إجراءات استلام الوثيقة

الخطوات مكتوبة في نموذج الإخلاء- اللي ما تقدر تطبعه إلا من شبكة الجامعة.
غير اللي ذكرته بتحتاج تزور قسمك.

 

إجراءات إستلام الوثيقة من مكتب الخريجين (مبنى 68 غرفة 136) كالتالي :

1- اخلاء الطرف من الجامعة (لايتم تسليم الوثيقة بدون إخلاء الطرف)

2- طباعة وتعبئة نموذج التخرج المرفق وتوقيعه من سجلات الطلاب (ملاحظة: يتم التوقيع بعد إتمام إخلاء الطرف)

.
.

بالنسبة لإخلاء الطرف موجودة الخطوات في رسالة على ايميلك قبل كم يوم موضح فيها كيفية طباعة النموذج + نموذج التخرج

نموذج الإخلاء موجود في البورتال مع جميع التعليمات والأقسام الي تحتاج تروح لها والي ماتحتاج تروح لها

الأقسام هي

1-المكتبة العامة 2-مستودع الكتب 3-قسم الأمن 4- إدارة الاسكان
5-القسم الأكاديمي 6-صندوق الطلاب 7- شؤون الطلاب 8-الريجسترار

الأربعة الأولى إذا مكتوب قدامها Cleared يعني مايحتاج تروح لها .. الأربعة الثانية لابد تمر عليها

تأكد انك تحصل على كل التواقيع والأختام من كل قسم وبالتوفيق

 

أول شي لازم يصير معك ورقتين قبل تبدا رحلة الإخلاء:

1- ورقة نموذج استلام وثيقة التخرج, ارسلوها الجامعة لك على الإيميل.
2- نموذج إخلاء الطرف الي فيه 8 أقسام وهو الي ماتقدر تطبعه الا من داخل شبكة الجامعة. أنا طبعتها من لابات مبنى 22 بما أني من كلية الحاسب. فيه ناس يقولوا تقدر تطبعه من مبنى 14 أو اذا تعرف مكان ثاني فيه طابعات في الجبل. طريقة الطباعة من البورتال أيضا أرسلوها لك الجامعة على الإيميل.

كمجموع عندك 8 اقسام:

الأربعة الأولى اذا مكتوب فيها Cleared مايحتاج تروح لها. اذا هي Not Cleared يعني لازم تروح لها وتخلي طرفك منها وماهو ضروري تمشي عليه بالترتيب. تقدر تبدأ بالي أقرب منك وهي:

1 - المكتبة (KFUPM LIBRARY) : اذا ما عندك كتب مستعارة او شي للمكتبة فراح تكون Cleared.
2 - مستودع الكتب (BOOK STORE): اذا انت خريج فراح تكون Cleared لأنك خلصت مافيه كتب ترجعها.
3 - الأمن (SECURITY DEPARTMENT) , ستيكر السيارة تسلمه.
4 - السكن (STUDENT HOUSING), تسلم مفتاح الغرفة اذا ساكن في الجامعة.



الأربعة الأخيرة ضروري تمشي عليها بالترتيب من رقم 5 الى رقم 8 وهي:

5 - قسمك أو كليتك (ACADEMIC DEPARTMENT) : هذا أول شي تمر عليه بعد ماتخلص الأربعه الي فوق. يعتمد على تخصصك ومكان كليتك. كلية الحاسب مثلا في مبنى 22. بالنسبة لي السكرتير حق القسم وقع الورقة وختمها يعني ماأحتجت أدخل على رئيس القسم.

الثلاث الباقية كلها في مبنى 68. وهي:

6 - صندوق الطلاب (STUDENT FUND): أول واحد تبدا فيه في مبنى 68 وبعدها كل واحد بيقول لك وين تروح ووش تسوي.
7 - شؤون الطلاب (STUDENT AFFAIRS).
8 - المسجل (REGISTRAR OFFICE).

وبعد ماتخلص راح يسلمونك:

1- الوثيقة وصورة مختومة منها.
2- شهادة الثانوي.
3- سجل الأكاديمي (Transcript) واحد مجاني. إذا تبغا زيادة كل واحد بـ 10 ريال. نصيحة اذا انت ساكن بعيد عن الجامعة أنك تاخذ لك زيادة حتى لو إحتجته بعدين يكون عندك ومايحتاج ترجع للجامعة.

وهنا تنتهي علاقتك مع الجامعة ,الا اذ ناوي تكمل ماجستير فالله يوفقك, وعقبال الوظيفة