أقتراح جديد نرجو الدعم.....

الأقتراح ان يكون فيه موضوع مثبت او قسم بالمنتدى كل شخص يتكلم بشكل مختصر طبيعه وظيفته ومجالات عملها واهم البرامج المطلوبة
لان الجميع متفق وخاصة من اشتغل ان فيه فجوه كبيرة بين الجامعات وسوق العمل
وان كل وظيفة تتطلب معرفة ومجالات ومهارات معينة و اتقان برامج معينة ماتدرس بالجامعات او موجوده بشكل اختياري
وطبعا حاليا الجميع يعرف وضع التوظيف ان اغلب الشركات الكبيرة الي عندها برامج تأهيل للموظف الجديد,
التوظيف فيها قليل جدا والوظايف موجوده بالشركات المتوسطة الي ماعندها خطة لتدريب الموظف ولكن اكيد انها بتقبل الخريج
الي عنده خبره ومعرفة جيدة بمجالات وطبيعة عملها:
-------
اعطيكم مثال انا عملت كمهندس ميكانيكي بشركة استشارية في مجال المقاولات (التشييد والبناء):
------------
اهم المجالات الي اشتغل فيها:
-انظمة التبريد والتكييف HVAC
-انظمة مكافحة الحريق بالمباني
-انظمة تغذية المياه والصرف وصرف المطر معنى ثاني (السبــــاكة)
-انواع الصمامات والpipes والمضخات ولو انها تدخل ضمنيا بهذا القطاع تحت الانظمة الي فوق لكن
مجالات كبيرة ولها كورسات كثيرة
-المصاعد
-وبشكل بسيط الطاقة لان لازم نوصل المباني الحيوية بمولد ديزل 6سلندر ستاند باي لو انقطعة الكهرب فجئة
طبعا هذي الانظمة وفق معايير معينة بعضها عالمية وبعضها سعودي:
مثل الكود السعودي للبناء مثلا يحدد كم ماسورة صرف مطر احتاج للسطح والخ
ومثل The National Fire Protection Association المعروف NFPA
----------
اهم البرامج الي كنت استخدمها:
Autocad
Hap يحسب الاحمال الحرارية للمبنى
Duct sizer يحسب حجم الدكت (قنوات التكييف) وفيه برنامج ثاني مرتبط فيه نسيته
وصفحة اكسل منتشرة لحساب ضخ المياه
وايضا برنامج الاكسل بذاته مهم جدا لان راح تدخل بحسابات تحتاج اكسل
--------------
دور الأستشاري:
يراقب وبعتمد ويشرف على جميع مايخص المشروع من بدايته الى نهايته
من صحة المخططات ان مافيها اخطاء ويعتمدها
يعتمد المقاول المنفذ للمشروع وحتى الموظفين
يعتمد المواد(مثل المواسير او المضخات) وكميتها وفق المخطط وسعرها والمورد للمواد
والمصنع لها ويعتمد استلامها من قبل المقاول بالموقع ويعتمد تركيبها بشكل صحيح واختبــارها
وحتى ممكن يطلب زيارة للمصانع حتى لو كان خارج المملكة (ومو على حسابه بعد)
-------
طبعا هذا الكلام كله وين موجود بالجامعات؟؟ حتـــى حبيبتنا kfupm مو موجود
على الرغم ان فيه بعض الكورسات مثل HVAC و pumping machinary لكنها اختياريه وتعرفون الطالب
يعمل حساب معدله وممكن ماينزلها يدور مواد سهله
وايضا حنى ندرس Solidwork وزي ماقلت كنت اشتغل على الاوتوكاد الي مادرسته
وبرنامج الhap ماسمعت فيه اصلا قبل الوظيفة
-------
لذلك موضوع مثل هذا كل شخص يتكلم عن اهم ماتحتاج وظيفته وطبيعتها وايضا ايش الكورسات الي موجوده بالجامعه
كإلكتف ممكن طلاب يبغون يدرسونها, الجميع بيستفيد:
-الطالب يستغل وقت فراغة ويدرس هذي المجالات قبل يتخرج ومايصير عاطل!عنده youtube او النت مليان مصادر
-العاطل ويعرف طبيعة عمل الشركات الي بيقدم عليها ويطور نفسه بمجالاتها
-الموظف (الي ممكن ينفصل وهاليومين الفصل زي السلام عليكم ببركات المادة 77 ) يعرف مجالات ثانية يلحق نفسه قبل الفصل
-المهتم الي يحب يعرف وش طبيعة عمل كل وظيفة واهم البرامج والخ...
-------------
انتهاء

 

مشاءالله مشاهدة اكثر من 120 و9 لايكات ومافيه ولا رد
يعني كلمة ولو جبر خاطر