الرجال عادي ما عندة ليت ومتساهل مع الطلاب مقارنه مع ابو هلال وحمدان لكن يلتزم بالتحضير كل حصة ولا فيه مسح غياب بدون اكسكيوز و يحب يتكلم شوي
( اضافة ) : الرجال سوا بوش اب على ابهامه مرتين رغم ان عمره صك الخمسين

 

اهم شيء لاقريدات كيف و يكرف ولا لا

 

الرجال عطاني b+ مع اني ماني برياضي ولا في راسي لعب
لكن ما قد غبت ولا حصة

 

بنود التقييم :

أولا ً الإستاذ ممتاز جدا ً .. أتمنى إنه ياخذ مواد الجبل عشان آنزل معاه

التحضير :
هو أهم شيء عنده إنك تحضر .. و الباقي تسوي إلي تقدر عليه .. يعني معاي في السكشن كان في 3 ما يلعبون .. و بالنسبة لي أخذت معاه 002 .. و فيه سباحة .. و ما تسبحت ولا مرة .. إلا في الإختبار و حصلة a في السباحة !!
طبعا ً آنه جيد في السباحة .. لكن النقطة إن لم أكن أتسبح أثناء الحصص

طريقة الشرح :
والله الـpe ما في شرح مثل ما تعرفون .. لكنه من حصة لأخرى .. يعني ثلاث مرات في الفصل .. يكلم الطلاب و ينصحهم ..
و الإستاذ رياضي .. يعني عن أي رياضة يعلمك .. خصوصا ً كرة القدم و السلة و رفع الأثقال

الكويزات :
إختباراته سهل .. سو إلي عليك .. و بتحصل a إن شاء الله

المياجر:
بدون

الفاينلات :
بدون

القريد النهائي:
عطاني a ..
و أنا أعطيه a+

الصوت:
واضح !

إضافات :
أفضل إستاذ رياضة

​

 

الله يعطيكم العافية جميعا ً

لا زال عندي بعض التساؤلات :

كيف القريد عنده ؟؟ يعتمد على الحضور أو الاختبارات أو .... ؟

أخلاقه ؟؟

جنسيته ؟؟ ​

 

^^^

والله أنا غبت عنده 5 غيابات من 6 مسموحة وأخذت +c

طبعًا الغلط كان مني لكن أنا والله أشوفه من أفضل المدرسين اللي درسوني

ويمكن لو ماني غايب ولا غياب كان جبت الـ a بالراحة

أخلاقه زي العسل وحبيب ويساعد الطالب

يعني أذكر مرة طلبوا من كل السكاشن إنها تسوي اختبار سرعة

وهو إن المدرس يخليك تجري 50 متر ويقيس سرعتك مقارنة بالوقت

وبعدها تجري 550 متر

هو حدد لنا يوم إننا نجري هالخمسين متر ويوم جينا كان الجو حاااااااااااااااااااااااااااار

كلاسي كان الساعة 3:20

المهم قالنا خلاص أنا كنسلت الجري اليوم

بعدها بكلاسين جانا في مبنى 11 وقال يلا بخليكم تجرون داخل الصالة

درست عنده سباحة وكرة سلة وتنس طاولة

قبل حصص تنس طاولة عطانا كم حصة نصحنا فيها إننا لازم نلتزم بنظام غذائي ورياضي

كلامه مرة أعجبني وحمسني حتى إني طلبت منه يسويلي برنامج رياضي وما قصر وسوالي البرنامج

جنسيته أمريكي من أصل جامايكي

كانت الحصة سهالات أغلب الطلاب جايين بشباشب تكرمون

وبعضهم يجي بجينز وبعضهم يجيب معه واحد خويه بالكلاس

وكلاسه كان فلللللة

لكن قالنا في نهاية الترم إنه كان جديد على الجامعة في سمستر 082

ومن سمستر 083 بيبدأ يطبق القانون على كل الطلاب وما راح يتساهل

لو نزلت عنده ترا منت خسران

لأنه من الناس اللي يفيدك كثير بحصة الرياضة

مو من المدرسين اللي يخليلك حصة الرياضة أصعب من الماث !!

 

أخذن معاه 101 سله + فتنس في 083 :
مدرس أمريكي من أصل جامايكي
التحضير :
كل كلاس أول شيء ، وكان يقول الحضور عليه 60 بالميه من الجريد فافهم يعني
الشرح :
ممتاز (ما في ذاك الشيء ينشرح أصلا خخخخخ) ، بس بصراحه مثقف ومطلع على مواضيع حلوه ويعجبك لما يقول لك قصة أو يديك معلومات ، أنا استانست معاه خصوصا وأنه لغتي ممتازه
الكويزات:
يديك هانداوت ، ذاكرها وتآخذ فل مارك إن شاء الله
المياجر+الفاينل:
يوضح لك المهارة المطلوبة ويكون قد دربك عليها الكلاس اللي قبله ، سويها ويقيمك
القريد النهائي:
عطاني a+
وأنا أبعطيه a++++++++++++++
الصوت:
واضح (أمريكي ما يحتاج !!! )
إضافات:
أفضل رياضه (سله) مع أفضل مدرس مع أفضل متعه وتعلم مع أفضل جريد !!!!!!!
يا رب ينزل 102 بس ، علطول راح أنزل عنده !!!!!

إذا هو مثل ما هو ، ما تغير ، فلا يفووووووتكم ، سوي اللي يقول عليه بالضبط ومستحيل ما تطلع بجريد حلو !

 

مدرس رائع بمعنى الكلمة

درست عنده في 083 سلة وفيدنس

كان رائع ويسولف ويعطيك اضافات للغة خصوصا انه امريكي (من اصل افريقي)

عطاني a وأعطيه a+

 

الجزاء الأول معاك أنا فيه لكن الجزء الثاني خطأ هو من جمايكا مثل مايقول و لهجة أمريكية بحتة و تفهم عليه
و الله الرجال فله و يحب بتعلم كم كلمة عربي أنا صرت أستاذ له
القريدات مابعد تطلع لكن هو قال أنتم الأوريا مهب محسوب عليكم فلاتشيلون همها
وأنا - رشيق وكان في الجري يشجعني يشوفني دحت يقول كمال ماباقي إلا القليل

في الحديد يحب يشغل الطلاب ماتضل لعبة مايخليك تلعبها لكن مهب إجباري الذين يحضرون النادي الصحي يعرفهم ويقدرهم حيل

 

صادق تماما

ولكنه ذكر لنا أيضا أنه له أصول افريقية إذا ما كنت غلطان، أو شيء من هذا القبيل

أظنه ذكر أنه أبوه وأمه عايشين بافريقيا في ملاوي أو شيء زي كذا

وهو كمان درس بمدرسة في بريطانيا وقد سافر للشام

ما شاء الله عليه نشيط ويحب يستكشف ويستطلع ويسأل

الله يوفقه ويهديه

 

لبى قلبه كنغ ومن جد تحس انه رياضي وفاهم بالرياضه لدرجة اني اقتنعت >>اسوي بوش ابز في الغرفة لأول مرة في حياتي

انا معاه اوريا,,طائرة وقدم الهيلث إيديوكيشن مره مفيد معه تحسه يحاول يفيدك

حبيب درجة اولى ومثل ما قالوا الشباب الحضور >>يركز عليه بقوة

 

رياضي درجة اولى .. تعدى الخمسين ويسوي بش اب على الابهام بيد واحدة يا جماعة !! امريكي من اصل جمايكي .. الاكسنت رائعة جدا ! افضل من مدرسين الانقلش والله ! يهتم جدا بالتحضير ويقدر اللي يشاركون معه في الانشطة الخارجية .. سباق الجري وفريق السلة والسباحة وفريق اللياقة اللي يسويه بعد الدوام .. اذا عندك غيابات بيخسف فيك .. تحضير اول الحصة وشديد من هذه الناحية .. ولا يوجد ميك اب ابدا حتى لو غبت في احد الاختبارات ( بيعطيك الصفر في وجهك ! ) .. ما يمسح الغياب الا بالعذر .. محاضرات اللياقة في اخر الترم كانت اكثر من ائعة .. والسبب هو اسلوبه في الالقاء والتفاعل مع الطلاب .. حريص على مصلحة الطالب والعلاقة معه اخوية حتى بعد انهاء الكورس. A+ وازيد انه مبتسم دائماً

 

درسني 002 ،نصاب ويجيك بوجه مو وجهه.

كنت ماشي معه من احسن ما يكون في السمستر،، حتى سبحت عنده في الغويط وانا ما عمري سبحت قبل في غويط،، وحضرت كل الكلاسات إلا كلاس واحد كنت مريض.

والنتيجة: تبلاني وقاللي ان عندي 3 غيابات والله انه كذب وبهتان عظيم وعطاني d+ حسبي الله عليه ..

 

^^^^^^^^^^^^^^^^^^^^^^^^^^^^^^
من نصدق الحين ؟؟؟؟؟

 

الرجال أخلاق ومحترم

أهم شي عنده الحضور ، لاتغيب ويعطيك جريد عالي وإذا غبت الله يعينك على الدي والسي ​

 

جون الن ترم 102 pe002

المدرس حبوب ما يكرف بس يعطيك حقك تمام
الزين فيه روحه مرحه مش ميت مثل بعض المدرسن
لكن في النهايه بتاخذ ذاك القريد اللي تستحقه

اه نسيت
بالنسبه للتحضير فيحضر كل كلاس
والغيابات محسوبه وما يمسحها إلا بعذر رسمي
ما اذكر اذا كان عنده ميك اب او لا , نسيت .

 

المدرس ذا ممتاز جدا ومتعاون ..
اللهم لك الحمد اني كنت معاه في الترم الماضي ..

مرح .. ودائما مبتسم !
وبنفس الوقت يحمسّك للتدريبات .. أحيانا من كلامه وتشجيعه قبل التدريبات تحس كأنك بتخش مباراة نهائيه

أعطيه A ..
لأنه ركبني غياب ماادري من وين جاء .. لكن هذا مايغيّر شئ , مدرس ممتاز ومتعاون .. كل كلاس لازم اتأخر لأنه بعد صلاة العصر .. وبالأخير ماطلعت الا بتأخر واحد !

قريدي : B+ .. مع اني دائما الأخير في الكلاس في النقاط .. لدرجة ان اختبار كرة الطائره كلها خطاء علي ولا شئ صح !

لكن بالأخير قريد ماكنت احلم فيه !!

 

كنق وروعة والله إني أتحمّس لكلاسه كثيير

يكفي لهجته (لهجة خوال الأمريكان)

جنسيته أمريكي زنجي

فلاوي ويساعد الطلاب

نزل عنده بدون تفكير

 

كلاسسه بطططل الخال ذا
يعطيك حقك لكن عنده بونص إذا ساعدته في البوست تست
أعطاني A+ و أنا أعطيه A+

نزل عنده و مش حتندم