السـلام عليكم شـباب أبـي من يـدلني على مطعـم يسـوي مفــاطـيح على مســتوى . . أو يطبخ لي الذبـيحة لحـم (يعني موب مفطح) للأسـف ماأعـرف ولا مطعـم متمــيز هنـا في المفـاطيح .. لأن أول مـرة احتـاج لهـم من يوم جيت الشرقـية وأبي مطـعم يـضضـبط لي على مسـتوى ولـزووم نـبيـض الوجـه ماأبـي أتوهـق مع مطعـم يسـوي لي أي كـلام منــتـظر اجـاباتكـم قـبل الويكــند . . وكـل ماكـان أبـكر كـان أحـسن عشـان أروح بنفـسي وأشـوف نظـافة المطعـم ويعطــيكم العــافية والله . .
مطعم البآدية .. في الثقبة شآرع مكّة .. الرقم : 8893530 أنـآ قد أخذت من عنده مندي .. و شغله مآ كآن بطّآل .. يعتبر جيّد .. يمديك تتعشى عنده و تقرر .. و عندك مطعم ملك المندي .. شغله مظبووط .. لكن مآ أدري وين مكآنه .. دعوآتك ..
مـلك المندي جربته ماجاز لي لكن بشوف البادية وفيه واحد كلمني يقول كواكب (هذاك المطعم اللي يسوي كناافة بططــلة)
قسم كان على طرف لساني يا صدى عليهم مندي جباااااااااار ,, بس نصيحه قلهم يحمروه زياده وعلى فكره في له فرع في الثقبه بس ماهوب زين as much as اللي في الدمام
. . سماء ديرتي أفضل مطعم بالنسبة لي في المندي والمظبي أحس شغله مثل مطاعم الرياض ولهم فرع بالعقربية بعد
مطبخ الدانه متعاملين معه من سنتين وطبخ رهيب والرز عنده ما يعرف الدهن ابد واتوقع انه هو الانسب خصوصا وانه قريب لك + للأسف اكثر المطابخ الزينه بغرب الدمام والمسافه بعيده وتحويلات وقرف
اشـوفكــم متفقـين على "سمـاء ديــرتي" !! يعنـــي مايحتــاج ياشبـاب أروح وآكـل منه بالأول؟ يعنـي تمـــام مـية ميـة؟ + يالـيت الوصـف لأن الـدمام مادل فيها كثـير ولو فيه لهـم رقـم يكـون أحسـن الله يعطـــيكم العــــآآفـــية والله قـسسمن بالله اني مشغول بميجـر وريبـورت وكويـز وهموركـين ولاعارف وش اسـوي مآقصـــرتو والله
تروح طريق الملك فهد ( متجه كانك رايح للمطار ) بيجيك الشارع التجاري -- لفته يمين ( اعتقد ان اسمه الرسمي طريق ابو بكر او عمر بن الخطاب رضي الله عنهما ) والله مانيب متاكد .. لكن انت اذا شفت فرع البنك الاهلي على يمينك بس ادخل من عنده ... وسيدا لين يجيك المطعم هو بيكون على يمينك . وسلامتك وانا اعرف ان وصفي ( ابو كلب ) لكن ان شاء الله ولد المطر والشباب ما بيقصرون .