هذا من المواضيع التي لا أعلم أأضعها هنا أم بالحوار الجاد أم بالساحة العامة أم أين!؟! والحق أن إجابة هذا التساؤل تأتي من فك لغز شاب الدوحة الغريب مرتين يستوقف سيارة أكون فيها شاب سعودي (أعلم ذلك لأنه أخبرني بقبيلته ومدينته) بثوب وشماغ، هادئ الطبع ذو أدب ويطلب إيصاله -إن كان على طريقنا- إلى الفيصلية في الدمام. المريب أني أول مرة أركبته بسيارة خوي لي من الجامعة كنت بجيب فيها غداء من "شباب البخاري"، قلت له: بنشيل غداءنا نتغدى سوا بالجامعة ونكمل على الدمام إن شاء الله، فبدا عليه الارتباك قلت بنفسي: طبيعي، الرجال انحرج، لكن من باب جس النبض قلت له: الجامعة عليها تفتيش، إن شاء الله أوراقك معك وهنا زاااااااد ارتباكه وقام يعتذر ويقول إنه ما يبغى يتعبني وأن مشواره مو على طريقي وأنه ما معاه أوراق قلت له: طيب بأتصل بالشباب وأسأل صاحب السيارة إذا عادي أوصلك قبل لا أرجع لهم، كان هذا وإحنا عند باب المطعم صاحبي ما رد فكان من الصعب أوصله بس كان الهدف أعطيه الغداء وما يووصله ويرجعه (لأنه كان قد أخبرني أنه ما معه فلوس) نزلنا، وطلبنا، وكل 15 ثانية يقول لي باستناك برة وانا أرفض بالأخير طلع برة، طلعت معه (والبخاري لأول مرة يحتاج 4 دقايق إعداد!) جهز البخاري بالداخل فقلت للرجال: ثواني، لا تمش وعدني أنه ما بيمشي دخلت أتناول البخاري ورجعت،،، ولم أجد له أثرا ولا عين، (يبدو أنه ذكي، دخل اختبأ بمحل لأنه عرف إني بالشارع باصيده) شفته بعدها وأنا بسيارة صديق ثاني، ويسوقها روم-ميته وقفنا، وطلب نفس الطلب، تعذرنا وذكرته بنفسي فابتسم ونصحناه ينتبه ومشينا شوي ثم قررنا نرجع له بس للأسف ما حصلناه المهم: أنا أشوف أنه غريب حال الرجال أحد منكم شافه؟ وإيش تفسيركم لهذا اللغز؟
الاصل في التعامل مع الاخرين احسان الظن بهم دائما يمكن الادمي على نياته او عنده رهبه من الاخرين وخوف ... وخاف منك لما شافك عزمته على الغدا وقال هذا بيسولي شي او او او او على العموم اسال الله ان يستر علينا وعليه ويهدينا جميعا
أما أنه موظف فمستبعد جدا جدا جدا الموظف مهما بلغت به يتسلف عشان يروح شغله، والناس ممكن تسلفه (زملاؤه بالعمل او الوظيفة نفسها) والموظف أحسن له يرتب مع أحد زملائه يمر له بدل ما يوقف سيارات ويقول له ما معي فلوس كل مرة والمرتين اللي شفت الرجال فيهم ما كانوا نفس الوقت ولا كانوا وقت دوام عادي والرجال له سمة المسكين، البريء اللي الدنيا بهدلته، وضعه مريب لكن ممكن يكون محتاج مساعدة لذا لو نخلي اتجاه الموضوع: كيف ممكن نساعد؟
انا مره كنت ماشي بخط الدمام حق القصر الاخضر مدري وش اسمه المهم كان قدامي سياره انسلخ عليها الكفر لكن فكهم ربي وماصار شي وقفوا على جنب وقفت ونزلت اساعدهم طلع مامعهم استبنه حاولت اركب استبنتي ماركبت المهم صار طريقهم جنب الجامعه وقالوا وصلنا ونجي للسياره بعدين وصلتهم بس قبل لا الف مع الجامعه نزلتهم قالوا نزلنا هنا قبل التفتيش المهم دخلت التفتيش ووقفني العسكري على جنب وقام يحقق معي مين اللي كانوا معك ليش نزلتهم قلت له السالفه من طقطق للسلام عليكم واني ماعرفهم وانهم بنشروا ومامعهم ستبنه ووصلتهم قال لي انتبه توصل احد مره ثانيه واعتقد انه قال انه ممنوع قانونيا بس مو متأكد لأني كنت مرتبك من العسكري واسلك له هههههههههههه بس الزبده انه قال لاعاد توصل احد ومن هالكلام ومشاني بعدها حرمت اوصل احد مهما كان فا انتبه توصل احد لأني اشوف مافي شي اسمه مره محتاج توصيل لأن فيه كثير بدائل يقدر يوقف تكسي مامعه فلوس يقدر يتصل على احد يعرفه مامعه جوال يقدر يوقف تكسي واذا وصل البيت ياخذ من اهله فلوس ويعطيها التاكسي يعني فيه حلول كثيره ومساعده الناس شي جميل وانا أدعي الجميع للمساعده لكن الامور اللي فيها ريبه ابعد عنها وابعد عن توصيل الغرباء وتركيبهم بسيارتك او ادخالهم بيتك لأن اي شي يصير حتى لو مسكوك او وقفوك وهذا مهرب مخدرات مثلا بيمسكونك معاه الله يعينا على كل مفسد وكلامي ليس تشكيك بالرجل المقصود من صاحب الموضوع بس بشكل عام الله يبعد كل مفسد
والله فعل الخير حلو وانك تساعد الناس وتكسب فيهم اجر فهذا شيء جميل بس الواحد هالايام يخاف على عمره ولا تستاهل انك تخاطر بنفسك، لان محد بيصدق حسن نيتك لو يحصل شيء ولا حاجه! على كل حال الله يعينه واحمد ربك انه انحاش لان يمكن فيها خيره
هذي الايام الواحد صار يخاف يسوي خير .. المرة الوحيدة اللي وصلت فيها احد ذي الايام كنا ٣ اشخاص في السيارة وهو شخص واحد بس ..
مدري وش سالفته يالمنكسرلله ، الاحتمالات كثيره بالحيل . . ! وما أعتقد اني قابلته أبداً بالرغم من اني اروح لشارع عبدالله بن عباس بكثره. وبصراحه اشوف ان وضع الرجال ما يحتاج موضوع عشان نساعده او نتحقق من امره. الجهل ببعض الامور نعمه وابواب الخير يا كثرها : )
اذا كان شاب نحيف وطوله متوسط (لا هو طويل ولا قصير) ، فاعتقد انه اللي قابلته قبل فتره، وكانت الساعة 12 في الليل ، جا وطلب مني 50 ، قلت ليه ؟ قال هلي في نجران وبمسك الخط بعد شوي والموتر مافيه بنزين ما قدرت ابلعها ×_× قلت الله يستر عليك اللي كذا اتجنبهم عادةً ، وإذا كان كلامه معقول ومقبول ممكن أساعده بشيء يفيده مباشر ولا احط قرش في يده ، مثال: واحد يبي توصيله وقف تكسي وعطه الفلوس ، واحد يبي مساعده في فاتوره كهرباء ، سدد الفاتوره عنه لو كان مبلغها معقول ، واحد يحتاج دوا اسأل عن اسمه والوصفه الطبيه وجيب له الدوا . لو كان فعلاً محتاج بتكسب اجره وبترسم ابتسامه في وجهه ويحس ان الدنيا باقي بخير ، اما لو كان من اللي ياخذ الفلوس ويضر نفسه فيها فما راح يجيك مره ثانيه ابداً
عندي تساؤل بسيط - هل ممكن انه يأخذ شيء من اثرك - زي شعر رأس مرمي في السيارة او لاصق بالفلوس اللي راح تعطيه ويكون عارف اسمك ويسوي لك سحر - ولا لازم يكون عارف اسم امك بالذات عشان يقدر يسوي السحر
مثل ما قالو الشباب .. والله ما اركبه لو وش يسوي .. اصلن واحد يطلب فلوس .. والله اشك فيه مستحيل اركبه و افتح على نفسي ابواب
وهذا اللي أسويه يوم إني أمشي مع الوالـد والنـاس تكلمه فيأشـر عليّ أبوي لجل أشووفهم وأشـوف وش هي حـاجته بالززبط واعطيه اياها أكل ، علاج ، عمليات ، الخ ... حتى واحد الله يسـتر عليه كان يطلب فلوس إيجار بيـته ولكني أشـرت على الوالـد مايعطـيه وإنما يعطـيه شـيك باسم صـاحب البـيت بعد مايتثـبت من مديـونيته وفعلاً مثل ماتفضضلت انت .. إن بهالأسلـوب تكون قضضيت حاجة الشـخص المحتـاج وتصـرف الكاذب المتـمـفقـر وتكـون صـرفت المـال في وجهـه
الاصل اننا نساعد , لكن ماتسوى على الواحد يدخل في متاهات لها اول مالها تالي مع بعض االاشخاص الاستغلاليين ,, و ان صار شيء فكل اللوم بيكون عليك ,, لذلك , على قولة الاخوان , اذا مره محتاج توصيله , و انت تبي تساعده , وقف له تكسي وعط التكسي فلوسه و خله يوصله مكانه , كذا تكون ساعدت و ارتحت في حالة مثل هالحاله , ,