أحسن كلاس في الاوريا بالنسبة لي ...

شرحه ممتاز و رهيب

 

^^^^^^^
الله يستر طلع عندي هذا السمستر
طيب احد عنده معلومات ثانيه

 

شباب عطونا معلومات عنه انا صرت عنده هالترم 102

 

الله ييسر
انا بكرا عندي ^_^​

 

درست عنده السمستر الي راح والي هو كان أول سمستر له بالجامعة ..

المدرس طيب جداً لكن للأسف شرحه سيء جداً وهو معترف بهالشي !! شرحه ممل للأسف لكن نأمل إنه يتحسن تدريجياً مع الوقت ..

التحضير يومياً وينادي بالأسماء وكوزاته كثيرة بس تافهة جداً جداً جداً ! سهلة لـ أبعد حد درجة تحس انه ما يعرف يكتب سئلة أساساً !!

بالتوفيـق

 

مابقيت لنا شيئ نقوله
كلامك صحيح 100%

 

يا لبى قلبك يا جواد يا بن إحمد .. و الله من أفضل كلاسات الأوريا كان كلاس الفزكس مع هذا الأستاذ المتواضع

للعلم يا إخوان إنا درست عنده سمستر 101 و كان ثالث سمستر لي في الاوريا لكن ماعديت الفزكس للمرة الثانية .. و جيت سمستر 102 ونزلت سبع ساعات من الجبل و كان متضارب مع وقت الفزكس و رحت عند العساف وقتلتله على سالفتي و قلي اختار الوقت والمدرس قلتله الوقت الفلاني و الاستاذ جواد أحمد ^_^ .. أقولكم ليش دحين

التحضير :

في كل حصة يحضر حتى إنه يحضر في آخر حصة في السمستر .. ودائما يقول ( this is my job ) .. لكن إذا حضرت وباقي على الكلاس ينتهي عشرة دقائق .. يحضرك .... بس لا تكررها كثير

طريقة الشرح :

طبعا الشرح على السبورة .. و أحيانا يحل اولد إكسام باستخدام البروجكتر ... و شرحه مو ذاك الشرح .. لكنه يتقبل أي سؤال في وسط الشرح .. و يحاول يفهمك بأكثر من طريقة .. و لمن يخلص يقولك ( does that make sense ? ) ... صراحة الاستاذ غير مقصر في توصيل المعلومة للطالب إذا سأله .. "" مخلص في الشرح ""

الكويزات :

تااااااااااااااااااااااااااااااااااااااااااااااااافهة جدا جدا جدا جدا جدا جدا ... و كلها من النوت اللي يكتبه .. و تحلها في أقل من دقيقة <<<< ترا مرررة مااامزح O_o

المياجر:

COMMOM <<<

الفاينلات :

COMMON <<<

القريد النهائي:

+B
الصوت:

واااااضح جدا جدا

إضافات :

جينا عالاضافات وهيا أهم شيء

محاسن الأستاذ :-

1- الأستاذ بشوش دائما ويرحب بالطالب و بأي سؤال منه سواء عن الدرس أو خارج الدرس <<<< أخلاقه جدا عااالية و متواضع لأبعد درجة .

2- غبت تقريبا 5 غيابات .. وكان منها ثلاثة ورا بعض .. و كان منها كويزين .. روحتله مكتبه .. وقالي ( you've been missng ) ماعرفت ايش ارد عليه طبعا .. بس قلتلو كيفك وما كيفك .. و قلتله انا كنت غايب لأن كان عندي ميجر ماث و مررة ثانية كنت تعباان ... و الله ياشباب انه ماناقشني .. قلي متى كان ميجر الماث ؟ قلتلو اليوم الفلاني .. و مسحلي الغياب في هذاك اليوم .. و قلي متى اليوم اللي كنت فيه تعبان قلتلو في يوم كذا .. و مسحلي هوا .. و قالي ترا أخذنا كوزين لمن كنت غايب .. تبغى تاخذهم دحين ولا تجيني الاسبوع الجاي و تختبرهم .. قلتله لا ياعمي الاسبوع الجاي .. قالي أووكي ... جيته الاسبوع اللي بعده و رحب فيني و قلي اجلس على مكتب خويه واختبر الكويزين .. و هوا جلس يتفرج أفلام .. و خلصت و اعطيته وصححلي الكوز .. وفيه واحد جبت فيه صفر بس قلي انت تستاهل 2 .. و اعطاني 2 ..

3- لغته واضحة جدا و يحاول يتكلم بلغة سهلة يفهمها الطالب .. و لهجته أمريكية بحتة رغم أنه باكستاني .. و سألته كيف لهجتك كذا و انت منت أمريكي .. قلي انا انولدت في باكستان ,, و لمن سار عمري 9 شهور أنا وأهلي نقلنا على أمريكا و عشنا هناك

4- المنهج يخلصه بسرعة و في كذا حصة إما يقول هذا الكلاس رح يكون قصير أو نحل فيه أولد إكسام

سلبيات الاستاذ :-

1- طبعا في الشرح مو ذاك الزود .. لكن زي ماقلت أسأله و هو مارح يقصر في توصيل المعلومة بأكثر من طريقة

2- طبعا دائما ينكت و هذا شيء مستحسن لكن أحيانا نكته تكون جدا جدا جدا سامجه <<<< مع ذلك تجد الطلاب يضحكو !!

3- لازم تكتب نوت في الكلاس و اذا ماكتبت يضطر إلى تهزيئك أمام الطلاب وبعض الأحيان مايعطيك درجتك في كويز فلاني <<< بعض الأحيان .. و دائما يقول ( Take notes )


هذا تقريبا اللي تذكرته في هذا الاستاذ و أعتقد إني نسيت أشياء كثيير .. و ان شاء الله لمن أتذكر أي شيء رح أكتبه هنا

عموما .. المادة جدا سهلة لكن يحتاجلها إهتمام و مذاكرة اشويتين ... و الاي بلس من 80 +A .. و مهما كان المدرس اللي يدرسك تعبااان ... إنت بالاستعانة بالله ثم بالكتاب وببعض النوتات و حل الهومووركات والكورزات اللي عالويبسيتي .. يمديك تجيب الاي بلس بالراحة ... و الله يكون في وعونكم ..

موفقين ^_^


..

 

وش فايدة طيبة القلب دام المدرس ما يعرف يشرح .. هذا عنوان لتقييم هذا الاستاذ الله يجزاه بالجنة وياكم ..

 

يدرس في الأوريا
التحضير : يوميًا في أخر الكلاس ونظامي في التأخير

طريقة الشرح :يكتب في السبورة وبعدين يحل الأولد أكزام قبل كل ميجر والفايينل ...

الكويزات : سهــــــــــــــــــــــــــــــــــــــــــــــــــــــــلــة

المياجر: Common

الفاينلات : Common

القريد النهائي: B

الصوت: واضح

إضافات :
مدرس يحاول يفهم الطالب بكل طريقة لكن ما توصل مع أن المنهج مو صعب إلى درجة تحس هو مو فاهم
في الكلاس ورك يعطيك حقك وأكثر بس لا ترادده في الكلاس و تسوي روحك قوي لأنه يفقد السيطرة على روحه في الصراخ بس في الأخير هو يدور مصلحة الطلاب ....

 

آوو جوااد لبى قلبه .. مدرس بطل والله

يبسط المادة ولا يعقدها مثل بعض المدرسين

يكتب على السبورة ولازم تكتب معاه .. والله ذاكر النوتة حقته والأولد إكزام ولا راح ينقصك شي في الميجر بإذن الله .. بإختصار يبسط لك الكنوسبت بشكل حلوو

أفضل ميزة له لغته ما شاء الله والأكسنت حقه واضح مع انه باكستاني الأصل !

على العموم اذا هو مدرسك فأنت محظووظ

 

الكويزات من النوت والنوت مبسطة لابعد حد + الحصة تخلص وما يجيك ملل نهائي

 

هل هو J Alsadah
واذا نعم ياليت معلومات عنه ياشباب

 

التحضير : يحضر دايم , متساهل في التأخير.. لكن يزعجه كثير
طريقة الشرح :يشرح ع السبوره , يشرح الكونسبت بشكل ممتاز+نوتته ممتازه
الكويزات :سهله جدآ
المياجر:كومون
الفاينلات :كومون
القريد النهائي:a+
الصوت:واضح جدآ جدآ واكسنت امريكي بحت 100%
إضافات :
..
​

 

التحضير :
يحضر في نهاية الكلاس ولا يسجل تأخير, بعض الأحيان إذا أحد جا متأخر 25 دقيقة يطلعه يقوله رح كمل نومك وتعال في كلاس ثاني.

طريقة الشرح :
يشرح من النوت حقه و بعض الأحيان إذا احد مافهم معنى كلمة يقول لواحد يعرف إنه لغته قوية يترجم للطلاب, أو يستخدم قوقل ترجمة أو صور.
قد يكون المدرس الوحيد اللي يحل أسئلة أولد اقزام في وقت الفراغ.
هو يحاول يفهم باللي يقدر عليه, وبعض الأحيان تسأل عن شي يقول ما أدري .
الكويزات :
جداً سهله مرة كنت مشغول ولا ذاكرت و حليته في دقيقتين وجبت كامل 5.

المياجر:
في المياجر تنخدع بدرجات كويزاتك مع جواد وزين إذا حصلت الأفرج ههههه
الفاينلات :
-
القريد النهائي:
إذا القصد تقييمي للمدرس فهو تقريباً b+
الصوت:
يمكن يكون أفضل مافي هذا المدرس لغته و صوته واضح جداً.
إضافات :
المدرس فيه مشكلة ما أدري وش هي بالضبط.
قد يكون ينفعل بسرعه,
أحياناً يقول اللي ما فهم يسأل الحين, إذا احد سأله يعصب و وقتها يتحسف إنه سأل ههههههه.
بالإضافة إنه يدقق على وجود الكتاب والمتابعة معاه بالصفحة, ما أشوفه اسلوب مناسب لطلاب جامعة اللي ما يبي يتبع معك هو حر.
​

 

Term 131

التحضير : يوميا آخر الكلاس .. متعاون إذا بغيت تحضر سكشن ثاني.. حتى لو كان في يوم غير يومك أهم شيء تحضر كلاسين في الإسبوع

طريقة الشرح: يفتح النوت حقه و يشرح عليها.. شرح لا باس به و بعدها يحل أولد اكزام

الكويزات: قص و لصق من أولد اكزام هو يحطها بالبلاكبورد، 5 أسئلة

المياجر و الفاينلات: حل أولد اكزام اللي يعطيك اياها و بتحصل درجة زينة

القريد النهائي : A

الصوت واضح جدا

إضافات: أسلوبه مع الطلاب ما كانت جيدة و يا ويلك إذا قطيت جواب من عندك من دون ما تفكر لأنه بينفعل بسرعة
لازم تجيب الكتاب في كل حصة
غير كذا إنه يضيع وقت الحصة في إنه يروح عند طالب و ينتظره يفتح الكتاب
ما يبغاك تسأل شي عن الميجر و إذا سألته بيجاوبك : Read the book

 

ما اقول الا اني تمنيت انه درسني فزكس 101 و يدرسني فزكس 102 من افضل المدرسين اللي مروا علي بالجامعة تعاملا و علما , احسه فاهم الفيزياء و يعشقها اكثر من اي دكتور بالجامعة الله يجزاه الف خير .

 

آخر سمستر له في الجامعة كان 132