شيء في رآسي إلآ لندن عشآن تشيلسي طبعاً لكن مشكلة لندن مكلفة جداً وفيزتهآ كذلك غثآ .. لذلك قررت لندن لهآ رحله خآصة بإذن الله ودي تدلوني على دول فيهآ منآظر كويسه وأمآكن يقدر الوآحد يروحهآ وأهم شيء المعيشة مآتكون غآلية وتكون على حسب الميزآنية المذكوره سآبقاً .. أدري الموضوع نوعاً بدري ، لكن ودي من الحين أزين أموري وتعرفون الحمآس وتسذآ :$ + يآليت لو مكآن الموضوع مو منآسب ينقل لـ المكآن المخصص فضلاً لآ أمراً
لندن مملة ومافيها ذيك النشاطات ميزانية ١٠ الالف ممكن ماتكفي اوربا جدا غالية بس انا عشت لفترة هناك وفي اساليب توفير كثيرة بس السياح ما يعرفونها كم المدة اللي ناوي تقعدها ؟ وهل ناوين تسافرون قروب لانها توفر واجد خاصة في التنقل الداخلي كمكان انا صراحة انصحك في النمسا والمانيا قريبة من بعض والتنقل بينهم مرة سهل وشمال ايطايا وبازل السويسرية قريبة منهم
والله ياعزيزي إذا هذه ميزانيتك وودك تفرفش ( من أكل وجو وأماكن تفتح النفس) وبنفس الوقت ودك تزود أيام الإقامة مالك إلا تركيا أو تزود الميزانية شوي وتروح فيينا الأفضل في الصيف
يعطيكم العآفيه عددنآ إلى الآن 2 بس .. + آخر فآينل إن شآء الله بيكون 28 May لمآ قبل بدآية السمستر الصيفي ..!
والله يالغلا ماودي احبطك بس ميزانية 10 الاف ماراح تسوي لك شي بأوروبا بس بتروح تنقهررر وترجع زي ماقالولك الاخوان شوفلك اتجاه ثاني او انتظر الين الميزانية تكون اكبر ... الا على فكرة بتكون لوحدك او معك احد؟ لانها بتفرق لو كنتوا مجموعه وكل واحد 10 الاااف
روح لتايلاند انا جاد رخيصة وطبيعة ساحرة وتكفيها ميزانيتك عارف دولة ممنوعة على السعوديين بس فيه طرق تقدر تدخلها بدون ما تدري الجوازات السعودية
^^ عم خويي رآح وسحبو جوآزه والظآهر غرموه + مآبي القآرة الصفرآء : / حنآ المؤكد 2 يعني عشرين ألف + فيه إحتمآل 2 يلحقونآ من أمريكآ بس الأكيد لمآ الحين شخصين فقط .. يعطيكم العآفيه جميعاً وبـ إنتظآر البقية
هههههه لانه ختم على جوازه وانا قلت فيه طريقة تدخل تايلند بدون ختم على الجواز المهم توي افهم معنى القارة الصفراء حسبتك تقصد الصعوطية ههههههه طيب كم يوم بتقعدون هناك ؟ نصايح للتوفير باوروبا وبما انكم شباب اسكنوا بشقق او فنادق 3 نجوم ونظيفة لا تسكنون بالداون تاون منطقة غالية واسكنوا من مكان مشوار 5 دقايق للداون تاون وارخص بكثير خذ معاك فطاير وجبن توفر فلوس وبالنسبة للمطاعم انصحك ما تجرب مطاعم كثيرة هناك لانها غالية وهدفكم بالاخير الوناسة وتتفرج على المناظر الطبيعية وتستكشف دولة جديدة ولا تنسى القطار الرابط بين الدول الاوروبية جربه واعتقد هو ارخص واحد بالتنقل بين الدول الاوروبية تحياتي لك اخوك ما عمره سافر لاوروبا بس يسأل اخوياه اللي راحوا ويقرا كثير بالنت ههههههه بالتوفيق
^^ الله يسعدك والله كذآ مكتب سفر رحته وقآلوآ بالضبط مثل كلآمك من نآحية السكن من نآحية المطعم مع إن هوآيتي تجربة الأكلآت الغريبة بس أقدر أمسك نفسي يعني ض1 إذآ شفت الميزآنية بتعيشني في قحط .. فـ يآزين دبي بس وبآقي المبلغ بجيبي
^^^ نسيت اقولك اول نصيحة للتوفير لا تروح لمكتب سفرات ! انت احجز تذكرة والفندق وكل شي بنفسك تقدر توفر بالهبل وانصحك بالمواقع هذي اقرا آراء الناس عن الفندق والمكان والجو والنصائح www.booking.com http://www.tripadvisor.com/
و الله يا الغالي ما ادري ان كان ذوقي زي ذوقك .... ( لكن ) انا كنت معزّم زيك و قعدت ادور و ادور ، كنت ابغى شي جديد شي الناس باقي ما راحوه ، و طحت على [ غدامس ] بليبيا ... شي خرافي طبعا كنت اجهز و ادور الين جا القذافي الغبي و ثار الشعب الليبي عليه و شالوه المشكلة الآن في المظاهر المسلحة فقط ،، و احد الليبين في تويتر ذكر لي بأن غدامس رجعت فيها السياحة و كذا شيك فلكر عن غدامس فيه صور حلوة و اهنيك اخيرا على صملتك الاليمة
ما أنصحك بأوروبا مع هالميزانية . رح ماليزيا ! بتفل أم أم أمها و تسكن بأحلى الأماكن و تاكل كل المطاعم و ما بتصرف الـ 10
جنوب أفريقيا !! .. بالراااحة .. عالميزانية .. وجميع أنواع المناظر .. بسسسسس .. الأمن هناك .. لك عليه شوي وعندك ماليزيا برضو .. نفس الشي .. بس الأمن أفضل
ماليزيا غالية تايلند ابرك وارخص واجمل المهم لقيت لك موضوع خطير بتستفيد منه انا لسه ما قريته بس بقراه ان شاء الله تقرير مميز / ثمآن دول أوربية بـ 13 ألف ريآل فقط ،، جزء ألمآنيا/ هولندا/ بلجيكآ/فرنسا
يا إكس ,. هو سأل على ميزانيته و أنا قلت له أنها أفضل بلد مع هالميزانية و بلدد مسلم و طبيعة خلابة جداً ! و بعدين تايلند صحيح حلوة بس فيها أشياء تؤذي العين , و برضو احتمالية خرم الجواز كبيرة بس أنصحك يا صاحب الموضوع , إذا بتروح ماليزيا و ما تبي تقابل عرب هناك (زحمة الخليج و غيرهم ) رح في إجازة الحج او اجازة منتصف الفصل . لا تروح بالصيف
من غير تشاور يا ذيبان . رح للرباعي المرح . فرنسا ومن تحتها اسبانيا ومن بعدها جارتها البرتغال . واذا اشتقت للعربي انزل شوي تلقا المغرب ويا حبذا تبحر بالبحر الابيض المتوسط وتتجــه لبلد الوسامة . ايطاليا ولكن لا تتعمق كثيرا فيا حبذا تكحل العينين بمناظر من الصقلية وسلامتك