سؤال لكل خريج او من ع وشك التخرج ( ياريت 5دقايق من وقتك) ... :)

أولا الله يوفقك أخوي فوق كل أرض و تحت كل سماء ...
ثانيا : أنا طالب على وشك التخرج من جامعة الملك عبدالعزيز - هندسة ميكانيكية
التخصصات اللي عليها طلب باستمرار و راح تحصل وظيفة محترمة بعد ما تتخرج ( بعد إذن الله و توفيقه قبل كل شيء ) هي : هندسة ميكانيكية - هندسة كهربائية هذان التخصصات لا غنى لأي شركة عنهما مهما كانت ها الشركة ...

و كلمة أخيرة أحب أقولها لك أخي الكريم المعدل ثم المعدل ثم المعدل ... حاول ترفع معدلك قد ما تقدر لأنك راح ترتااااااااااح في السنوات الأخيرة ( من واقع تجربة و ليس من فراغ ) ...

و لك تحياتي و خالص تقديري و احترامي ,,,

 

كل التخصصات حلوة اذا اجتهدت بس

 

وش الفائدة اذا كان الاكثر طلب مثلا الهندسة الميكانيكية وانت ماتحب مثلا الفيزياء او مواد الهندسة الميكانيكية
وبالاخير تدخل التخصص على انك بتبدع فيه وتجيب معدل عالي .. وتنصدم في مواد انت ماتحبها وبالاخير تطلع بمعدل منخفض .. وحتى لو توظفت راح تتوظف وانت كاره العمل لانك تشتغل في شي انت من الاساس ماتحبه

اهم شي في اختيار التخصص .. هو الرغبة وتقبلك للمواد الي راح تدرسها

انا دخلت هندسة كهربائية على كلام الناس وان الكهرب صاحبها يتوظف على طول .. وضغط من اخوي الي يعمل بسابك والوالد كذلك ... ممكن هالكلام صحيح ان مهندس الكهرب نسبة الوظائف له اعلى بكثير من الباقي .. لكن وش النتيجة .. تخرجت من الفرشمان وانا على وشك اخذ انذار وكله بسبب مواد الفيزياء 101 و 102 والكميستري .. والمشكلة اقل درجة اخذتها في فيزكس 102 الي اغلبها تتكلم عن الكهرباء الي هو كان تخصصي

بعد جلسة مع نفسي وبحث بسيط عن بعض التخصصات .. عرفت ان الي بيناسبني هو تخصص الهندسة الصناعية .. وقبل احول رحت للدكتور فؤاد السني رئيس قسم هندسة النظم وعطاني معلومات حلوة عن التخصص وطبيعة المواد .. والحمدلله انا الان قريب جدا من مرتبة الشرف واسعى لها ان شاء الله

انا يمكن باقي على التخرج سنتين لكن تكلمت لك من واقع تجربة

لا يهمك الراتب و لا يهمك كثرة الوظائف .. لما تلقى تخصص يناسب رغباتك .. راح تبدع فيه ان شاء الله وتلقى وظيفة وتستلم راتب .. واهم شي انك تدوام ونفسيتك طيبة


لكن بما انك سألت راح اجاوبك .. الوظائف المطلوبة على حسب يوم المهنة الاخير واذا عندي غلط ياليت يصححون لك الشباب .. بالترتيب

1- الهندسة الكيميائية
2- الهندسة الميكانيكية
3- الهندسة الكهربائية


والله يوفقك

 

احلى كلام , لأن الي قلته ينطبق علي انا بعد
انا حولت من هندسة كيميائية (الي الطلب عليها قوي) الى التخصص الي عاجبني من دخلت الجامعة وهو هندسة الطيران (الي وضعها مقبول نوعا ما) بنفس الأسباب الي ذكرها الأخ لافت نظر ومرتاح نفسيا ولا افكر بهم الوظيفة لأن الأرزاق كلها بيد الله في النهاية...
عموما انت استخير هذا اهم شي

 

يا كيمو

انا بتكلملك عن احصائيات

في يوم المهنه السنه اللي راحت << اليوم اللي يكون فيه التقديم عالشركات

كان اكثر تخصص مرغوب هو المحاسبه القانونيه

والتخصص الثاني كان الاداره الماليه <<

وبعدهم تجي التخصصات الهندسيه

اللي ابغى اوصله ... انه باين عليك انك متخبط

لا تشغل بالك بهالشي انت ادخل السنه التحضيريه وفي ماده study skills

اذا درسك الزعبي فبها ونعمه او حاول تروحله مكتبه

لانه يسوي اختبار اختيار التخصص لطلابه

انا جاي الجامعه وحاط في بالي ادخل هندسة بترول

لكن بعد الاختبار ونصايح ناس متخرجين من الجامعه ومتوظفين تخصصت في كلية الاداره الصناعيه

انا ما اقولك روح للتخصص الفلاني .. بس ادخل التخصص اللي تستمتع فيه

 

لافت النظر

حكم والله حكم ! وأنا على هالأساس بختار

+

أخوي صاحب الموضوع حاول توازن بقاعدة ( رفق ) طلع معدل بين الرغبة و القدرة والفرص الوظيفية

 

وعليكم السلام ورحمة الله وبركاته..

أهلا وسهلاً أخوي..

عندما تعمل في ما تحسن سوف تنتج..

وعندما تعمل في ما تحب شوف تبدع..

ليس المهم التخصص بل قدرتك على الإبداع و التميز والتطوير فيه..

الوظيفة رزق من الرزاق فلا تهتم كثيراً بها..لأنها ستأتي إليك راغبة بك و بإنجازاتك..

يوجد إصدار جميل لحبيبي أ.صلاح البلالي المدير التنفيذي لشركة توطين للتدريب عن اختيار التخصص الجامعي..أنصحك تسمعه وتطبق التمرين الملحق بالإصدار..

بالمناسبة..صلاح من خريجي البترول..









وعلى التميز في التخصص نلتقي..​

 

1- الهندسة الكهربائية
2- الهندسة الميكانيكية
3- الهندسة الكيميائية

 

انت ادخل الجامعة على خير وخلص اول سنة واختار التخصص اللي تحبه اكثر .. وراعي في اختيارك انه يكون مطلوب

اختيار التخصص بيكون بعد سنة من دخولك الجامعة

يعني لا تشيل هم

 

أشك بالترتيب
أتوقع أن الميكانيك فالكهرباء ثم ــــــــــ الكيميائية

 

أنت شد حيلك أخوي وشوف وش إكثر شي تميل له .. يعني إذا لك ميول في تخصص معين ممكن تبدع فيه أكثر ..

بالنسبة لحاجه سوق العمل ماتقدر تحكم في خلال الـ 5 سنوات الي انت جالس تدرسهآ .. يعني في سنة من السنوات جا طلب كبير من ارامكو على هندسة البترول والجيو .. وبسنه جا طلب على الهندسة الكيميآئية هذا الشي يعتمد على حاجه الشركآت في مشاريعها المستقبليه ..

من وجهة نظري الشخصيه ( ولا إقصد إبدا ان أقلل من قدر اي تخصص ) .. غالبا إكثر الإحتيآج يكون بالنسبة للهندسة :

1- هندسة ميكانيكية .
2- هندسة كهربائية .
3- هندسة كيميائية .

وبالنسبة للإداره : المحآسبة وتقريبا التسويق .. على حد علمي .