اتعب ولكن يذهب تعبي هباءا منثورا

وعليكم السلام ورحمة الله وبركاته
اول شيئ هذي مو نهاية الدنيا ,ثاني شيئ بعطيك مثال على شخصين واحد يقرأ خمس اجزاء من القران الكريم كل يوم بدون تفكر والثاني يقرأ من القران الكريم كل يوم ثلاث ايات بتفكر وتدبر وفهم وصدق مع ربه

برأيك من الافضل؟ ........ اعتقد فهمت وش ابي اوصلك من هذا المثال لذلك انا اجزم ان في عندك خلل في المذاكره يمكن يكون الكونسبت او يمكن يكون مستوى الاسئلة اللي انت تحلها مايأهلك لدخول الميجر راجع خطوات شف وين الخلل اللي عندك والله يوفقك

 

ما ادري وش الخطأ في مذاكرتك لكن نصيحة لاتضغط نفسك بالمذاكرة ... ترا النتائج تكون عكسية
ارتاح على الاقل يوم الجمعة ...

 

اولا اوصيك بالدعاء قبل ما تبدا مذاكرتك ادع الله انه ييسرلك و يسهل عليك الي بتذاكره

ثانيا خل مذاكرتك للفيزياء مذاكره تدريجيه يعني ابدا اول شيء بالكونسبت وبعدين روح للامثله السهله وذا كان فيه اسئله سهله حلها وشوف حليت صح ولا لا اذا ما حليت الاسئله السهله معناتها ان عندك مشكله في الكونسبت ارجع للكونسبت وحاول تراجع المفاهيم ، اذا حليت الاسهل انتقل للمتوسط ثم الاصعب كذا طريقة المذاكرة يعني انا ما انصحك انك تحل الاصعب على طول بعد الكونسبت ومو بس كذا في كل المواد اتبع الطريقه هذي

اخيرا ممكن تقولنا كيف طريقة مذاكرتك المصادر الي تذاكرها ممكن نقدر نفيدك


أرسلت بواسطة iPhone بإستخدام Tapatalk

 

عارف كلامي ما راح يفيدك جدا ، بس الفيزيكس كذا طبيعتها مقدار المذاكرة ما يضمن لك درجة خرافية

الفهم الكامل هو اللي بعد الله بيعينك

شد حيلك في المواد الثانية الماث ics انقلش لا تخلي كل جهدك على الفيزيكس ابد

 

عليكم السلام ..

أول شيء كلامي و كلام غيري ما راح يفيدك كثير إلآ إذا ذكرت طريقة مذاكرتك .

أنا لما كان عندي فيزكس كنت أسوي الآتي :

1- بالمحاضره كنت اركز مع المدرس ولا أكتب شيء . بس أركز و أحاول على الأقل اخذ الفكره العامه للدرس .

2- كنت الشيء اللي ماني فاهمه او ما اعرف فيه شيء أبد . افتح النت و اشوف شرح خان ، بيعطيك فكره حلوة عن الدرس .

رابط موقع خان للفيزكس هنا

3- افتح البلاك بورد و افتح فيديوهات الفيزكس اونلاين و اتابع و افهم معاهم الدرس < كانوا مصدري الاساسي للفهم .
و بيكون شيء جميل لو تكتب نوت معاهم و تكتب امثلتهم في دفتر .

4- حل التشيك بيونت علشان تتأكد انك فاهم الأساسيات , بعدها حل اولد اقزام عبيد و إنتبه منه تراه يحل بعض الاسئلة خطأ .

* كنت احل بعد بعض أسئلة الكحيلي من هنا .

*رهيبة أسئلته و غلبا مستواها اعلى من المياجر Dropbox - SOLVED EXAM PROBLEMS
أهم شيء تفهم ليه و كيف جا الحل .

5 - اي سؤال ما تعرفه من الاولد اقزام اسال الدكتور او شخص فاهم و يفضل تروح الاوفيس اور .

6 - لو تحضر ريستيشن مع الدكتور واثق خصوصا اسبوع الميجر بتستفيد كثير لأنه يحل اولد اقزام .

 

انا ماعرف وش مشكله مذاكرتك


لكن

1- اعتقد انك اذا جيت تحل المسائل تتطالع في الحل ع طوول اذا ما عرفت وهذا خطا مو مشكلة اذا تقعد ع مساله وحده ساعه ساعتين لكن بعد هالساعه ساعتين راح تقدر تحل كثير من المسائل بسبب مساله وحده

2- المسائل المقترحه في الموقع ركز عليها

3- خان اكادمي اذا تعطيك فكره عن الدرس لكن لا تعتمد عليها لان الكتاب عندنا مفصل اكثر

4- لا تذاكر من مصادر كثره

5- اذا حليت المساله لاتناظر طريقة الحل فقط شيك ع الجواب النهائي

 

ركز ع الكونسبت .. واعرف من أين تؤكل الكتف ..

 

ربنا مايضيع تعب لأحد ، وكل التعب اللي الانسان يتعبه يحصل نتيجيته في شيء متوقعه او غير متوقعه وسواء كان حاسس بالنتيجة او مو حاسس فيها.... قال تعالى ( وقل اعملوا فسيرى الله عملكم ورسوله والمؤمنون)....

هذه مقدمة .... بالنسبة لماذا لا يشعر الانسان بنتيجة مذاكرته فهناك اكثر من سبب .... الاول انت اعتمدت ع تقييمك ع درجة الامتحان والامتحان مو شرط يكون تقييم صحيح لفهم الطالب ... احيانا الاسئلة تكون مركزة ع فكرة واحدة او تكون الاسئلة تهتم بتفاصيل وليس بالفكرة الاساسية او يكون التصحيح اصلا سيء.... فهذه نقطة...

النقطة الثانية : هل انت تعتمد ع كمية المعلومات اللي تفهمها ولا على كمية الوقت المبذول ؟!!! بمعنى هل انت تقنع نفسك اني اذاكر لمن اخر الليل والويكند وكذه اكون ارضيت ضميري بغض النظر انك فاهم او لا ، ولا تحاول انك ماتعدي كونسيبت الا وانت فاهمه تماما.....

النقطة الثالثة : هل وانت تذاكر تعطي عقلك تركيز كامل ام لا ، كثير من الطلاب يذاكر وهو مشتت يعني يذاكر والواتساب شغال بجنبه وشوي يشيك ع الايميل وشوي ياخذ له وجبة دسمة مليانة دهون من ماكدونالدز... وهذا كله يحسبه من وقت المذاكرة...

حاول انك تقتني كتاب اسمه Study Smarter not Harder يمكن يفيدك...

ربنا يوفقك ومايضيع لك تعب وتذكر : اذا لم يكن عون من الله للفتى فأول مايقضي عليه اجتهاده..... اذا عندك صديق شاطر ومجتهد، اساله ايش الفرق بين مذاكرتك ومذاكرته لانك انت ذكرت مثال واحد فقط وهي مادة الفيزيا 101