أريد آراؤكم بكل تجرد عن الفيزياء و قسم الفيزياء ..!!!

المشكلة تكمن في :

1 - المدرسين اغلبهم موب ذيك الجودة يعني لدرجة لو تفصل البروجكتور او تاخذ الورقة اللي فيده يضيع . ( مو كل المدرسين )
2 - المادة مايبغالها شغل ابو قبل الميجر باسبوع .. لازم اول باول
3 - المياجر يجيبونها حريقة .. اقل شيء خليهم يجيبون 10 اسئلة (one or 2 steps at most ) والباقي خليه لعيال الاي بلس .

and your safety >> يعني وسلامتك

 

المادة صعبة لكن مو مستحيلة، الي بيشد حيله بيجيب قريد
مشكلة ان اغلب الطلاب اذكياء لكن مايذاكرون، طبعا
المشكلة الكبرى الي هي الاستاذ ،

لان الفيزياء صعبة فاغلب التحصيل العلمي يعتمد على الاستاذ
لكن للاسف المدرسين الي موجودين موجودين لانه عندهم
بحوث واختراعات وكأن الجامعة صار مركز للبحوث وليست للتعليم

حاول تركز مع مدرسك او احضر مع مدرسين كويسين وفالك التوفيق

 

1-مادة مثل الفزكس تحتاج مدرس شريح

وللأسف الأغلبية ما عندهم قدرة يوصلون المعلومة

2- المنهج طويل وكل أسبوع مغطي تشابتر

ما في وقت كافي لحل مسائل كافية بالمحاظره

3- الفزكس هي المادة الحقيقية الأولى بجامعة البترول أغلب الطلاب إلي يدرسونها جايين من الأوريا
وفي فرق كبير بين الأوريا والجبل فيتأقلمون على على حساب هذي المادة

 

الرد متاخر جدا ولكن نفيد الطلاب

هل هي من الدكاترة ؟
نوعا ما. انا اشوف مستوى الشرح دون المستوى (رأي)
طيب اذا المشكلة من الدكتور ليه ما تعتمد على نفسك في المذاكرة ؟
تقدر تعتمد على نفسك والامور مشت معي
او الكتاب سيء؟
خلصت المادة زمان بس ما اذكر اني كانت عندي صعوبات + انا ذاكرت من الكتاب بس ومذاكرتي ماكانت كثيرة وطلعت بقريد ممتاز.
او المشكلة من لأسئلة حقتهم و الإختبارات اللي يحطونها؟
انا صراحة ما اذكر تقيمي للاختبار عموما لكن اذكر انه كان في حول 2-3 اسئلة بمستوى قريب من المستحيل وواحد من هذي الاسئلة بعض الدكاترة ماقدر يحلونه (حسب كلام دكتوري) وهذي النقطة شوي غبية صراحة
طيب كيف اللابات حقتهم؟
صراحة ماله داعي مجرد تضيع وقت بدون فائدة او متعة. نوعا ما غثيث.
وهل من العدل يحط اللاب افرج او ستاندرد؟
مو عدل بس مفيد اذا جاك دكتور مريض وبغا يعدمكم في الدرجات هنا تجي اهميته يحميكم.
طيب المتريال صعب متوسط سهل ؟
انا اشوفه وسط
المتريال يمديك تطبقه على ارض الواقع؟ يعني تتحمس لما تفهم شيء؟
هنا ما اعرف افيدك صراحة
او ان المشكلة ان اللي قبلنا قالوا صعب و احنا " مع الخيل يا شقرا" ؟
شوف في هذي النقطة كمية كبيرة من الطلاب كانو يعتبرونه جدا صعب. لكن ابغا اوظح نقطة مهمة. الكلام هذا لايهمك لأن السالفة فيها موضوع الذوق. فانا مثلا طالب جدا عادي او حتى اقل. وقت اخذت المادة معدلي كان حول 2.4 ولكن جبت في المادة B+ ولو جبت درجة وحدة اعلى كان اخذت قريد اب وسرت A (حرام).
المادة بالنسبة لي متعة. كنت انا جدا استمتع فيها لما اذاكر بس ماكنت اذاكر بشكل يعتبر كثير. اعتقد الموضوع هو كيف تشوف نفسك مع فيزياء الثانوي. لانه بالنسبة لي مافي اي تغيير. كنت احب الفيزياء من الثانوي واستمتع فيها وما حسيت تغيير في المادة.
هذا قصدي انها مادة حسب ذوقك. ولا انكر انها عكس ذوق اغلب الطلاب.

ملاحظة: في حال اعجبتك المادة وقررت تتخصص فيها فتراك تسوي غلطة عمرك. تخصصات العلوم الطبيعية بشكل عام لها ازمة بالتوظيف(عدا الحاسب) بس الفيزياء اشوفها في التوظيف هي الاسوء بين السيئين فلا تتخصص فيها

ردي متاخر بضع سنوات واعتقد انك تخرجت ولكن عسا يفيد الطلاب الي بيقرون الموضوع بعدين