إذا درست دبلوم او بكالوريوس او ماجستير كيمياء مراح أتوظف في جدة او مكة؟؟

كلام غير صحيح !

انا خريج هندسة كيميائية و متوظف في جدة ولله الحمد.
فيه فرص كبيرة في ارامكو في جدة او رابغ او ينبع.. في شركة بترورابغ برضو.
و فيه شركات في ينبع مثل ياسر و مرافق و غيرها.

الشركات في الغربية كثير والمصانع كثير وفيه زيادة ولله الحمد.

 

من جد ؟؟ أقدر أتوظف في جدة ؟؟

لأني نفسي أتوظف هناك لكن كل الناس تقول لي إنسى الغربية لأن كل خريجي البترول ما راح يتوظفوا إلا في الشرقية
انسى مكة و جدة ،،، إلين يئست

و فيه ناس - خريجين و متوظفين الآن - يقولون الشركات اللي في جدة ما توظف إلا غير السعوديين
و الأمثلة تطول

إنت توظفت قريب و ألا قبل فترة طويلة ؟؟

 

لا هو على قول الشباب جدة وخاصة ينبع موجود فيها
لاكن الفرص في الشرقية تكون اضعافها وغالبا تكون فرص الترقي والرواتب في الشرقية اكبر خاصة للشركات اللي مقرها الرئيسي في الشرقية زي سابك وارامكو مثلا

 

ياشباب ترا اذا قلتو جده وينبع كأنكم تقولون الرياض والشرقيه !!
الي يبغا هندسه كيميائيه يشيل جده من راسه
وصاحب الموضوع يتكلم عن تخصص كيميا وليس هندسه كيميائيه

 

يالغالي انا من جدة وتخصصي هندسة كيميائية ، وصح اني مكن رغبتي جدة بس بحكم تخصصي ما راح تكون فرصي زي في مناطق الجبيل وينبع ، بس اهم شيء عندي المستقبل ، كون نفسك واشتغل وجمع قروش وفي شركات في جدة بس في البداية مو مشكلة اذا توظفت برا جدة واشتغلت وكونت نفسك ،، كلنا بنشوف شح الوظائف والعطالة ، اذا كانت جدة سبب في عطالتي لاني ابغى اشتغل فيها بس فبئسا لجدة ،