بكالريوس Computer Sci. , و ماستر IT Mgtm. وين يدور وظايف؟؟

جرب تكلم الشركات اللي عاجبتك وتقولهم انك مقدم عليهم اونلاين وحاب تنظم لهم ووريهم اهتمامك .. اذا شافوك تبي تشتغل عندهم يتحمسون ترى ..

 

أخوي لا تخاف وضعك طبيعي...هالفترة هذي فترة برود في التوظيف و الكل ملاحظ استنى شوي و خيرك قدامك إن شاءالله..

في شركة في الخبر اسمها wipro مكانها برج التميمي أعرف انهم يطلبون تخصصك
و شركة إسمها البلاد العربية برضو في الخبر بس مادري وينها بالضبط تطلب IT كثير لأن كل اصحابي خريجي أمريكا الـ MIS توظفوا فيها

بالتوفيق

 

شهرين ونص وجاك احباط.. الله يصلحك بس

انتظر شوي وراح يجييك الفرج.. اهم شئ لا يجييك احباط او تبدأ تفكر تفكير سلبي

 

اخوي شهرين و نص و زعلان!!!
غيرك بقى سنين ..

حتى لو انك خريج امريكا او موزمبيق! جماعتنا هنا لازالوا يفكرون بـ 50 سنة ورى!
خريجي الماستر في الغالب لما يقدمون ع وظائف يتعبون كثير و ينظر لهم بـ فوقية! ليه؟؟

قلت لي ليه:
1- لأن اللي بتقدم له الطلب خريج ثانوي او جامعة -مع احترامي- فالنظرة تكون مش ولابد!
2- الشركات تنظر للفلوس! يعني يقول ليه ادفع اكثر لماستر دام البكالوريوس يقدر يسويه بأقل!
راح تلاحظ حاجة يرددونها اسمها "ما نحتاج ماستر"!
3- المدراء و التنفيذين يخافون ع مناصبهم !! ما دروا ان لو دامت لعيرك ما اتصلت اليك!

اخوي -بدون تحطيم ولكن كلام واقعي- من 4 - 6 شهور بعد التخرج هذا average!
اقولها لك من خبرة


ع العموم انت اتصل بالشركات و روح لهم و أبد اهتمامك ان شاء الله تتوظف و تأكد ان المسألة ارزاق .. الله يوفقك

 

عندك حساب على linkedin أفتح حساب و تواصل مع موظفين من كل الشركات و راح تحصل فائدة أكبر من مواقع التوظيف.

 

صحيح و أنا حاليا صار لي 6 شهور أكثر الي أقابلهم عندهم فكرة الفوقية و خايفين أنك تاخذ مكانهم يوم من الأيام خصوصا الهنود و الأجانب و صار مواقف آخرها يوم الاربعاء الماضي في بنك ساب الهندي ما عرف يقول لي حجة إلا أني over qualified و أنه خايف أني أسحب عليه بعد شهر أو شهرين لوظيفة أفضل ...

 

الله يعينك اخوي....السبب مثل ماقالوا الشباب ان الشركات ماترغب بالماستر خاصة بدون خبرة..

قدم على شركة (العلم) يطلبون computer science كثير..

بالتوفيق

 

حبيبي
بالذات الـ it .. ما فيه جهة حكومية أو شبه حكومية أو خاصة إلا و عندها إدارة أو قسم مختص بالـ it
كل ما عليك تتطلق رجلينك طال عمرك و تتوجه لهذي الإدارات وحدة ورا الثانية تعرض نفسك و تسوق لنفسك عندهم
قبلها جهز لك سيرة ذاتية من اللي يحبها قلبك و ليتك يوم كنت في أمريكا توجهت لشركات تساعدك في صياغة السيرة الذاتية جرب تبحث عنها أو اسأل موقع بيت يمكن عندهم هذي الخدمة
اسأل عن مدير إدارة تقنية المعلومات في أي جهة حكومية أو شبه حكومية أو خاصة و سوق لنفسك عنده
كذلك هناك شركات متخصصة مثل شركة العلم و هي شركة مملوكة بالكامل لصندوق الاستثمارات الحكومي ( أعتقد كذا اسمه ) و لديها مشروع ضخم لتحويل كافة المعاملات الحكومية إلى إلكترونية و الاستفادة من بيع المعلومات المصرح بها للمستفيدين على سبيل المثال شركة تستفسر عن إقامة عامل فشركة العلم تقدم الخدمة ميسرة إلكترونيا و لكنها في المقابل تاخذ رسم

لا تعتمد على الأونلاين و حسب
وفقك الله

 

بالمناسبة ، ابدأ بشهادة الـ ITIL Foundation
و كذلك الـ CAPM الأخت الصغرى للـ PMP التي لا تحتاج إلى خبرة

>>>>>>>>>>>>> أنا افترضت أن توجهك إداري بحكم أن الماستر عندك إداري

 

مرحبا ، الفترة طبيعية جدا ً حتى الآن

الإخوان أضافوا ما أريد قوله ، ولكن بقي شئ رأيته في الشركات

(طبعا ً أتمنى أن كلامي ما يخليك تهوجس زيادة لأن الأرزاق بيد الله ومقسومة)

حامل الماستر من المغضوب عليهم عند التوظيف !

الأمر ببساطة لأنه Overqulaified على العمل غالبا ً

وتوظيفه مكلف جدا ً ، وعادة ما يطالب بقريد بسبب شهادته (وهو حقه طبعا ً لكن هي نظرتهم)

بالمختصر المفيد ، الشركات تحاول توظف أكثر شخص ينجز عمل بأقل تكلفه ممكنه !

وأكثر من يفعل ذلك - بصراحة وبرؤيتي للعمل - هم أصحاب الدبلومات !

لأن صاحب البكالريوس والماستر ممكن يلقى عمل ثاني بسهولة

أما أصحاب الدوبلومات يقاتلون حتى يثبتون نفسهم لأن عندهم نقطة ضعف هي الشهادة


أتمنى أني أضفت ما ينفع ، وثق تماما ً أن الأرزاق بيد الرازق الرزاق

 

قدمت على التصنيع؟

http://www.tasnee.com

 

السلام عليكم
الشركه الي بالهند اسمها كارتك او كار تكنولجي Kaar Technologies هي شركه انترنشنل متخصصه بمجال الSAP تتعامل هنا مع البلاد العربيه
هذا موقعهم
www.kaar.in
تقدر تقدم منه وتقدر تخذ ارقام الاتصال الي بالهند وتستفسر

http://www.kaar.in/career.asp

بالتوفيق ​