ابتعاث من سابك vs البترول *استفسار*

الموضوع في 'الطريق إلى جامعة الملك فهد للبترول والمعادن' بواسطة Oliver, بتاريخ ‏19 يونيو 2014.

  1. Oliver

    Oliver عضو

    انضم:
    ‏29 مايو 2014
    المشاركات:
    81
    التقييمات:
    +0 / 0 / -0
    السلام عليكم ورحمة الله وبركاته

    أظن الموضوع واضح من عنوانه، أنا قدمت على الابتعاث الخارجي لسابك وعلى البترول.

    وبالنظر في ما أتيت به من درجات، أظنني والله أعلم أضمن مقعدي في كليهما -إن شاء الله-.

    ولكن السؤال: إلى أيهما أذهب؟ من يرشح لي إحداها فأتمنى يجود علينا بذكر الأسباب.

    بخصوص ابتعاث سابك، فعندي مجموعة أسألة أتمنى ممن عنده المعلومة يفيدنا بها:

    1- كيف نوعية الجامعات اللي يبتعثون فيها الشعب؟ هل للطالب حق الاختيار بين جامعة وأخرى؟ وهل يبتعثون إلى جامعات تُعتبر أفضل من البترول (وأتمنى ذكر من أي ناحية هي أفضل)؟

    2- طبعًا مع إنهاء الابتعاث يرجع الواحد يعمل عندهم، والسؤال عن طبيعة العمل وماهيته. أحد يفيض لنا بما عنده من هالناحية؟

    3- وكذلك طبيعة الدراسة والمعدل وغيرها... آمل تغطون جميع النواحي بالذكر.

    4- كذلك يهمني ما يتعلق باللغة الإنجليزية، هل البترول كفيلة بجعلي ذو مستوى عالي بالإنجليزي كما لو كنتُ مبتعث؟

    وأتمنى من العارف منكم والمنصف يعمل مقارنة بينهما ويذكر ما لهما وما عليهما من أمور شاملة. فأخاكم في حيرة من أمره فأزيلوا غشاء جهله.

    أنتظركم....
     
  2. .The Special One

    انضم:
    ‏9 ديسمبر 2013
    المشاركات:
    80
    التقييمات:
    +6 / 0 / -3

    وعليكم السلام ورحمة الله وبركاته ..

    أفضّل ابتعاث سابك على الدراسة في البترول أو أي جامعة غيرها ،
    الدراسة وضمان الوظيفة وفي شركة كبيرة مثل سابك أمر ممتاز جداً ، ويريحك نفسياً..
    يعني لو كنت مكانك والله وفقني وقبلت في الاثنين، راح اختار سابك .
    خصوصاً لو كان التخصص عاجبني ، ولو كان العكس يعني قبلوني وفي تخصص ما يعجبني هنا بتبدأ الحيرة شوي .


    1- كيف نوعية الجامعات اللي يبتعثون فيها الشعب؟ هل للطالب حق الاختيار بين جامعة وأخرى؟ وهل يبتعثون إلى جامعات تُعتبر أفضل من البترول (وأتمنى ذكر من أي ناحية هي أفضل)؟

    صراحة ما عندي معلومة أكيدة بخصوص هالسؤال ، ولكن أتوقع بما أن الشركة راح تبتعث طلابها على حسابها عشان يرجعون ويمسكون مناصب في الشركة، من الطبيعي
    إن الجامعات بتكون ممتازة .

    2- طبعًا مع إنهاء الابتعاث يرجع الواحد يعمل عندهم، والسؤال عن طبيعة العمل وماهيته. أحد يفيض لنا بما عنده من هالناحية؟

    سؤالك عام ، كل تخصص وله طبيعة عمل مختلفة عن الأخرى .

    3- وكذلك طبيعة الدراسة والمعدل وغيرها... آمل تغطون جميع النواحي بالذكر.

    ما أدري .. ولكن اللي أعرفه أن هناك متابعة من الشركة لمستوى الطلاب .

    4- كذلك يهمني ما يتعلق باللغة الإنجليزية، هل البترول كفيلة بجعلي ذو مستوى عالي بالإنجليزي كما لو كنتُ مبتعث؟


    أعتقد أن تدريس اللغة الإنجليزية في البترول ممتاز جداً ، ولكن مهما كان .. فالطالب المبتعث سيمارس اللغة بشكل أكبر في حياته وهذا الشيء بيجعله أفضل خصوصا في مهارة التحدث .


     
  3. HungrySpirits

    HungrySpirits عضو

    انضم:
    ‏31 ديسمبر 2013
    المشاركات:
    68
    التقييمات:
    +59 / 0 / -11
    يوم تخرجت من الثانوية كانت نيتي اقدم لسابك بس يوم كلمت احد الاقرباء (موظف في سابك) كان هو متخرج من البترول يوم اخذت رأيه ما نصحني بابتعاث سابك قال راح يربطك معهم وانت ما تدري وش يصير عليك ممكن تتغير افكارك والشيئ الاخر تقريبا يحددون لك تخصصات معينه ممكن ما تعجبك .. الحمدلله استخرت ودخلت البترول ولا ندمت .. الله يوفقك ويستر عليك ..
     
  4. h3keem

    h3keem عضو

    انضم:
    ‏6 يوليو 2013
    المشاركات:
    219
    التخصص:
    ME
    الجامعة:
    KFUPM
    سنة التخرج:
    2016
    التقييمات:
    +147 / 4 / -49
    قبول سابك يعتمد بشكل كبير على المقابلة

    سابك بتوفر لك فلوس وظيفة مضمونة بعد التخرج عندهم وطبعا لغة ودراسة افضل في الخارج
    المشكلة انك مجبر على هذه الوظيقة لمدة 4 او 5 سنوات

    اذا انت ما تبي تكمل دراسة اختر سابك
    الوظيفة في سابك ليست سيئة بل بالعكس من افضل الشركات
    لو كان هناك شركة افضل ال 4او 5 سنوات في الابتعاث كافية لجعل كفة سابك افضل

    يعني
    لو اخترت الجامعة
    5 سنوات بدون فلوس و لغة سيئة وتدريس اسوء لكن تستطيع تغير الوظيقة

    لو اخترت سابك
    5 سنوات مع فلوس ولغة وتدريس و جو افضل و راح تتعرف على ثقافات وتشوف العالم ووو لكن بعدها وظيفة محترمة مجبور عليها لمدة 5 سنوات
     
  5. عماد الشيخي

    انضم:
    ‏27 أغسطس 2013
    المشاركات:
    247
    التخصص:
    هندسة كيمائية
    الجامعة:
    KFUPM
    سنة التخرج:
    2019
    التقييمات:
    +21 / 0 / -0
    ابتعاث سابك الدخلي يبتعثونك لجامعه الملك فهد

    وكانك طالب عادي بس زايده مميزات المكافاه الزايده الووظييفه المضمونه

    اذا انت قدها ف ابتعاث سابك فرصه لا تفوتها
     
  6. abo 3abd

    abo 3abd عضو

    انضم:
    ‏30 يناير 2013
    المشاركات:
    770
    الصفحة الرئيسية:
    التقييمات:
    +58 / 0 / -2
    هلا يالغالي :وردة::قلب:

    الله يوفقك وتدخل الجامعة اللي فيها خير لك

    اللي أعرفه إن سابك و أرامكو دائم يختارون جامعات كويسة وممتازة وبعض هالجامعات تكون أعلى من البترول في التقيم و أخف منها في الضغط الدراسي .. هذا الكلام مو من عندي هذا الكلام سمعته من طلاب بتروليين جربوا دراسة ترم في الخارج ضمن برنامج التبادل الطلابي

    مجبور إنك تعمل معهم خمس سنوات وهذا الشيء هو اللي مخوف الشباب يمكن تكون الوظيفة ما تناسبك وأنت مجبور فيها

    طلاب الشركة يفيدونك أكثر مني

    شوف يالغالي أنا إنسان ما أهتم للغة الانجليزية ولا فكرت أطور نفسي فيها لكن هنا في البترول تطورت بشكل قوي
    لدرجة أمس الظهر اختبرت رايتنق وكنت أكتب أشياء ما كنت متخيل إني أكتبها أول ما دخلت الجامعة حتى صرت أتفلسف في الموضوع اللي مطلوب مني بس المشكلة عندي السبيلنق رايح فيها :كاك:
    تاكد في تحضيرية البترول إن مهارات الاستماع و القراءة و الكتابة راح يتطور مستواك فيها حتى لو ما اشتغلت على نفسك كثير آما مهارة التحدث هي الوحيدة اللي تحتاج واحد يشتغل على نفسه .. والمدرسين هنا إذا شافو الواحد يحاول يتكلم يدعمونه ويساعدونه

    لغة المبتعثين اكيد أحسن و إذا تبي تصير مثل المبتعثين يبغالها واحد يشتغل على نفسه



    في الختام معليش على التأخير في الرد
    حصلت لي ظروفي ولا كان ودي أرد الساعه 4 :cry:

    والشباب قبلي أفادوك وما قصروا :وردة:
     
  7. eastman

    eastman عضو

    انضم:
    ‏31 يناير 2012
    المشاركات:
    89
    التقييمات:
    +11 / 0 / -4
    مو شرط ان سابك تبعثك لجامعة أفضل من البترول.

    صراحة ما اشوف ان فيه ميزة في ابتعاث سابك حاليا غير المخصصات اللي يصرفونها لك والوظيفة بعد البعثة (اللي راح يربطونك فيها كم سنة واذا بغيت تطلع قبل نهاية المدة الالزامية راح تدفع مبلغ معين)

    على فكرة: سنوات دراستك على حساب سابك ماراح تحسب كخدمة مثل اللي صاير حاليا في ابتعاث ارامكو الجامعي
     
  8. عبدالله.

    انضم:
    ‏7 فبراير 2012
    المشاركات:
    576
    التخصص:
    Electrical Engineering
    الجامعة:
    KFUPM
    سنة التخرج:
    2017
    الجنس:
    ذكر
    التقييمات:
    +397 / 6 / -54
    السلام عليكم

    ابتعاث سابك يابعدي مايعتمد على الدرجات قد مايعتمد على المقابله
    واقولك هالكلام من نجربه

    قبل سنتين كنت في مقابله مع سابك في برج الفيصليه مع8 اشخاص تقريبا

    كلنا درجاتنا فوق 90 في القدرات والتحصيلي والثانوي

    ومعنا واحد اذا مانسيت فا هو كان 97 في القدرات و98 في التحصيلي
    ومع ذالك ماانقبل !

    الدرجات مجرد مفتاح لدخول غرفة المقابله
    وايضا مهم جدا ان التخصص يكون مناسب لك مهو تقول هاذي سابك اي شي يجي يالبيه :khotrah:
    انا كنت حاط الرغبات هندسة كهرب وميكانيكال
    وعطوني كيميكال فا رفضت
    انت راح تكون مهندس ان شاء الله فما راح تتخرج عاطل باذن الله :وردة:

    شد حيلك والله يوفقك :وردة::قلب:
     
  9. An ME student

    An ME student عضو

    انضم:
    ‏2 سبتمبر 2012
    المشاركات:
    30
    التقييمات:
    +0 / 0 / -0
    باسم الله

    رأيي تدخل مع سابك ابتعاث داخلي للبترول، ولا تصرف المبالغ اللي يعطونك إياها "بس تطلع الزكاة كل سنة"، وبعد التخرج من الجامعة يكون عندك الخيار يا تاخذ المبالغ المجموعة أو ترجع لهم إياها، كذا أنت ملكت نفسك واستفدت من المبالغ اللي جمعتها، لأنك ما تضمن تميزك في هالجامعة من جهة و من جهة أخرى ان سابك تعتبر من مصاف الشركات الكبرى في المملكة.
    أما الابتعاث الخارجي من سابك ما أفضله بتاتا، لأنك راح تصرف المبالغ اللي يعطونك، يعني ما راح تملك نفسك وكذلك ما راح تقعد عاطل إن شاء الله، فالميزة (اللي هي الوظيفة) ما فرقت معك..


    استخر وتوكل على الله، وإذا قالوا لك خارجي قل لهم لا، أبغى داخلي للبترول.

    احرص يكون التخصص اللي تبيه، لأن التخصص يمكن يبقى معك طوال الحياة.

    بالنسبة للغة، البترول تعطي -بعد الله- الأساسيات، يعني تقدر تقرأ وتكتب تقارير، وتختلف من شخص لشخص.


    *وضع هالآية في بالك دائما
    (إن الله هو الرزاق ذو القوة المتين)
     
  10. maybe

    maybe عضو

    انضم:
    ‏22 مارس 2014
    المشاركات:
    57
    التخصص:
    jj
    الجامعة:
    k
    سنة التخرج:
    lk
    التقييمات:
    +11 / 0 / -0
    صحيحه المقابله تلعب دور كبير في بالقبول في سابك
     
جاري تحميل الصفحة...
مواضيع شبيهة - ابتعاث من سابك البترول *استفسار*
  1. Oliver
    الردود:
    16
    المشاهدات:
    2,791
  2. computer
    الردود:
    6
    المشاهدات:
    1,147
  3. shobany
    الردود:
    0
    المشاهدات:
    3,621
  4. ano
    الردود:
    0
    المشاهدات:
    1,932
  5. moh141
    الردود:
    0
    المشاهدات:
    924
  6. Aziz212
    الردود:
    0
    المشاهدات:
    2,570
  7. jarir
    الردود:
    0
    المشاهدات:
    1,235
  8. ابو أحمد
    الردود:
    4
    المشاهدات:
    10,492
  9. Hussaaiinn
    الردود:
    3
    المشاهدات:
    2,486
  10. RE7AB
    الردود:
    1
    المشاهدات:
    1,999

مشاركة هذه الصفحة