ارامكو Vs. شلمبرجير

go ahead with aramco offer

 

نصيحة ارامكو لان استقرار بمعنى الكلمة
و فوقها تقدر تطور روحك ماستر و دكتوراة انشاء الله
واذا ما وافقوا على ابتعاثك كمل بارت تايم في الجامعة بس جيب موافقة من مديرك عشان ارامكو تتحمل رسوم البارت تايم

 

في هذه الحالة بالنسبة لي راح افضل عرض ارامكو صحيح شلمبرجير راتبها اعلى وتدريب لكن في النهاية ارامكو هي الاونر هي عندها الاستقرار اكبر من شركات السيرفس

وبالاخير القرار عندك فكر وان شاء الله راح تلقى ماتريد


بالتوفيق

 

توكل على الله و روح ارامككو

 

كلتا الشركتين ممتازه و مميزاتها جدا حلوة ولكن ان شاء الله تجد من جرب لينصحك لان التجربه خير برهان وانا نصيحتي لك استخر ربك والي اسمعه عن شلمبر انها صحيح راتبها قوي ولكن ثق ثقه تامه انهم بيحللونه صح حتى لو بتاخذ اجازه وتبي تفل وتسافر ممكن في اي لحظه يتصلوا فيك برضوا شغل شلبرجير كثير يكون في الفيلد طبعا على حسب تخصصك بينما ارامكو الي اسمعه انها تملك 5% فقط من الحقول في السعوديه ايضا الاستقرار المكاني للعمل والاسقرار الوظيفي ايضا صحيح في العقد يشترطوا عليك تشتغل معهم ٣ سنوات ولكن المشكلة بعد ال٣سنوات ... شلمبر بصراحة راتبها اغرااااء....

اعذرني على هذا الرأيي البسيط من خلال سماعي لناس الي توظفوا من قبل والرأي لك

 

كل شركة ولها مميزات و عيوب. توكل على الله و روح أرامكو أفضل...

 

شوفك وين بتكون بعد 10 سنوات سواء في شلمبرجير أو في أرامكو
بالنسبة لشلمبر أقل شي بتكون FSM ( Field Service Manager) هذا اذا كنت شيخ المبزوطين

كل شركة ولها مميزاتها
اذا كنت تبحث عن منصب في الشركة في وقت قصير وفلوس وترقيات سريعة عندك شلمبرجير

اذا تبغى استقرار وظيفي واجتماعي مع راتب يعتبر طيب نوعا ما عندك ارامكو

اذا انت من الناس اللي يفكر يتزوج في اول سنة ويكون بيت ماتنفع لك شلمبرجير

كسرعة ترقيات وتطوير ودورات خارجية ماتقارن أرامكو بشلمبرجير اطلاقاً

ميزة شلمبرجير انها تطلعك الخارج بين كل قريد وقريد كدورات وتطوير وعيبها ان لها الحق تطردك اذا ماعديت احدى هذي الدورات
عيب ثاني انك ماتقدر تطلع منها في اول ثلاث سنين الا تدفع لهم قيمة الدورات اللي طلعوك اياها !

في ناس تفكر تدخل شلمبرجير 4 او 5 سنين وبعدين تطلع وتروح أرامكو , لاتنسى انك هنا تتكلم عن أكثر من نص راتبك بينقص !

بالنسبة لي لو عرض علي أوفرين من الشركتين ولا لحظة راح أفكر بأرامكو!

 

مثل ماقال الاخ بو عزوز.. ياجماعة محد يقدر يقولك خش هناولا اقبل هنا الوظايف مثل المعادله شوف اي طريقه تبي تحلها.. اذا انت تبحث عن الفلوس يعني تقدر تشتري بيت وتتزوج وسياره في 5 سنوات بدون ماتاخذ ولا قرض من البنك روح شلمبرجير بس نوع ما بيكون مافي استقرار كل مده في مكان بحر بر ... اذا تبحث عن الاستقرار ارامكو.. من ناحيةالدورات والتطوير شلمبر اقوى لانها عالمية طبعا للتطوير في مجال عملك لكن هل بعد كم سنه الخبره بتفيدك برا محد يقدر يفيدك لانها بالنهاية توافيق..،ارامكو بعد فيها مميزات بيت واستقرار

 

اخوي شغل شلمبر غير.. مثلا في قسم الحفر الروتيشن 42 يوم شغل 12 ساعه بدون ويكند وتطلع 3 اسابيع اوف.. يعني ارامكو نوع ما راحة اكثر اخوي لازم تعرف كل شي معليش بسالك هل قابلت؟؟ رحت فترة التجربة؟

 

انا من موظفيين شلمبر صج كرف وتعب بس مبالغ قويه ولا تصرفها ويمدييك تسوي البيت بدون قرض وتتزوج بدون قرض خلال ثلاث سنوات ودوراتهم حلوه وقويه خارجيه وتعلمك كل شيء والحمد لله

واذا خلصت الثلاث سنوات يصير لك منصب وتستقر وين ماتبي انت اختار بس المكان بالعالم كله فلوس واستقرار وانت عمرك 30 يالله والجنه

هذي من وجهة نظري لشلمبر

اما ارامكو صعب فيها التطوير وخاصه كلها سعوديين والحين نسبة السعوده فيها فوق 80 بالميه يعني تحصل واحد عمره 45 وتوه سوبر فايزر يعني المناصب صعبه

بس فيها الاستقرار والرواتب الجيده

 

انا dt&r جديد الي هو شركة سميث وشرتها شلمبر قبل سنه

 

^^^

كيف الطريقه الصحيحه للتقديم في شلمبر
ايميلات او الذهاب للشركه او الموقع

 

والله ياخوك انا من يوم المهنه مقدم السي في واتصلوا علي وكملت اجراءاتهم

 

هذا السؤال أنطرح مئات المرات ..
انا من الناس الي كان عندهم هالاستفسارات ...

لكن بالنهاية يعتمد على ظروفك الشخصية كل وظيفه لها مميزاتها ..

شوف انت ايش تبغى .؟؟ تبغى فلوس شلمبرجير أشبع .. تبغى استقرار أرامكو ..

بالنسبه للخبره محد يقدر يضمن ان خبرتك في شلمبرجير راح تكون فقط محصورة شركة أرامكو ..

لا والف لا !! اهو يفترض كذا لكن بالحقيقة .. الرازق الله وكل شركة لها نظرتها .. والدليل قدامي الشباب يتنقلون من شركة لشركة .. وبعضهم يقبل بتخصص غير عن الي كان يعمل...

يعني لاتفكر لقدام .. بالعربي شلمبرجير اذا الشخص نوى عليها حرام يطلع منها قبل ٥ سنوات ..

والسلام