أستفسار بخصوص أستقالة و أخلاء طرف

ممكن تشرح السالفة زين لاني مافهمت وش المطلوب ؟
الله يعينك اخوي

 

عزيزي
أول شيء انت مستقيل لو مفصول

 

عزيزي أولا الله يعوضك خير

بخصوص استفسارك لازم تكون مقدم استقاله عشان تسجل في التأمينات انك مستقيل, أما اذا كانوا فصلوك لازم يبين مذكور هذا في التأمينات بحيث انك تستحق نظام حافز. (طبعا أفضل لك انه ما يكون في سجلك في التأمينات أنك مفصول بحيث انك لو بغيت تروح لشركة ثانيه ممكن يشيكون وضعك في التأمينات وكلمة "مفصول" مو من صالحك, وممكن ما يقبلونك بسببها.

بالنسبه لورقة المخالصة ما أدري إذا تكون قبل أو بعد الأستقاله (أعتقد بعد الأستقاله) بس هي ورقة قانونية تحفظ حق الشركة بحيث انك ما تطالبهم في المستقبل, من الآخر ما استلمت حقوقك لا توقع المخالصه وطالب بحقوقك بعدين وقعها.
طبعا فيه مده محدده من وزارة العمل مو متاكد كم بس اعتقد اسبوعين لازم خلالها الشركة تسلمك جميع حقوقك بعد الاستقالة..

وبالتوفيق ان شاء الله

 

اخوي انتبه دايم بالاوراق حقت المخالصه واخلاء الطرف انت تكون الطرف الثاني! دائما الشركه الطرف الاول وانت الطرف الثاني ف انتبه تخربط بينهم اذا لقيت مطلوب بناء على طلب الطرف الثاني! لاتوقع نهائيا عشان ماتخسر جميع حقوقك! ب اختصار لاتوقع على أي ورقه لحد مايسلمونك جميع حقوقك وهي راتبين وربع وقيمة الاجازه السنويه اذا ماخذتها لان الاجازه السنويه مدفوعه لك!

 

بخصوص الاخ الي يقول كلمة "مفصول" مو حلوة، بالعكس اضمن انهم يغيرونها لمفصول افضل لك من مستقيل.
على الاقل لما تدخل مقابلات ثانية ما تنحرج انك استقلت عشان تقعد في بيتكم.
واي احد يسالك عن سبب الفصل تقدر تعطيه الاسباب، مثل ظروف الشركة وغيرها من الامور.
لا توقع على اي ورقة الا لما تتاكد انهم يكتبون سبب غير مستقيل عشان مثل ما قالوا الشباب تضمن حقوقك من تعويضات ورواتب. اعتقد في كلمة ثانية غير مفصول تستعملها الشركات.
بالتوفيق عزيزي
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ