أفضل جامعة لدراسة علوم الحاسب

برأيي المتواضع المعدل أهم شي, ادخل اقرب جامعة لك من ال3 (سعود,فهد,عبدالعزيز) انا من سكان الرياض والان الصراحة شبه ندمان اني ما دخلت سعود خصوصاً ان سمعة سعود هذي الفترة صارت مقاربة للبترول او على الاقل زادت عن اول مقارنتاً بالبترول, اذا انت قريب من اهلك وماعندك مشوار كل ويكند(12 ساعة كل ويكند بالنسبه لي) صدقني معدلك راح يكون افضل خصوصا ان الجهد اللي بتبذله عشان تجيب معدل 2.5 هنا بيجيب لك معدل 4-4.5 في سعود (برأيي وحسب ما اسمع من طلاب سعود)
اذا انت تبي افضل جامعة من ناحية علمية بحته لتخصص علوم حاسب بغض النظر عن كل شيء اقولك انا بترول.

هذا مجرد رأي, استخر الله وتوكل وموفق إنشاء الله

 

بالنسبة لي قرب الجامعة أهم من قوتها
وعشان تقارن بين الجامعات أقرأ الخطة الدراسية ، وشف الخريجين واطلاعهم على السوق يمكن يفيدونك
في الشرقية جامعة عبدالرحمن بن فيصل أشوفها ممتازة جداً في الحاسب وتخصصاته

 

وعليكم السلام
حسب معرفتي أن جامعة الملك فهد أفضل جامعة في تخصص علوم الحاسب وهذا الشي واضح من مشاركة طلابها في المسابقات الوطنية
في الغالب فرق جامعة الملك فهد تكون في المراتب الأولى

هذا جواب سؤالك عن أفضل جامعة
أما تحديد وين الأفضل أنك تدرس فهذا شي ثاني، لكني بشكل عام أتفق مع كلام @NotLikeThis

بالتوفيق

 

جامعة الملك سعود كويسة ومنافس قوي لجامعتنا، وكذلك بقية الجامعات مثل KAU و IMSIU
عموماً زي ما قالوا الأخوان فوق KFUPM لها مميزاتها خصوصاً مع الخطط الجديدة اضافت شيء جبار لتخصصات الحاسب بشكل عام
وما راح تندم اذا جيت هنا ودرست CS
هنا الخطط الجديدة والقديمة ممكن تطلع عليها: title