إسمه في الرجسترار
Ok Salim

 

احد يعرف عنه حاجة؟

 

888

أي شي؟؟

 

هل هو جديد؟
أفيدونا

 

يا شباب وش السالفة اي خلفية معلومة عنه؟؟

 

أنا اخذت عنده ريسايتشن كمستري 101 ، وهذا التقييم مبني على هالشي ..

التحضير :

ورقة تمر على الكلاس .. التأخير البسيط ما يدقر عليه ..

طريقة الشرح :

بصراحة مستواه ضعيف .. يجيب مسائل عنده في سلايدات أو من الكتاب ويحلها بطريقة مرة ما عجبتني .. وكذا مرة يغلط في أشياء مدري وش تبي ويصححون له الطلاب .. يعني حسيته مو فاهم صح ..
دائما يكون محدد الأسئلة من قبل والاجابة مكتوبة عنده بورقة .. يعطينا وقت نحل السؤال وبعدها ينقل الحل اللي عنده عالسبورة ويقول ، دو يو اندرستاند ؟

الكويزات : متوسطة مائلة للسهولة أغلبها multiple-choice ، ومتعاون من ناحية تأجيلها إذا فيه ضغط على الطلاب ..

المياجر: ---

الفاينلات : ---

القريد النهائي: C

الصوت:

نبرته ترفع الضغط شوي وفيه بعض الحروف والكلمات ينطقها بطريقة غريبة .. صوته لاهو عالي ولا منخفض ،، وسط

إضافات :

الأستاذ حبيب وأخلاق بشكل عام بس ما انصح فيه باللكتشر لأني أحسه مو فاهم وتوصيله للمعلومة سيء ..

 

طيب كيفه باللاب ؟

 

chem101-Recitation
Term: 101

التحضير: ورقة تمر على الطلاب، المتاخرين ما يقول لهم شي، ويخليك تطلع من الكلاس ادا عندك شغلة ضرورية.

طريقة الشرح: يشرح النقاط الرئيسية على السريع وبعدين يعرض اسئلة على سلايدات بعضها
يحلها هو وبعضها يخلي الطلاب.

الكويزات: متوسطة وحذف اقل كويز.

المياجر: كومن.

الفاينلات: كومن.

الصوت: واضح بس الاكسنت لك عليه شوي.

إضافات: طبعا المدرس جديد وكان شرحه مو داك الزود، بس بالنسبة لي المادة ما تحتاج شرح.

القريد النهائي: +C

 

up

 

sok salim

السلام عليكم ورحمة الله وبركاته​

salim ok الترم اللي فات اول ترم يدرس..

انا اخذت عنده لاب السمستر اللي فات احلى شي فيه انه يعطي قريد كويس على الريبورت يركز على جواب واخد او جوابين..​

وعلى حسب مزاجه عليها درجة ولا درجتين والاغلب درجتين..بالعربي اضمنلك 80 فيكل ريبورت.​

هادي ميزته بس اما الشرح عادي وما يخلي احد يسال اي سؤال يشرح مرة وحدة وبس فهمت كويس مافهمت المتاب حبيب القلب..
وهوا يعطي 15 دقيقة قبل الشرح لقرائة الدرس..​

الله يوفق الجميع.​

 

بإختصار .... مدرس ماعنده سالفة ولا له داعي

 

أولاً هو دكتور وليس محاضر

ثانياً بالنسبة للتقييم
أنا أخذت معه كمستري 101 (لكشر) في سمستر 102
وهالمدرس ما أنصح به وبقوة ، للأسباب التالية :

التحضير :
بداية السمستر يمرر ورقة على الطلاب ويوقعوا ، بس هو شرحه قراءة من السلايدات يعني ما تقدر تستفيد من وراه شيء حتى لو حضرت ، علشان كذا كانوا الطلاب يحضرو أخوياهم وهم مو موجودين ، لما اكتشف الموضوع بدأ يحضر بالأسماء فترة وفترة يخلي الطلاب يوقعوا وبعدين هو يشيك بشكل عشوائي (أغلب الأيام يكتشف ناس محضرين وهم غير موجودين ويسوي الزحمة)

طريقة الشرح :
قراءة من السلايدات اللي من عند الديبارتمنت ، طبعاً يجي الكلاس وهو ما هو محضر شيء أبد ، يعني أول مرة يشوف السلايد ، حاله حالك ، فيبدأ يقرأ بس ويخبص في القوانين ، يستخدم السبورة نادراً بس حق شخابيط ما تقبض من وراه شي ، وكل شوي يقول مقوله المشهور by the way, why don't you take notes ، يبقى الطلاب تكتب نوت وهو جالس يقرأ من السلايدات بس ، يعني لما تكون محضر قبل الحصة وتحضر عنده تختبص وتنسى اللي كنت محضره ، لأن الرجال مخبوص وخبل

الكويزات :
في بداية السمستر يخير الطلاب بين كوزات كتابة أو اختيارات ، طبعاً كل الطلاب قالوا اختيارات ، فيسوي 6 كوزات في الريسايتيشن ويأخذ أفضل 5 ، بشكل عام الكوزات سهلة وواحد أو اثنين صعبين ، بس الكوز عبارة عن 3 أسئلة سؤالين على 30 وسؤال عليه 40 فلو تخطأ في سؤال تجيب 60/100 ، بس أغلب الطلاب درجاتهم زينة في الكويزات وهذا النقطة ما هي زينة في شغلة الأفرج لكل كلاس.
طبعاً ما عنده شيء اسمه ميك أب (إعادة) كويزات ، حتى لو عندك عذر رسمي يمسح عنك الغياب بس ما يعيد لك الكويز
ولا يرضى أنك تحضر ريسايتيشن كلاس ثاني ، يقول أوراق الكويزات ما تكفي

المياجر:
ما له شغل في المياجر لأنها كومون ، ولا يدري عن أي شيء يتعلق بالميجر حتى لو تسأله قبل 4 أيام عن متيريال الميجر يقول لك أنا جديد ولا أدري عن نظام الجامعة!! بس قبل الميجر بيوم أو نفس يوم الميجر يجي ويعطيك معلومات الميجر ، يعني هو أهم شيء عنده أنه يقرأ على الطلاب السلايدات(باعتباره يشرح) وخلاص ماله شغل فيه ولا في أفرج الكلاس

القريد النهائي:
صراحة هالرجال من ناحية شرح دمار ، بس المادة تمشيء بمذاكرة الكتاب بس
حده D ويخب عليه

الصوت:
عادي تقدر تسمعه

إضافات :
المدرس دمار ولا يشرح ولا يحضر للدرس قبل ما يجي ، يعني يطعيك الكلاس على البركة، وأخلاقه لك عليها يعني يجي يوم مروق ويوم ثاني لا أحد يكلمه بالعربي هالرجال مزاجي درجة أولى ، بس المادة ما فيها تعقيد واجد ، يعني لو اضطريت عنده بتمشي أمورك ، بس يفضل وبقوة أنك تبتعد عنه

ولا أنصح أحد أنه يضبط وياه أو يخليه يعرف أسمه أو شكله ، لأنه لو عرفك بيبهدلك كل يوم يسأل عنك وينتبه لك ، يعني ما تقدر تخلي أحد من الشباب يحضرك ، فمعرفته ما تجيب إلا المصايب حتى في التصحيح يشدد عليك ، وبعدين يعطيك النتيجة دمار وهو يضحك في وجهك (تحس أنه خبيث)

طبعاً هو ما يستخدم لا ويب سيتي ولا إيميل ولا نت ، فإذا عطاك كويز أو شيء مالك إلا تنتظر إسبوعين أو 3 أسابيع على ما تجيك النتيجة​

 

^^^^
اتفق معاك في كلمة قلتها

والله ضيعنا وحاسنا في الكورس هذا !!

تسأله يلف ويدور ولا يجاوب ،، مدري بخل في المعلومة ، أو ما يعرف ! بصراحة ما أدري عنه

تبي تنجح نزل معه وسلك لنفسك في المياجر وان شاء الله تنجح
لكن لو تبي قريد نزل معه غيره لأن هذا ما يساعدك على التعلم أبداً !!!


الله يعوضنا خير في الفاينل

 

اهتم بدراستك

أتفق معك في كل كلمة قلتها، حتى الرجال شوي ويذلنا على الكلاس وورك ما عطانا إياه إلا نهاية لكشر يوم الأحد الماضي !
حتى نساله نقوله من كم درجة الكلاس وورك يقول ما في حد أعلى ومدري وش قعد يتفلسف ..

 

صراحه ما انصح فيه ابد


شرحه فاشل

درجاته بالقطااره

اسلوبه فااشل

يعني انحش

 

سيء جدا

 

اتفق مع كلام الشباب 100% وأضيف أن عنده عقدة نفسية مع أسئلة المياجر و الـ old exams ... يمكن لأنها أعلى من مستواه ؟!

 

^
هههههههههههههههه

صادق والله، نقول له ذاك اليوم حل لنا أسئلة أولد إكزامز بدل ما تراجع السلايدات يقول الجواب في الأولد إكزام كلها a ، لا يا شيخ

 

بصراحه عشان ما اظلمه انا جيته الاوفس اور وشرح لي سؤالين بالاولد اكزام شرح جيد

غير كذا ما اذكر اي نقاط ايجابيه له بالريستيشن ولا الليكشر

بس استانس اذا عصب و قال:
could you please stop 6alking