أيهما اختار !!

صعبة احد يعطيك توقع لوضع الوظائف خاصة انك بتتخرج بعد 5 سنوات ، لأن سوق العمل متغير وممكن بعد كم سنة بعض التخصصات يقل الطلب عليها أو العكس .
لكن بقولك الي شفته بعد التخرج ،
وظائف الهندسة المدنية كثيرة وفي مجالات مختلفة خاصة لما تكون هناك مشاريع حكومية كثيرة مثل الوضع الحالي .


ويمكن يقل الطلب مثلا ماصار في 2015 إلى بداية 2017 تقريبا.

لكن في نفس الوقت الموضوع نسبة وتناسب ، صحيح فيه وظائف كثيرة لكن نفس الوقت عدد الخريجين من التخصص كبير فيعني بتكون فيه منافسة .

إن شاء الله شباب الهندسة المدنية خاصة الخريجين يفيدونك ، لكن كلامي على حسب الي شفته لما كنت ابحث عن الوظائف و في معارض التوظيف & تقريبا اغلب الشباب الي اعرفهم توظف او على الأقل دخل مقابلات كثيرة ،

لكن الأهم هو المعدل تالي خبرتك ( اقصد فيها التدريب التعاوني ، لو كان مع جهة معروفة واستفدت منها راح يساعدك كثير في التوظيف )


أما الهندسة المعمارية ، الصراحة ماعندي فكرة لكن اغلب الشباب الي اعرفهم توظفوا في مكاتب هندسية بعضها صغير وفي منها مكاتب معروفة لكن عدد كبير توظف في المكاتب الهندسية الصغيرة.


بس ارجع واقولك الموضوع متغير ، لكن في كل الأحوال نصيحة اشتغل على نفسك سواء كمعدل او فهم للتخصص او تدريب ، لأن حاليا ترا الشهادة لحالها ماتكفي حتى لو كانت من أفضل الجامعات سواء في السعودية أو برا.


الله يوفقك واسف على الإطالة