البعثة vs استمرار البحث عن وظيفة..

Sorry no Arabic keyboard,
if you are in Riyadh try Microsoft as I see they hire a lot of females
Try Hp and Cisco as well
Other than that I would go for MS and PHD if I couldn't get a job, but that is just me

 

طيب ليش ما تفكري تقدمي في الدول الخليجية مثل الامارات
اتوقع و حده معها كل هالمؤهلات بتكون مرغوبة في الدول المحترمة

 

ماشاء الله تبارك الرحمن
طيب قولي لسامبا انك متنازلة عن الماستر عشان ماتصيرين اوفر كوالفياد وماتصير لهم حجة
فعلا نرسم الاحلام في مقاعد الدراسة وننصدم بالواقع بعد التخرج
انا من رايي اصبري سنة وقدمي على الوظائف وخصوصا البنوك وشركات الاتصالات تخصصك مطلوب عندهم واذا مالقيتي كملي دكتوراه وتوظفي بجامعة افضل لك

وهذا معرض توظيف بالرياض للنساء موعده بكره
http://www.alarabiya.net/ar/saudi-today/2014/11/17/%D8%BA%D8%AF%D8%A7%D9%8B-35-%D8%B4%D8%B1%D9%83%D8%A9-%D8%AA%D8%A8%D8%AD%D8%AB-%D8%B9%D9%86-%D9%85%D9%88%D8%B8%D9%81%D8%A7%D8%AA-.html

 

انا تخرجت مهندس وجلست تقريبا حوالي سنه على بال ماتوظفت ، بالاضافه الى اني فكرت اكمل ماستر بس الماستر بدون خبرة عمل يعتبر خطأ لانهم بيقولون انك اوفركواليفايد ،كما معي صديق لي الى الان ماتوظف من سنه ونص انتي اصبري وادعي ربك وكل شوي حدثي بروفايلك بالشركات وربي يفتح لك ابواب رزقة .. اسعي ولا تتحبطي ولاتيأس ..

 

ممكن اسم الجامعة اللي تخرجتي منها؟

 

عزيزتي الاستاذه كيوت


هذا يعتمد على قرارك انت فقط. إن كنت تريدين المسار الاكاديمي فعليك اكمال الدراسه حتى درجه الدكتوراهـ وعندما تصبحين دكتوره سيكون لديك امتيازات ك استاذه في الجامعه، وكذلك الابحاث لدي الشركات. وإن كنت تريدين المسار الغير الاكاديمي فيجب ان يكون لديك طول البال، عدم اليأس والثبات حتى الحصول على الوظيفه. اشغلي نفسك بأشياء محببه لك.

على ايه حال،انا الان اتممت خمسه اشهر بالظبط ولم احصل على الوظيفه ملائمه لمؤهلاتي علماً بأنني رجل ولدي مؤهل علمي (بكالريوس هندسة) وعملي في الهندسه ومع ذلك حصلت على مقابلات اقل منك عدداً !! وحصلت على عرض وظيفي ولم تلق بي حيث الراتب كان قليلاً بشكل كبير.

واعطيك مثال اخر لك ولغيرك، هنالك شخص اعرفه تخرج بمرتبه الشرف الثانيه في بكالريوس الهندسه الكهربا ومعدله 3.6 من 4 واصبح عاطلاً 9 اشهر من تاريخ تخرجه حتى حصل على وظيفه لائقه به.. علماً هذا الكلام قديم من بدايه التسعينات يعني قبل ظاهره البطاله والتضخم. ايضاُ علينا ألا ننسا أن كثره الاجانب في بلدنا الذين هم السبب الرئيسي لعدم حصولنا على الوظائف والكثير منهم يعملون بشهادات مزوره. بالبلدي هم ماكلين الجو كله وحسبنا الله ونعم الوكيل


أنا اعطيت لك مثالين، فأنت ليست الوحيده في هذه الحاله. اخيراً، المسأله مسأله وقت وقد تطول.


الله يوفقك اينما كنت ولجميع العاطلين عن العمل

 

وعليكم السلام

الله يعينك ويسهل لكي امورك! الحال من بعضو...انا برضو كملت ٧ شهور وقاعد انتظر (خريج امريكا)!

المشكلة هنا مافي تقدير ، ولكن غريبة مع انك بكالوريوس، لانو الاكثرية الا تعاني طلاب الماستر الفريش بدون خبرة

جربي سابك في مرة قريت انو عندهم توجه لاستقطاب العنصر النسائي، واذا كنتي من اهل الشرقية فماشاء الله الشركات الكبيرة اغلبها حولك!

ولكن عموما استمري في البحث وربنا ييسر امورك ويوفقنا جميعا!

 

والله يا أختي وكأنك تكتبين قصتي !
انا تخرجت من جامعه بالسعودية بمرتبته
شرف ولكن تعبت كثييرا في البحث عن وظائف
قدمت بالمعاارض و أون لاين وارسال على الايميلات
ولكن لا فائدة !
دخلت 8 مقابلات وكلهم باؤوو بالرفض ! أيش السبب الله وحده العالم
وحاليا مقدمة على البعثات

ولكن مثل ما أسمع انه ماستر من دون خبره = غير مرغوب للمسارات الغير اكادمية !
ولذلك انا متخوفة من هذه النقطه ... للأسف صرنا ببلد يخاف من الدراسة وكل ما كانت مؤهلاتك اكثر
كل ما صرتي غير مرغوبة من الشركات !!

الحل الوحيد للحصول على مقابلات هو انك تعرفين احد من داخل الشركة موظفة او موظف يوصل لك السي في...

روحي معارض توظيف او اطلبي من الموظفين حولك مساعدتك بالتقديم استمري 6 شهور اخرى ..
او قدمي وظيفة معيدة في جامعه اذا حابة الابتعاث

صح هناك برنامج مهارة في برنامج الأمير محمد بن فهد لخريجات ال اي تي .. جربي سجلي فيه على الاقل
ما تجلسين في البيت مع العلم انه مدته 6 شهور
والله يرزقنا واياك الوظيفة
دوامي على الاستغفار

 

والله انا اشوف يا اختي توكيل على الله روحي ماستر لانه الدراسه بره تعتبر مصدر رزق و عمل وخلل الدراسه قدمي واتوصلي مع الشركات هنا اغلب الشركات يبي لهم سنه علي ما يردون واغلب الشركات يقدرون يسون معك مقابلة في سكيب انا صارت لي والحمد الله انقلبت (مقابلة ماستر في جامعة الملك عبد الله)

انا مثلك ابحث عن عمل صار لي 4 شهور ومعطيه وقت لي مارس اذ ماحصلت برجع استراليا مايستر ما عليك من اللي بقول اوفر. شي احسن من شي

What is prefect for you as well try to work part time in Canada while you are studying, that what I am planning to do. studying master is easy comparing with Bachelor and you can handle them both if you have reasonable time management skills. so when u come back here u will be a KILLER master student with developed country experience

I wish you all the best
Hussain

 

ماجستير جامعة الملك عبدالله ممتاز جدا و يساعد نوعا ما على التوظيف تقدر تسالهم ايش اللي يميزكك ماستر و كم نسبة توظيف خريجيكم

 

السلام عليكم

لو عندك خبرة ممكن للدبل ميجر

انا قابلت خريج جديد معه دبل ميجر ومن كندا وعلى كلامه انها من افضل الجامعات مثلك. طبعأ انا هالشيء ما كان يهمني لاني من طرف التكنكل بس يمكن يهم مديري والhr

نصيحة رتبي شهادات وحددي طريقك

 

قدمي على شركات المحاسبة, PwC, ديلويت, ارنست و يونغ, (KPMG ماينصحونه)

اذا كان ماقدمتي اقدر اوصل اوراقك ل PwC ارسلي الريسومي خاص او عام وانا اوصلها

الماستر فكره جميله ومو دايم تخرب الخبره على مسار التوظيف للماستر, بعض التخصصات اللي تحتاج مهارة علمية (IT) مثلا ماتعيق الماستر, واقعا يكون افضل بس العقبة تجي لما القسم يكون اغلبة اجانب, هم الماستر ممكن يفتح باب توظيف بالجامعات, واصلي التقديم على الوظائف اللي ترغبينها ونصيحتي انك اطلعي للبعثة ولو حصل وظيفة اقطعي البعثة وارجعي, ترا محد مطالبك باي شي اذا ماكملتي, اخيرا خليكي مطلعة على مواضيع الشباب هنا لانه ماشاءالله عليهم دايم متابعين للسوق وانا استفدت كثير في التقديم من المواضيع المطروحة

بالتوفيق وفالك الوظيفة

 

كنت شغال في اعمار مدينة الملك عبدالله الاقتصادية والـ Head of IT كانت بنت سعودية
أنصحك تقدمي عليهم أو الشركات اللي زيهم, يعني ماتفرق بين البنت والولد في التوظيف, لأني أعتقد ان مشكلتك انك بنت أكبر من سالفة تخصصك أو انك over qualified

بالتوفيق

 

السلام عليكم,
اذا تخصصك IT انصحك تقدمين و تركزيين على شركات الIT مثل Dell, HP, IBM و بنوك و غيره. معظم هاذي الشركات مقرها الرياض. بعديين قدمي على الشركات الثانية مثل GE, Schlumberger و غيره.

انا عن نفسي افضل تاخدين خبره اول بعدين ماستر, و اذا حصلتي وظيفة ممتازه انسي الماستر نهأيا, لانه ما ينفع في السوق السعودي و لايفرق بين جامعة و اخرى الا للمجال الاكاديمي.

المجال مفتوح للبنات باذن الله, بس صحيح بنسبة اقل.

بالتوفيق,

 

نفس الحالة
قريب اتخرج انشالله من امريكا هندسة ميكانيكية
وجالس اقدم على الشركات وللحين ماكو حس ولا خبر
فمحتار بين تكملة الماستر او ارجع الى ان احصل وظيفة

 

لازم تصارحي نفسك هل بالفعل تريدي المجال الاكاديمي، على حسب كلامك انك حاصلة على مرتبة الشرف ما شاء الله و متخرجة من جامعة رائدة يعني ما شاء الله المجال الأكاديمي بيكون ممتاز لكي. نصيحتي لكي تفكري جديا بالمعيدية حتى تضمني الوظيفة بعد الماستر أو الدكتوراه. في النهاية القرار هذا ماحد يقدر يساعدك فيه أكثر من نفسك استخيري و توكلي على الله و لا تفقدي الامل في الله. بالتوفيق

 

بصراحة ما شاء الله تبارك الله من الناحية العلمية ما عليك كلام
خريجة جامعة توب في كندا و مرتبة الشرف و شهادات مهنية متميزة و لغة إنجليزية و تخصص حاسب مع بزنس
وش بقيتِ ما شاء الله

أنا مستغرب كيف ما لقيت وظيفة إلى الآن ؟
قد يكون فيه مشكلة في السي في .. قد تكون إفادتهم عن السي في حقتك مجرد مجاملة
أو قد يكون السي في فعلا ممتاز و لكن مثلا لك طلبات معينة ما تناسبهم .. ما أدري أنا قاعد أحاول أفكر بصوت مسموع
هل عرضت السي في على أشخاص ثقة و ذوي خبرة و رأي ؟

لعلها خيرة و لعلها مسألة وقت و إن شاء الله تلقين الوظيفة اللي تناسب مؤهلاتك و طموحاتك
أنا أقترح الدخول لعالم اللينكد إن www.linkedin.com و البحث عن الأشخاص أو المجموعات المناسبة
و كذلك استخدام مواقع التوظيف مثل www.bayt.com

وفقك الله لما يحب و يرضى​

 

بالنسبة للماستر،
أنت أدرى بظروفك
و لكن إن رأيت أن تكملي الماستر ، فأنا أنصح بالبحث بعناية عن برامج ماستر لديها طابع مهني أكثر أو تطبيقي أكثر و هذا ممكن تعرفينه من خلال كورسات البرنامج و مجالات البحث في القسم الأكاديمي الذي يتبع له البرنامج و من خلال السير الذاتية للدكاترة و المشاريع التي يعملون فيها ... الخ​

 

انا ارشح التوظيف لنقطتين مهمة ....

1- سعر البترول و ممكن يضر او يوقف برنامج الابتعاث
2- الخبرة لان اذا مافي خبرة التوجه راح يكون اكاديمي

اما من ناحية الوظائف .. لازم نتوكل على الله و ناخذ بالاسباب و نعرف اسباب الرفض او التجاهل .. طبعا تخصص علوم الحاسب مرغوب جدا في ارامكو حسب ما اشوف من حولي اللي توظفوا .

جربي التقديم عن طريق الانترنت و التحديث بشكل يومي و شوفي دورات كمبيوتر ممتازة للخبرة و يعطي انطباع للشركات انه مهما كانت ظروف الخريج .. مع ذلك ما وقف تطوير تخصصه و تفكيره ..

فيه شركات حلوة مثل Johnson controls, BAE systems, EY, Pwc, Yasref, ....