أخوكم جاب صفر في EE203

لازم تحل مسائل قد ما تقدر وممكن تتواصل مع مدرسي تطبيق فهيم والكتاب اشوف انه يستهلك وقت فلو تركز على المسائل وطريقة الحل يكون احسن

 

تشابتر ٢ عبارة عن تحليل دوائر مثله مثل EE 202 بالضبط ، اللي يفرق معك هو وجود الـ OpAmp. بعد كذا المادة تتغير.
إذا بتذاكر من الكتاب بتتعب ، خصوصا لو ما فهمت مع الدكتور. ضروري تفهم مع أستاذك كويس ، تراجع المادة بشكل يومي وتشوف الأمثلة اللي يشرح عليها ، تحل الهومورك بنفسك بعد.

طبيعة مواد الالكترونكس ما فيها تعقيد في التحليل ، لكن الكونسبت بحد ذاته دسم ويحتاج دكتور كويس في إيصال المعلومة ، ومثل ما ذكرت لك مراجعة يومية.

 

بنقل لك تجربتي في هذي الماده يا صاحبي, طبعا ع العموم اذا كويز واحد جبت فيه صفر لا تشيل هم ما بيأثر كثير ان شاء الله.

انا في البدايه كنت اذاكر من الكتاب و احاول افهم الكونسبت كويس, و قبل اول ميجر جلست اتدرب ع الاولد اقزام.
المهم اني عيدت بميجر 1 و اذكر اني جبت حول 54 و الافرج اذكر حول ال 70.

الميجر الثاني غيرت طريقة الدراسه صرت اركز ع اسالة الكتاب و احلها كلها, بعد ما احل اتاكد من الحل من المانيوال سلوشن. و احل وحده او اثنين من الاولد اقزام.
و اظن كنت احل من الادشن القديم لانه الكتاب الجديد ما كان له مانيوال سلوشن.
الزبده ميجر 2 طلعت ب 84 و الافرج اظن كان تحت ال 70.

قبل الفاينل لاحظت انه اغلب الاخطاء حقتي كانت في عدم فهمي للسؤال بشكل مناسب.
المهم الفاينال ذاكرت مثل مذاكرتي لميجر 2 و كنت اي سؤال احس اني موب فاهمه اسأال الدكتور
و الحمدلله الفاينل اذكر كنت اعلى درجه بالكلاس