!!Make your own life, you are KFUPMer (PART 2) Enjoy!

السلام عليكم ورحمة الله وبركاتة

هوووووووولّا~

كيف الحال ي الربع؟

بما ان الموضوع السابق عجب البعض وفكرة الجزء الثاني اصبحت فكره مقبوله وجميلة حبيت اروق لكم اليوم وانزل سواليف مكس طويلة عريضه عن الجامعه الممممن اطفش !

طيب, خلونا نرتب افكارنا شوي ونشوف ايش بنستعرض بهالموضوع وخلوني احاول احصر افكاري عشان ما اجيب العيد في الطرح المصون !

الافكار التي ستتداول هنا كالتالي :

- السكن وصور عنه واسيابه وخرابيطه .
- الجمعيات وكيف ممكن تخدمك.
- المول وكيف يغير نفسيتك وكيف تستفيد منه .
- مبنى 39 والي هو مخصص لحصص التربيه البدنيه وكيف تستفيد منه وتزووره وتفل اومها هناك .
- كيف تتعامل مع المدرسين او الدكاتره البثرين ؟
- الاكل ومشاكله
- الاكتئاب المفاجئ !!
- برج الجامعة .


بحاول ما اخرج عن هالمواضيع لان لو الموضوع نال اعجابكم راح انزل بارت ثالث له ان شاء الله بحول الله .

طيب نبدا بالسكن ي عيال ؟

اولا: السكن جميل جدا < قل احلف , والي مخليه جميل جدا ان الغرفه الي انت ساكن فيها من نظام متر في متر يعني كل شي حولك ولك استقلاليه جميلة ورتب غرفتك زي مابدك وراح تكون مسؤول عن النظافه والترتيب والتنظيم !! يعني بالعربي انسى اهلك العماره الي راح تسكن فيها غنيه عن التعريف بداية بالي حواليها من زرع وعشب والرشاشات الي كل صباح راح تشوفها مرورا بالباصات الي بترج مخك كل صباحيه لكن والله العظيم جمممميل جدا تطلع الصباح تتمشى لمبنى الاوريا (مبنى الانجلش) وتشوف القطيع الي رايح معك للمبنى ومع رشاشات المويه والجو الجميل هذا صراحة اتلخبطت المشاعر عندي لكن راح تجي وتشوف < ماكنه شطح عن الموضوع شوي؟

طيب مرافق السكن ايش ياكبتن عبدالله؟

مرافق السكن وهي كالتالي:

1- دورات مياة اجلكم الله مشتركه في كل طابق في العماره والمكونه من ثلاث طوابق.
2- غرفة مذاكره والي تكون مشتركة ايضا لكن هذا غرفة للزنقات يعني قفل عليك الباب وانت تنتظر الامن تك طال عمرك شوي لمن يجيك طويل العمر يفتح لك الباب . او اذا كان روميتك نايم ممكن تتكي فيها شويات .
3- غرفتك طال عمرك مرفق من مرافق السكن والمكونه من سريرين ومكتبين ودولابين ونافذه .

صور من مرافق السكن الجميل جدا :

هذي الغرفه من الخارج:



لكن راح تشوفها لمن تجي ارتب من كذا بككثير لا تخاف مجهزه بلحافات ووسايد وفراش جميل يحبه قلبك



هذي صوره للكامبس والي اعتبره من افخم واجمل الكوامبيس في العالم .



طيب اخلي لكم باقي الامور المتعلقه بالسكن ومرافقه اذا جيتو تستكشفونها .

ننتقل للشي الي بعدو والي هو الجمعيات او مجمع الخدمات الموجود بين كل كم عمارة والي يقدم خدمات جميلة جدا صراحه منها بقالة كبر راسك ومكتبة يتوفر فيها خدمات تصوير وطباعه الخ.. وايضا في بعض الجمعيات مجمع غسالات ملابس او مغسلة تجاريه .


طيب خلوني اتكلم عن الجمعيات شوي, الجمعية زي ماقلت لكم موجوده بين كل كم عمارة وهي تخدم الطالب كونها توفر لك سوبر ماركت ومكتبة واحيانا مغسلة , البقالة اسعارها نفس بقالات برى لكن الي يميزها انها في غالب الاحيان توفر كل الي تبيه (كاسات, ملاعق, اكل, الخ........) اذا لا تقلق عزيزي الاوريا من ناحية هالموضوع طلعة برى الجامعه ماكو .

ننتقل للشي الثالث وهو الممممممول الجديد في الجامعة !!

الموووول اه يالمول, خلوني دقيقة اتكلم عن مرافقة وايش يحتوي الى حد الان :

المول في الجامعة طبعا مول تجاري ويحوي الكثير من المرافق الي تصب في مصلحة الطالب بغض النظر عن اسعاره العاليه كونه ماهو تحت ادارة الجامعه المول يتكون من:-

1- سوبر ماركت كبير جدا.
2- مطاعم متنوعه وتشمل (برقر كنق, كودو, كازا باستا, سب واي, فتوش) وفيه محل ذرة صغير وفيه كوفي شوب جميل نسيت اسمه وفيه ايضا مركز ترفيهي فيه تنس وبولينق وبلايستيشن وجلسات بلوت.
3- موجوده مكتبه جميله تبيع ملخصات ونوتات واشياء راح تحتاجها بعدين.
4- زهور الريف للعطور والكماليات الشخصيه.
5- مغسلة ملابس.
6- حلاق لا بأس به.
7- صندوق البريد الي راح يسلمونك اياه مع اول يوم تجي فيه .
8- بس خلاص شتبي؟ طلابه هي .

صور للمول المصون :



ونقفل سالفة المول ياحبكم للعب !

ننتقل للشي الي بعدووو والي هو مبنى التربية البدنية 39 المتنفس الرياضي في الجامعة بعد مبنى 11:

مبنى رائع بسيط يتكون من غرف عديده تضم العاب الاسكواتش والتنس وكرة القدم ومسبح يحبه قلبك وايضا صالة حديد شبه متكامله .

صور للمبنى الجميل:


المسابح ويوجد مسبحين في القامعه :





طيب, الباقي تعال استكشف طالع عمرك .

ننتقل للششي الجميل وراح نبعد شوي عن المرافق والاماكن والفله وهو كيف تتعامل مع المعلم البثر الضريف المستضرف الي مسوي فيها طارق العلي في نص الكلاس؟

طبعا لا اخفيكم ان هذه الفئه ماهي منتشره كثير لكن لو انقطيت مع الفلاوي هذا ايش تسوي؟


في الحقيقه في بعض الكلاسات الممله يطلع احمد الفرج الي داخل الاستاذ في نص الكلاس ويعطيها وضعيه المنتف واحيانا تقعد بها انت ! لذلك عزيزي الاوريا في جامعة البترول انصحك تحط كرامتك في كيس مؤقتا (هذا الكلام مايعني انك راح تنهان ولا راح يتسفل فيك) لا ابدا كل مافي الموضوع انه راح ينمزح معاك مزح دكاتره لذلك لا تكون ردة فعلك خشنه بالعكس روق واظهر انك مروق ولا اهتميت واضحك وفلها ماراح ينقص منك شي .
ولا تتصرف اي تصرف ممكن يقلل من قيمتك او يضهر انك متنرفز او معصب.


الشي الي راح ننتقل له هو الاكل وكيف ممكن تدير اكلك وتحافظ على وزنك:

طبعا ان من اكثر الاشخاص الي تضرر وزني وتغير جسمي بسبب الاكل في الجامعه لكن الغلط مني انا بتقول لي كيف؟ اقول لك كنت مفرط في الاكل في المطاعم او بالاحرى الوجبات السريعه بينما مطعم الجامعه والي عليه خلاف كبير بين معجب وغير معجب بالاكل المقدم الا اني بصفتي طالب اشوفه مقبول واكل جميل وممكن تتقبله طول الاسبوع لان فيه تنوع احيانا باالاكل والفتره الاخيهر شغلهم نظيم وتوقعاتي بالافضل الترم الجاي ان شاء الله فلذلك اكل المطعم المقدم من الجامعه جدا صحي ويقيك بعد الله عز وجل من مشاكل السمنه والامراض الي تسببها الوجبات السريعه .

الي بعدو؟

الاكتئاب المفاجئ او الضيقه المفاجئه الي تجيك بسبب الغربه او ماشابه وهذي طبيعيه جدا وعشتها انا وكثير من الاخوان وهي تحس ان الجو كئيب والوضع مايستحمل وانك تبي تطلع من الجامعه و و و و و اشياء تعور راسك لكن والله انها اوهام وقلق مال امه داعي انا اشوف والحل انك تروح حدى هالمساجد المباركه الي موجوده بين كل كم عمارة وتصلي لك ركعتين وتطلع تتمشى وتحاول انك توازن بين الفله والدراسة عشان تتجنب مثل هذي الحالات المزعجه .

لذلك المساله جدا بسيطه ولا تحاتي من ناحية الضيقه ماضيقه لان الله عز وجل مع عبده طالما عبده معه .

نجي للشيء الاهم في نظري وهو برج الجامعه :

في غياب اهلك اعتبر ان هذا الشي المطل على الشوارع الرئيسيه لمدينة الظهران المراقب لك والناصح وكل شي < نفسيه الولد. يعني لمن تطلع وتتاخر وتلعب كوره وتستهبل طالع البرج واعتبر انه يطالعك وعود غرفتك ياوريا على طول .




الى هنا واختم هذا الجزء من هذي الفضفضه الي مادري لها داعي ولا لا لكن اسال الله عز وجل ان ينفع بها ويستفيدون اخواني الاوريات 14 .

اعذروني على الاخطاء الاملائيه لاني اكتب طيارة بالكيبورد ولعلي جبت العيد .

منكم واليكم : عبدالله.

 

^ طلعه انت طال عمرك اذا كان موجود

 

تهكم؟

 

مسكت معك على دورات المياه؟

خوش تفكير والله

الله لا يهينكم لا اشوف خششكم هنا بالله تفكير مبزره

 

-

 

ابشر

 

الصور ماخذها من قوقل , الموضوع نزل فيه بعض التوضيحات