أسباب الإحباط\الاكتئباب من الجامعة

أكبر سبب للأحباط من وجهة نظري هو نظام الأفرج الظالم في الجامعة ..
بالأضافة الى تعامل الجامعة مع طلابها وكأنهم موب بشر الا مكائن ماتتوقف عن العمل

 

ببساطة طلاب ما يذاكرون ولا يجتهدون بعدين يجيبون العيد ثم يبدأ في التباكي وانه مظلوم وفيه مؤامرة عليه من خالد السلطان شخصيا .. وفي النهاية يصدق نفسه ويكتئب

 

ارجوك لا تعمم يا اخ fody .. في طلاب كثير يذاكرون ويجتهدون ويشدون حيلهم عالأخر بس في الأخير مايحصل نتيجة.. او يحصل نتيجة بس ماهي مرضية أو قد الطموح أبدا .. المفروض اللي يذاكر ويهتم اقل شي يضمن C في المادة الواحدة مو يجلس يتعب ويهتم واخر شي F ولا D ???

 

تراكم مكبرينها !

تبغى شهادة قوية وانت قاعد مكانك بدون جهد ؟ ايش الاستهبال ذا

الجامعة صعبة ؟ لا , بس جادة بالدراسة على عكس الجامعات الثانية

جرب تذاكر اول باول وكمان*تففففففففلها* وتبطل هياط وتنزل ساعات على قدك بتلاقي معدلك زي اللهب

14-12 ساعة والحمد لله خلاص !

اطلع كل ويكند غير جو وتممممرن واهتم بجسمك

خليك متفائل دائما و حافظ على صلاتك

واصعب مادة في الحياة لازم تلاقي كم واحد جايب فيها a+ ايش معنى انت لا ؟

مكبرينها واحباط وشغلة مدري على ايه


وتذكر *التفوق مو معناه تذاكر طول الوقت*

موفقين

 

ما قد سمعت في حياتي واحد يذاكر ويجيب f

اذا مرة مرة فاهم المنهج كله بس خبص جاب سي ولا سي بلس

لكن f كثر منها !

 

بالزببببببببببببببببببببببببببببببببببببببببببط 1000000000+

 

انا شخصيا سبب اكتئابي الطلاب السبايك

 

أول سبب للإكتئاب هو المقارنة
شخص خارق الذكاء قريداته ستريت ايز بمجهود معين
وأنت صاحب ذكاء متوسط تحتاج المجهود المعين . X لاكن تقلده وتكتفي بالمجهود المعين حقه
وبالاخير قريداتك ستريت ديز هنا تصير مشكلة
نفس الكلام لو انك رجل عضلي بتشيل شي ثقيل بسهوله لاكن هو رجل هزيل مايقدر يشيله بسهوله
الفروقات العقلية موجودة لاكن كونها غير ظاهرة ماينفي وجودها

 

شباب والله خوفتوني يعني تقولون إنه الجامعه مي كويسه انا بالمدرسه ماعمري نسبتي نزلت عن 98% وتخرجت بمعدل 99.38% قدرات 85 تحصيلي 75 لكن ما احس إني تعبت فيها الدراسه كانت سهله والمدرسين متعاونين وانا احب مادتين الإنجلش والأحياء وكنت ابي طب وقدمت ع كل الجامعات وإنقبلت فيها كلها لكن لظروف إنجبرت اروح للبترول مع العلم إني اكره شي إسمه رياضيات وكيمياء واحب الفيزياء ممتعه ولازلت اتحسر في داخلي على إني مارحت للطب لأنه محد شجعني ابدا فسؤالي بإيش تنصحوني وهل البترول سيئه لهذا الحد ومعقده اسئلتهم وإش يعني gpa و الأفرج ؟

 

وانا خايف من الدوافير إحتمال احط لهم سم ههههههه لأني إنسان غيووووور ومنافس لأبعد الحدود لكن ماني حسود احب المنافسه فقط فأعتقد إنه اكثر سبب راح يسبب لي الإكتئاب اشوف واحد جايب درجات كامله وانا لأ وإنه هو تحت الأضواء بعد ما إعتدت على ان اكون انا من الطلاب المميزين والجميع يعرفني لأنه قدراتي بالرياضيات متوسطه وتجيب لي الصداع ع طول

 

اذا كانت رغبتك شي .. ودخلت شي ثاني .. الله يعينك ويقويك ..
الافرج معناها .. متوسط مجموع درجات الطلاب
gpa معناها .. معدل .. طبعا جامعتنا من 4

 

لسا بدري عل تحسر عندك مجال تحول طب و تدرس الي نفسك فيه وبالنسبة لمحد شجعك ما عليك في الناس وكلام الناس انت الي حتشتغل وانت الي حتدرس و بعدين راح تتعرف على ناس بيدرسو طب مثلك تشجعوا نفسكم عل دراسة

ولو خايف تتاخر عادي اتاخر ترم او سنة ولا تقعد في مجال انت ما تتمناه طول حياتك

 

عزيزي أنت نفسي بالضبط ونفس كثير من الطلاب هنا في كونك تحب تكون من المتميزين وما ترضى بالنجاح دون التفوق،إذا كان عندك شعور المنافسة هذا فبإذن الله بتفلح بالجامعة.
بالمختصر:مما لاحظته،الفرق بين الطالب الي يجيب +a واللي يجيب c،هي الهمة والهمة فقط ثم تأتي قدرات الشخص.

 

اعذرني،يجب أن تصحح من نفسك أن تعتقد أن تفوق غيرك عليك يسبب لك اكتئاب هذه مشكلة أنت أول من سيعاني منها!المنافسة لن تحيل أبدا للاكتئاب!المنافسة متعة حتى الإخفاق يعطييك حافز و دافع!..غير نظرتك للأمور

 

صراحه بعد كلامكم هذا شكلي بطلع برا

 

السلام عليكم
اخوي صاحب الموضوع انا متاكد ثلاث ارباع الي اشتكو لو راحو جامعه بنفس الضغط بيقولون نفس الشي. سبب الكئابه رغم اني ماكتئبت ولله الحمد وانا احد خريجي هالجامعه هو الضغط ماقدرو يوازنون وقتهم مع الضغط ومع احتراماتي جايين من نظام ثالث ثنوي مدرس يحطبه الاسئله بالاختبار يعطيهم ورقتين قبلها يراجعون لها لكن حقين الوزاره قبل ثالث ثنوي كانت ضغط جدا فلما دخلو الجامعه انضغطو زياده اكيد بس مو بقدر خريجين المدرسين. يعني اختصار للكلام الي فوق الضغط فقط مافيه ظلم دراستك وجدك واجتهادك وقبلهم اعتمادك على الله هم الي بيساعدونك وتنظيم وقتك معليش ترا تفرق شخصيات اغلب الخريجين عن غيرهم بالانضباط وتنظيم الىقت وتحمل الضغط. وترا هذي اشياااء اساسية جدا بالوظيفه تحياتي لك. ودعواتي للجميع بالتوفيق

 

لازم تعرف ان الي يكتب بالمنتدى الاقلية من طلاب الجامعة واغلبهم محبطين

وعندك ما شاء الله في طلاب يتخرجوا بمراتب الشرف

مافي شي مستحيل ولكن لازم تتعب عشان تاخد الي تتمناه

انت لسا ما دخلت الجامعة ولا جربتها وحكمت على كلام طلاب ما قابلتهم ولا عرفت مستواهم وخليتهم يغيرو قرارك في شي راح يبني مستقبلك

اعد التفكير وابني قراراتك المستقبلية بالشكل الصحيح

 

أنا متخرج من الجامعة صارلي أكثر من سنة ، وجالس اشوف كلامكم وأحس اني تخرجت من جامعة ثانية ؟

وراكم منفسين

 

الجامعة تصلح للشخص البيتوتي والي تخالط شخصيته بعض الانعزالية ......
لان الحصول على معدل حلو يتطلب قضاء كثير من الوقت من اجل المذاكرة

كنت في الجامعة من قبل ... وبحكم اني لست من اهل هذي الشخصية+ضغوط خارجية =هبوط في المستوى الدراسي + احباط شديد ==> تحويل من الجامعة


قارن بين الماضي والحاضر :

درست في KFUPM مادة Chemical Engineering Principles1 والي هي عباره عن Mass Balance+Ideal Gas Equ

بالرغم من مذاكرتي الجيدة لكن الضغط النفسي والمشاكل اثرت كثيرا على استيعابي. واخذت F


بعد تحويلي لكلية الجبيل الصناعية واكمالي فيها للبكالوريوس درست مادة Mass&Energy Balance+HYSYS في كورس واحد والي تعادل Chemical Enginering Principles1+2 في الجامعة .


الحقيقة .. الدكتور شريح أبعد حاجة ( كان طالب الدكتور Peng خوي Robinson حقين معادلة ال Equation of State)
ومع نفسيتي الي مره مرتاحه ( سياره + اخويا فلة وحقين دراسة بعد ومو زي بعض شباب البترول تدرس ترم كامل حتى السلام لامر من جنبك مايسلم ) ... بديت ابدع بالمادة فعلا وصرت استمتع لما نحل ونحل ونحل يمكن تقريبا 60% من اسئلة كل شابتر .... لدرجة حاولت اقارن مدى فهمي للمادة فاخذت اولد اكزامس من الجامعة (وانصدمنا انها طلعت تافهة) مقارنة بالاسئلة الي كانت تجينا .. والحمدلله .. من F in KFUPM الى A+ in JIC

نفس الشي بالنسبة للثيرمو دينامكس لكن كان الجهد اكبر بكثير ... ومتعب ومضني ولكن الحمدلله اخذت القريد الي براسي


خلاصة القول .......البيئة الدراسية +الاجتماعية داخل الجامعة +شخصيتك تؤثر على مستواك داخل الجامعة