أشياء تعلمتها في ترم 153

1-لأأتوقف في مواقف مبنى 19 وأنت معك أستيكر أخضر هههههههههههههههههههههههههههههههههههه

 

1 - تركيزك على الدراسة حاول إنه ما يلهيك عن تطوير نفسك والمهارات الشخصية .. و إذا كنت ضعيف في جانب معين لا تعتقد إنك راح تتطور مع الوقت بدون ما تحاول .


2 - الجامعة ممكن تكون ممتازة في الأمور الأكاديمية لكن في الأمور الإدارية فيه تقصير من بعض الإدارات وإذا أحسنت الظن بقول عن الوضع سوء تنسيق والمتضرر الوحيد هم الطلاب وفي الجامعة اذا عندك معاملة لازم تتابعها بنفسك لأن في ناس ماتبي تشتغل واذا اشتغلت جابت العيد وعشان ما اظلم البقية فيه ناس تشتغل ومتعاونة لكن الي مايشتغلون عددهم مب قليل .


3 - في الشغل والدراسة .. لاتنتظر شكر أو مدح أو احد يرد الجميل , سو الي عليك واحسن لغيرك ولاتتوقع انك راح تحصل نفس المعاملة لو احتجت المساعدة من نفس الشخص الي ساعدته ! وتذكر ( خير الناس أنفعهم للناس ).


4 - في الفريشمان والسفمور مثل ماتركز على الدراسة حاول تطلع على تخصصك هذا الشيئ راح يخليك متحمس لدراسة تخصصك و تكون فاهم ويسهل عليك استعياب مفاهيم جديدة بالنسبة لك .


5 - الشركات لما يتوظف او يتدرب عندها شخص و يكون مستواه عالي ومجتهد .. هالشي يشجعها إنها تفضل خريجي او طلاب الجامعة الي متخرج منها الموظف المجتهد ... فنصيحتي يا شباب في التدريب أو الوظيفة حاولوا تعكسوا صورة طيبة عن الجامعة وتجتهدوا في الشغل لأن هذا الشي راح ينفعك في الشغل اول شي ونفس الوقت راح يفتح فرص توظيف أو تدريب لبقية طلاب الجامعة و العكس صحيح .. بعض الشركات ألغت برامج التدريب او غيرتها بسبب تصرف من شخص او اهماله والصورة السيئة الي خذوها عن طلاب جامعته .


6- في الجامعة 3 فرص لاتضيعها : 1- التبادل الطلابي 2- التدريب الخارجي ( لو حصلت لك شركة ممتازة ) 3- الزيارات الدولية. راح تستفيد كثير سواء من ناحية الدراسة و الأمور الثانية .

7 - حاول تبتعد عن الروتين وتجرب اشياء جديدة بإستمرار سواء لها علاقة بالدراسة أو لا ..لأن لو ضليت ع الروتين فترة طويلة ماراح تتقبل أي تغيير حتى لو كان بسيط وفي صالحك .

 

* مافي فرق بين تنزل 14 ساعة(مادتين صعبة ولابو ومادتين متوسطة ) و 18 ساعة (مادتين صعبة ولابو ومادتين متوسطة + ما دتين او ثلاث سهلات ) بالنهاية المعدل بيكون نفسه


*تطبق الشروط والاحكام

 

1- فصل ممتع للتوحد مع الذات وترتيب الاولويات
٢- ثمار النجاح تينع اسرع من اي وقت مضى، يعني اذا اجتهدت راح تشوف نتايجها ع طول لان الاختبارات ورا بعض
٣- ابتعد قدر الامكان عن اللابات الطويله
٤- اعتبره نزهه وسفر ابتعد عن كل شي يشغلك يكون التركيز ع الدراسه وتجربه اسلوب حياتي جديد مثل النوم المبكر والغذاا الجيد الخخخ