ابتعاث ولا الوظيفة الحالية ؟

وعليكم السلام ..
الخبرة العملية أفضل لك بمراحل من الابتعاث للخارج والشركات بشكل عام تفضل صاحب الخبرة على صاحب الماجستير بل في بعض الأحيان تعتبر صاحب الماجستير Overqualified ولا تنسى أن فترة بقاءك بالشركة لسنتين من الآن قد يصاحبها زيادة بالراتب لا تحلم فيها وأنت مبتعث خاصة أنك ذكرت أنك بجهة ممتازة ! ادرسها من جميع النواحي ( الراتب، التطور الوظيفي، بيئة العمل) إذا أنت الآن لديك اثنتين من الثلاث أو الثلاث كاملة مما ذكرت بالأعلى فلماذ الابتعاث ؟ سوق العمل الحالي لا يرحم ولا نعرف ماهو الحال بعد سنتين ربما أفضل وربما أسوء، هناك شباب كانوا بوظائف مرموقة وتركوها وأخذوا الماستر والآن يريدون أي وظيفة ولو بنص راتب وظيفة البكالوريوس ، رأيي أن لا تفكر بالابتعاث نهائيا إلا في حال كان من خلال جهة عملك + الصناعات العسكرية مركزها في الخرج فقط ولديهم مصنع وحيد للإلكترونيات بالرياض وبعد إنشاء " شركة الصناعات العسكرية سامي " أصبح مستقبل مؤسسة الصناعات العسكرية مجهول فما أنصحك تجازف

 

وعليكم السلام ورحمة الله وبركاته
بعد الحج كنت في الوزارة بناصرية
همس لي احد مدراء المكاتب امسك وظيفة الاوضاع محبطة لا تبشر!
وسحبة على بعثة الزوجة!

انت في عمل ممتاز ومرتاح وجهة قوية وتبي تفرط فيها!
بعض الاقتصادين يقولون لا تفرط في عمل حتى ب 3000 الاف ريال لان هالسنتين الوضع لك عليه وماندري وين رايحين فيه!
الوضع محبط الوقت الحالي موب وقت مجازفة!

السوق متخم بالخريجين والعروض الممتازة قليلة

 

اشوف افضل طريقة عشان نشور عليك بالرأي الصحيح هو ان نعرف في اي جهة انت تعمل حاليا وماهو مسماك الوظيفي ووش راح تكون خلال السنتين الى ثلاث سنين القادمة في شركتك ،، وبالنسبة لجهة الابتعاث وش التخصص الي راح تدرسه اذا طلعت برا وبأي دوله ؟ بكذا اتوقع توضح الصوره اكثر ونعرف نقارن بطريقة صحيحة .

 

كلامك صحيح ولكن هالشيء ضمن رؤية ٢٠٣٠ بمعنى متى راح يتم إنشاء شركة الصناعات العسكرية "سامي" بعد سنتين ثلاث أو حتى ٥ سنوات أو أكثر ؟ محد يدري وتراها شيء مختلف تماما عن مؤسسة الصناعات العسكرية إلي أنت راح تبتعث من خلالها + مادام الفرصة سنحت لك الآن لا تخاف ربما تجيك بعدين وأنت بخبرة أفضل ومنصب أعلى + بيكون جميل مستقبلا لو دخلت شركة الصناعات العسكرية ووقتها هم ابتعثوك دايركت ووظيفتك جاهزة لحين عودتك ولكن إلي تتكلم عنه الآن مخاطرة لأن فيه كثيرين رجعوا والمؤسسة اعتذرت منهم لحين وجود شواغر " تصريف " حتى برامج الدبلوم للمؤسسة فيه شباب خلصوا دبلوم مؤسسة الصناعات العسكرية وبعدها انرفضوا بحجة الميزانية فلا تغامر امسك وظيفتك واشتغل على تطوير نفسك ثم تطوير نفسك ثم تطوير نفسك ووقت تلاقي الوقت والزمان المناسبين اطلع وأنت مرتاح ولكن إلى ٢٠٢٠ ما أنصحك تقدم على أي خطوة فيها ترك وظيفة لأن الي نشوفه حاليا قرارات قوية من الدولة ومؤثرة وتخاف يطلع قرار يخربط الدنيا فامسك وظيفتك

 

بما انك طالع على برنامج الابتعاث فوظيفتك مضمومة بإذن الله تعالى. لكن السؤال هنا هل سيتم توقيعك قعد عمل مع الصناعات العسكرية قبل السفر و اذا كان نعم هل العرض المقدم سيكون افضل من وظيفتك الحالية ؟؟

 

خلك في الوظيفة , صحيح البرنامج ينتهي بالتوظيف ويمكن توقع عقد معاهم قبل لا تطلع برا , لكن هالشي مب مضمون و مبتعثي الكلية التقنية اقرب مثال .

 

بما انك طالع على برنامج الابتعاث فوظيفتك مضمومة بإذن الله تعالى. لكن السؤال هنا هل سيتم توقيعك قعد عمل مع الصناعات العسكرية قبل السفر و اذا كان نعم هل العرض المقدم سيكون افضل من وظيفتك الحالية ؟؟

 

نصيحة اخ لوجه الله ابقى بوظيفتك واسحب ع البعثة.
يمدي راتبك زايد كليا واحلف يمين راح يكون راتبك اقل من راتبك الحالي كيف بزيادة السنتين.
ياإخوان ترا الوضع اقتصاديا مدحدر بشكل ماتتصورونه.
والله كلام مدير مشاريع بشركة استشارية ويجتمع ما مثله بشركات أخرى يقول للحين نطلب الدولة فلوس ماسددتنا.
تخيل كيف حنا.
نصيحة اقضب ارضك وعرط بوظيفتك بس.

 

نصيحة اخ لوجه الله ابقى بوظيفتك واسحب ع البعثة.
يمدي راتبك زايد كليا واحلف يمين راح يكون راتبك اقل من راتبك الحالي كيف بزيادة السنتين.
ياإخوان ترا الوضع اقتصاديا مدحدر بشكل ماتتصورونه.
والله كلام مدير مشاريع بشركة استشارية ويجتمع ما مثله بشركات أخرى يقول للحين نطلب الدولة فلوس ماسددتنا.
تخيل كيف حنا.
نصيحة اقضب ارضك وعرط بوظيفتك بس.

 

الخبره ثم الخبره ثم الخبره. انا درجة بكالوريوس ولم دخلت الوظيفه دخل معي اشخاص عنفس المستوى وهم ماستر لكن بدون خبره.
طبعاً الموضوع عائد لك بالاخير. لكن هل مستعد تضحي براتب الوظيفة سنتين وخبرتها (شركة ممتازه زي ماتفضلت)
على امل او شي مو مضمون. ارى انها مخاطره.
ممكن تدرس ماستر بارت تايم هنا وانت تشتغل.

الله يكتب لك اللي فيه الخير.

 

وأزيد على كلام الأخوة انه مستقبل الصناعات العسكرية بالمملكة لازال مب مضمون خصوصا مع الميزانية الحالية لذلك ممكن يؤجل المشروع بأي لحظة مثل غيره من المشاريع فخلك على المضمون

 

ما ازيد على كلام اخوي ، لكن لك ان تتخيل قريب لي خريج هندسة كهربائية درس الماستر ثم توظف تدري وش الغبنه ؟ انه لما توظف قابل بعض زملاؤه بنفس الشركه لكن هم توظفوا مباشره اول ما تخرجوا فبالتالي اصبح معهم خبره سنتين او اكثر بالمقابل هو معه ماستر ،، يوم جلس يشوف اكتشف انه مميزاته نفسهم ! ، شغله ثانيه بعض الشركات وانت معك ماستر يوظفونك عالبكالوريوس فتكون ضيعت سنين جهد ودراسه ومثلك عارف ،، اذا انت لك طموح اكاديمي فهذا شي جيد لكن ادرس على حساب شركك الحاليه دامك مرتاح معهم ومعجبك الوضع و كل شي مضمون لك ،، واذكر شركات كثير تبتعث موظفينه مثل ارامكو سابك وووو .. ...

 

انا تركت وظيفة ايام العز والوظايف
ورحت اكمل ماجستير والحمد لله اخذتها بتقدير جيدجدا
والحين لي سنه عاطل الحمدلله
بالقوه حصلة وظيفه راتبها ٤٥٠٠ ريال الحمد لله
صحيح انها فرصه تاخذ شهاده اعلي ولكن وش فايدة الشهاده العاليه اذا كانت تنفر الشركات منك وتقلل فرصتك بالتوظيف
هذا فقط اذا حصلت عليها (عوامل اخرى كثيره تؤثر عليك زي العمر و و و ...)

 

اذا تبغى تطلع بعثة عن طريق بعثتك وظيفتك

اسئل الموظف المختص في القطاع قوله وين الرقم الوظيفي ؟؟

اذا قالك ماعندنا اعرف انه بعثتك بدون وظيفتك

الوظيف الحالية تكسب خبرة ومع الازمه الاقتصاديه الواحد مايصدق يحصل وظيفه

 

انا مهندس ولي 15 سنة انصحك انك تروح مادام الوظيفة موجوده ومظمونة ليش لا

وعلى فكرة السعودية وضعت شرط في عقود التسليح Local content في 460 مليار دولار في الصناعات الامريكية خلال 10 سنوات القادمة بمعدل 46 مليار دولار سنوي لو حسبتها بالريال 172 مليار ريال سنويا منها مبلغ لتدريب السعوديين وراح تضطر الشركات المصنعه الامريكية يحطون سعوديين وبرواتب خيالية
********نصيحه روح للبعثة وانت مغمض وترجع تتشرط على شركة lockhead martin وتشتغل في مشروع صيانة F-35 الشبحية عقود بالسنوات للين تتقاعد
روح كمل البعثة والله يوفقك

 

انا زييك يا خويي جاتني بعثة من الخطوط ومحتار والله

 

والله انا ندمان ماكملت دراستي العليا للامانة الماجستير والدكتوراة راح تنفعك لو بعد حين

 

ماجستير في نفس التخصص الهندسي أو في تخصص آخر كإدارة أعمال مثلاً