إلى جميع طلاب السنة التحضيرية ، ضعّ سؤالك هُنا وَسيأتيك الردّ بإذن الله ..

خذه وانت مغمض يا رجل ,

المعدل ماله فايدة .. وبالعكس يريحك البروموشن وتقدر تنزل مواد من الجبل تخفف على نفسك الاترام الجاية ..

لكن لا تلعب فيك الفضاوة وتجيب العيد بالماث مثل اللي اشوفه من كثير الطلاب :/

 

امم يعني تنصحني اخذه ..

طيب اذا مآ عليكـ امر وش يفرق في المعدل لو اخذه او لا .؟!

وموآد الجبل نفسها في كل تخصص .؟! او تقصد يعني هي الموآد من التخصص اللي ابيه .؟!
( يعني موآد الجبل موآد مشتركة في كل التخصصآت .؟! )

وآسف ع كثر الاسئلة والازعاج ​

 

المواد اللي تاخذ فيها بروموشن ما تدخل في معدل السنة التحضيرية (ما يدخل في المعدل العام)

لو مثلا عديت انجلش 001 و 002 ، بينزلك 003 و 004 في الترم الأول

والترم الثاني تنزل انجلش 101 واعتقد كمستري 101 (من مواد الجبل)

المواد نفسها لطلاب الهندسة في أول سنة في الجبل ( الفريشمان )

 

شباب بالله ابسألكم سمعت انهم يعطونني ريسيفر مافيه مدخل بطاقة كيف اتابع المباريات المشفرة فيه مقاهي قريبة للجامعة او لا وشكرا

 

والله مانيب راعي مباريات ، لكن رومميتي السابق كان اذا جت مباريات يروح مدري وين يتابع الشاهد أن فيه حاجة قريبه .

+

يبدو أن رسيفر الجامعة فيه الجزيرة الرياضية ( غير مجرب )

 

في شيء محيرني الحين الايميل الجامعي كيف تشيك عليه و تشوف الرسائل
له موقع و لا برنامج

طيب مافي طريقه اذا جتني رساله عليه يوصلني تنبيه على الجوال

 

الله يجزاك خير ماقصرت وتكفون اللي متأكد يعلمني وينكم يا المدريديستا

 

ايه يكون بدون مدخل بطاقه لكن فيه قنوات مشفره كثيرر مثل الجزيرة من +1 - +8 وبعض القنوات الثانية

أما المقاهي فيه بنوعيها ( معسلات وشيش أو بدون ) لكن بالطبع تحتاج لسيارة

 

الايميل تقدر تدخل له من ذا الرابط https://owa.kfupm.edu.sa/owa/auth/logon.aspx?replaceCurrent=1&url=https%3a%2f%2fowa.kfupm.edu.sa%2fowa%2f

وفيه طريقة انك تربطه بايميلك الهوتميل ( ما اعرفها )

 

الله يعطيكـ العآفية حبيبي ومآ قصرت ​

 

فديت المدريدستا كلهم

لا تخاف القنوات الرياضية كلها موجوده وراح تتابع كل الدوريات اللي تحبها

بس اختار لك روم ميت يحب الكوره عشان ما يقوم ضراب وقت المباريات المهمة اللي لازم ترفع فيها صوت عصام الشوالي للأخير

 

السلآم عليكم ,

بس حبيت أنبهك إن فيه كم طالب سوا بروموشن بس إنقطعت عنه المكآفأة , لأن مستوآه بالموآد الثآنية مش ولآ بد.

وبس

 

اممم من هذه النآحية إن شآء الله نعدي ..\

يعني أفهم من كلامك إن اللي مستواه مو كويس في بقية الموآد ينزل الانقلش عشآن يرفع في المعدل .؟!
( بس شرط انه يجيب قريد حلو في الانقلش ) .؟!

اللي فهمته ان اللي الانقلش ممكن يرفع المعدل وممكن ينزله !

صح الفكره .؟! -_-​

 

اذا اخذته تبي تكون فاضي ع الآخر وتتفرغ للمذاكرة وتنجح ان شاء الله ..

واذا نجحت بالماث ع الحافة ( C ) بيكون معدلك فوق 2 اكيد ف ما فيه انقطاع بالمكافئة ان شاءالله ..

الانجلش 5 مقررات

00
01
02
03
04

^ وكل مقرر يعادل 4 ساعات , وبالترم الواحد تقدر تنزل مقررين أي ما يعادل 8 ساعات

وعندك الماث 4 ساعات ( تنزل بكل الفصلين ) والبدنية ساعة وحده ( تنزل بكل الفصلين )

وعندك المواد الأربع >>

حاسب ( ساعة ) ورشة ( ساعة )

فيزياء ( ساعتين ) مهارات حياتية ( ساعة وحدة )

^ يبي ينزلك أحد الثنائي بالترم الأول والثنائي الآخر بالترم الثاني

وبكذا احسب عدد الساعات اللي بتكون عندك واحسب المعدل كـ تقدير من هنا

http://www.yicf.com/gpa.php

واذا وصل تحت 1.75 من 4 تبي تنقطع المكافئة واللي مب صاير ان شاءالله

 

موجود بالايفون والبلاك تربط إيميلك الجامعي بدون أي برامج مثله مثل اي ايميل

اذا استلمت الباسوورد ان شاءالله باليوم التعريفي نعطيك الطريقة

 

الله يعطيكـ العآفية أخوي ومآ قصرت , ويخليكم لنآ يآ رب ​

 

ايوة صح في سؤآل شآطح رآودني للتو يآ جمآعة ..

الحين معدل تبع السنة التحضيرية يدخل في معدل التخصص ..؟! ​

 

^
لا ،

معدل التحضيري يفيد في تحديد اي مرتبة شرف تخرجت من التحضيرية

 

اممم مشكور ​

 

شكرا حبيبي ماقصرت