إدمان الغياب !

الصحبة وأنا أخووووك .
إذا أخوياك يعزمونك على غدا ولا قهووة وتسحب على الدوام ، اسحب علييهم .

 

جرب حجامة ...... و شد على نفسك بالنوم

 

الروتين يخلي الشخص يشعر بالملل القاتل
ويصير ماعنده رغبة للنهوض من الفراش والذهاب للدوام

 

حاول تحدد وقت للطلعات والجمعات يعني في الليل مثلا .. عشان تركز في الكلاس لأنه راح يساعدك في المذاكرة ويساعدك انك تجبر روحك على المذاكر وتكون مخلص المذاكر بسرعة ويصير عندك وقت كافي للطلعات وتكون استغليت وقت الكلاس + صار عندك وقت كبير كـ ترفيه ..

 

Vip master

هههههههه تسمع بالنصايح انت وش هالنصيحة المضروبة

 

مايدمن على الغياب ، إلا مدمن على الســهر

 

أولاً : استعن بالله عز وجل على تجاوز هذه المشكلة
ثانياً : أحد دوافع الغياب عدم القابلية للفهم أو التفاعل مع الشرح أو الملل منه , فحتى تعالج المشكلة من جذورها عليك البدء في محاولة التركيز مع الدكتور والتفاعل مع الشرح والفهم , فإذا وصلت إلى نقطة الفهم ستبدأ لا إرادياً بالحرص على الحضور حتى تتبع فهمك ولا يضيع عليك استيعابك السابق
ثالثاً : أوص أحداً بالحرص على ايقاظك من النوم إذا كانت مشكلتك في النوم
رابعاً : اضبط صلاتك في وقتها تنتظم حياتك كلها

وفقك الله وأعانك على تجاوز أمرك السهل بإذن الله

 

اية نصايح ؟؟؟
الرجال ما شارك

 

الظاهر انك فريشمن او سفمور بالكثير..
بدري ع الطفش من الكلاسات
واساسا مدري وش لون تعتبر الطفش سبب للغياب!

 

طيب ممكن تقمع هذي الرغبة بالسحب على الكلاسات بالتفكير في عواقب فعلتك، راح تفوتك دروس وراح تاخذ وقت أقل شيء مضاعف في الغرفة عشان تدرسهم بينما راح تاخذ وقت أقل اذا حضرت مع المدرس.

فكر في ان الغياب راح يحرمك من الup grade وراح يخصم منك درجات وممكن ينتهي بـ DN !

ولو جاك خويك هذا وقال لك تعال نطب من طرف الجبل حتى أنا ساحب على الدوام، هل راح توافقه؟ إذا جاك يبي يقول لك تعال نطلع فكر في أنه يعرض عليك شيء يضرك أكثر بكثير مما يفيدك!

 

حذف مشاركته او انحذفته

بس محد قفطه الا انا

 

عطنا العلم ي رجال على الخاص هع

 

لحل مشكلتك اتبع الخطوات التالية:

1/اشتر ساعة ذات منبه قوي.

2/ضع الساعة (المنبه) في منطقة بعيدة.

3/ثم نام وانت مرتاح البال.

طريقة مجربة ونافعة 100%

 

كنت اسوي كذا أيام الأوريا والفريشمان ، لكن المصيبة اني كنت اقوم اروح اطفي المنبه وارجع انام

وزيادة كنت حاط برنامج منبه على الجوال الي ما يطفى لحد تحل مسائل رياضية وكنت حاط عدد المسائل 10 ومستوى الصعوبة اصعب شيء.

ولكن كالعادة اصحى من النوم افتح الجوال احلهم اطفي المنبه وارجع انام

ما عاد فيه فايدة خلاص فاقد الأمل

 

غيّر من روتينك في الحياة والدراسة.

الحياة مثل: تغيير نمط العيش، الخروج من المنزل، التنزه وغيرها.

الدراسة مثل: دخول تخصص ترغب فيه، تغيير طريقة المذاكرة، التعرف على أصدقاء يعينوك على الدراسة، عدم الضغط الدراسي في تنزيل مواد فوق طاقتك، المشاركة في أندية الجامعة، أخذ كلاسات في عدة مبانِ مختلفة، أخذ كورسات إختياراية تميل لها، وغيرها.

ويمكنك أيضاً إستشارة عمادة التوجية والإرشاد.
اسأل الله التوفيق لك.

 

اذا كانت مشكلتك كما تقول فلا يوجد إلا حل واحد: اسحب على أخويائك و خليهم يعرفوا أنك شخص ما تغيب أبداً ولا تحت أي ظرف، ولا تجعل مصيرك معلق بنزوات أصحابك، موفق

 

عدم الرغبة في حضور الكلاس له أثر كبير على كثير أشياء ممكن تخسرها بسهولة.. مثل مستواك الدراسي, الإبتعاد عن حلمك إلى ما تشوف إنه لا يوجد حلم , نظرتك لنفسك, ناهيك عن الدرجات اللي بتخسرها


فكر في هذه الأسئلة بجدية..

أنت ليش جاي للجامعة ؟
وش اللي عليك عشان تتخلص من متاعب الكلاسات ؟ -بالطبع هو حضورها-
وش النتائج اللي ممكن راح تحصل لك لو حضرت كل الكلاسات ؟
وش النتائج اللي ممكن راح تحصل لك لو ما حضرت كل/أغلب الكلاسات ؟
من هو المستفيد ؟
ممكن يكونوا أصدقائكك هم سبب الغياب بحيث إنك تشوف إنهم كثير ما يسحبون وأنت تسحب معهم عشان إذا أجتمعتوا تفتخر بالغياب عن الكلاسات ! للأسف حصلت ناس كثير كذا ! , غيّرهم ..

-

اما من الجانب الديني , فعليك بالإلحاح بالدعاء مع الإيقان بالإجابة .
! BE SERIOUS