السلام عليكم و رحمة الله .. عندي مناسبة مهمة بعد فترة و أحتاج خياط كويس للتفصيل .. في الرياض أعرف فيه خياط أسمه "مشار" و خياطته و تفصيله ممتازه ! هل له فرع هنا ؟؟ و هل فيه خياط مثله أو أفضل ؟؟ موفقين
وعليكم السلام ورحمة الله وبركاته اعرف خياط مشهور بس مالي علم اذا له فروح في الدمام او اقريب من هنا وهو خياط الشباب ممتاز مره لكن سعره شوي فوق الافرج >> مسوي دافور ض1 انصحك فيذا المحل اذا له فرع هنا
وعليكم السلام ورحمة الله وبركاته حي الله كورتكس ما اعرف خياطين هنا لكن بحثت بالمنتدى ولقيت لك مواضيع مرتبطه بسؤالك تفضل http://www.stkfupm.com/vb/search.php?searchid=784360
بعد إذن صاحب الموضوع: يا شباب أبي مكان ممتاز يبيع أقمشة ثياب فاخرة .. واللي يعرف نوع فاخر (واللي يكون فيه لمعة خفيفة) من الأقمشة يسدح اسمه ..
خياط النيل اطلع من البوابه الرئيسيه ومن عند الاشاره لف يمين على طريق الظهران ( طريق الملك عبدالله) امشي سيدا لما تعدي النفق الي ماراح يخلص , اول اشاره تجيك هذي تقاطع طريق الظهران مع الملك عبدالعزيز, لف يسار وادخ مع اول لفه يمين وامش سيدا, بتعدي اكثر من تقاطع , بيجيك خياط النيل على يسارك على زاويه
عن نفسـي افصل في الريـاض واعتقد انك من الرياض ولذلك بقول لك: الأقمشـة اشـتريها من الجـديعي بالمـررررة كويسة وفـاخـرة واروح افصـلها عند خياط بالـروضة (تفصيله كووووويس وموب غاالي كثير) واحيـانا اذا القمـاش بالمـرة غاالي اروح افصصـله عند مشـار ويكـون فيه فـرق في الخيـاطة ، مو لأن خيـاط الروضة مششي حالك .. بل لأن خياطة مشـاار اكثر من كويسـة اما هنـا للأسـف ماأعـرف
بالنسبة للخياط بما ان عندك مناسبة فأنصحك تفصل عند " التاج الملكي " شغلهم مررة رهيب ، اسعاره شوي فوق الافرج على قولت أبو علي ( من 220 وانت طالع ) مكانه في شارع الملك عبدالعزيز .. نصيحة خذلك القماش من ريتشي أو الجديعي وكلها في الشارع المقابل له والتفصيل فصل عنده لان يمكن ما تلقى القماش الي يعجبك عنده :/ عندك ايضا " بلان " مثل ما قال اخونا %hlali@madridi% تفصيله ممتاز
عند خياط ابراج الكويت ممتاز في الراكه انا متعمل معه اسعاره وسط عند غالي ورخيص على حسب نوع القماش يعني رتشيي على 240 بنتلي 200 هو في الراكه الشارع التجاري يعني تطلع من البوابه رائسيه بعدين سيده الى اشارة لكزس بعد يسار سيده لين نادي الاتفاق يكون على يسارك تاخذ مع خدمه بعد مع دله يمين مع اول اشاره يسار تمشي مع شارع الى اخر بتلقيه يمين في زوايه بعد صيدلة الدواء
بلان على امتداد شارع البيبسي يجيك على اليسار والظاهر بعد اول اشارتين ,, بالضبط ما ادري وين لكن خل وجهتك الكورنيش والجامعة تصير وراك .
متّرت شارع الببسي ما حصلت بلان ! و سألت خياط هناك يقول ما فيه فرع على ذا الشارع (و كأني فهمت ان ما فيه فرع بالخبر كمان ). نستقبل الاقتراحات كمان و كمان