احتاج مُنتج ينضم معي لمشروع قد يغير أمور كثيرة في المملكة + أجر لا نهائي

سلام عليكم ,

كيف حالكم شباب ؟!

أنـا عندي مشـروع كـبير بسويه , أحصل من خلاله على الأجر , وعلى الشهرة والمال بعد فترة . وبنفس الوقت عن طريق هالمشروع بغير مسار التعليم في المملكة العربية السعودية إن وفقني الله .

المشروع جا في بالي من فترة طويلة ومو راضي يطلع من بالي ابد , كل ما احاول اتجاهله أرجع افكر فيه , وكل مرة افكر فيه اطوره اكثر .

كم مرة درسّك شخص وبسببه خلاك تكره المادة ؟ ويمكن خلالك تحول تخصصك حتى أو جامعتك ؟ وكم مرة دعيت على مدرس في ظهر الغيب ؟ وكم مرة اتمنيت ان الترم الجاي تختار مدرّسين ممتازين ويعرفون يشرحون ؟!

نفس الشيء بالنسبة لكل طالب في السعودية من مختلف المناهج , لكن على الأقل حنا في البترول هنا نعرف نتكلم انجليزي , ولو طحنا مع مدرس ما يعرف يشرح, يمدينا نفتح اليوتيوب ونتابع شروحات تعليمية لناس مرموقين وعندهم حس ابداعي في الشرح ويدخل المخ بسرعة .

صحيح ان فيه اغلبية ماتسوي الشيء هذا بسبب الإحباط العالي الذي يسببه الاستاذ , لكن في بعض اخر يلحق على عمره ويسهر ع اليوتيوب شروحات×شروحات .

ولله الحمد , أي شيء تبحث عنه بالانجليزي على اليوتيوب بتحصله يعني بتحصله لأي درس !
سواء كان ماث , او فيزكس ( وهذول هم المادتين الأصعب ) أو حتى باقي العلوم الأخرى من إحصاء وكيمياء وغيرها . ويتنوعون المدرسين من مختلف الجامعات حول العالم وكلهم يتكلمون "انجليزي" حتى لو كان روسي .

جميعنا نتفق ان الانترنت الحين دخل كل بيت بعد النهضة الانترنتية الي دخلتها المملكة
لذا , مافيه احد ما يعرف الفيس بوك , او اليوتيوب , التويتر وغيرها .

لكن خلونا ننتظر لحال طلاب الثانوية ! الي لو احد فيهم طاح مع مدرس خايس , بينّكب معاه لما يتخرج يمكن لأن بالعادة مدرس الرياضيات في الثانوية يدرسك اكثر من ترم حتى, وبعضهم يدرسك كل السنوات حتى في بعض المدارس الا المدارس الي لها دعم كبير من وزارة التعليم .

والمشكلة ان طلاب الثانوية ما يعرفون يتكلمون انجليزي عشان نقول يمديهم يتابعو شروحات ع اليوتيوب انجليزية لأن الشروحات العلمية العربية منعدمة بشكل كبير ! تلاقي شرح لدرس واحد فقط لكل فصل , او يمكن ما تلقى حتى شرح لبعض الدروس .

المشروع الي بسويه انا , هو برنامج تعليمي على اليوتيوب , تكون مدة الفيديو ممكن 15 دقيقة اشرح فيه دروس " لفترض : ثاني ثانوي الفصل الثاني".

وضعي ماراح يكون مثل PatrickJMT ( ابحث عنه باليوتيب اذا ما تعرف هالانسان القدير )
لكن بإخراج أفضل وخيال أوسع , بحيث ان الشخص لما يتابع البرنامج لدرس معين , ماراح يحس بالملل ! وما يحس انه بفصل ! لأن الطالب اصلن ما يصدق على الله يدق الجرس عشان يفتك من المادة . وكذلك معروف ان الي يقدم مادة علمية , فهو "إنسـان مُمِل !!" .

عشان هالشيء أحتاج أكوّن فريق ومن أهمهم هو المنتج .
وأنا بكون الشخص الي بيشرح .


سويت أنا بعض المقاطع على اليوتيوب تطلع فيها يدي ودفتري , تقريبا اربعة مقاطع لدروس متنوعة , وجتني رسائل شكر كثيرة من طلاب ثانوية ! وكثير منهم دعو لي وقالو اني اعرف اشرح "التدريس ليست وظيفة , التدريس مهارة" . فانا على تعليقاتهم وشكرهم لي , قلت اني اعرف اشرح ان شاء الله واقدم المادة بطريقة ميسرة وحلوة .

فتخيلو , لو كان فيه انتاج ابداعي في كل شرح لدرس ؟ البرنامج هذا بينتشر بشكل فظيع بين كل طلاب المملكة , وكم عندنا طالب ثانوي اصلن في المملكة وطالبة ؟! بالآلاااف !! ولا تنسو ان الحين صارت المناهج مطوّرة , فكثير من المعلمين قام يخبص , وهذي فرصة للبرنامج انه ياخذ مكانه حتى يوصل لمرحلة ان المدرسين يتابعون القناة على اليوتيوب ويعتمدون على امثلة الشرح فيه وطريقة الشرح .


وعن طريق هالبرنامج , راح أوصل كلمتي لوزارة التربية والتعليم , بأن كلية المعلمين , هي أهم كلية على الإطلاق ! لأن عن طريقها , يتخرجون الأشخاص الي ينشؤون الأجيال ويبنون الأمم ! مو كل من حصل على نسبة 70% راح صار مدرس .

المهم , مسألة كلية المعلمين هذي مسألة طويلة راح اشرحها بشكل مفصل لما اكون الفريق وهو "انا , ومُنتج , دافور (حتى يدقق وراء اغلاطي في الكونسبتس لأني ماني بدافور) , ومصمم فوتوشوب عشان يسوي اعلانات لكل باب او كل درس.

الدافور لقيت لي واحد وكلمته ووافق , والمصمم كلمته وبعدها ما رد علي وسحب شكله مات خخخخخخ ماني قادر احصله ( روميتي السابق )


لو اكتمل الفريق , بنبدأ بالمشروع من الفصل الدراسي الجاي , نحاول ننضم وقتنا وننزل الحلقات على قناة لنا في اليوتيوب , وكذلك نسوي صفحة فيسبوك .

تخيلو يا اخوان , بكل مشاهدة على اليوتيوب تحتسب فيها أجر عند الله .

ولا تنسو ان ابن ادم اذا مات , انقطع عمله إلا عن ثلاث : وواحدة منهم "علمٌ يُنتفع به"


طبعاً المشروع هذا استشرت فيه أحد الدكاترة واعجبه جداً وشجعني عليه ونصحني اني اكوّن فريق .



إذا عندك أي استفسار اتفضل وبشرح اكثر ,

قناتي على اليوتيوب : http://www.youtube.com/user/Mathiology?feature=mhee

شوف التعليقات والشكر , وعدد المشاهدات , وكل هذا تقريباً بشهر يمكن ! هذا غير ان تجيني طلبات من طلاب وطالبات اني اكمل شرح الدروس.

 

لكن بإخراج أفضل وخيال أوسع , بحيث ان الشخص لما يتابع البرنامج لدرس معين , ماراح يحس بالملل ! وما يحس انه بفصل ! لأن الطالب اصلن ما يصدق على الله يدق الجرس عشان يفتك من المادة . وكذلك معروف ان الي يقدم مادة علمية , فهو "إنسـان مُمِل !!" .

عشان هالشيء أحتاج أكوّن فريق ومن أهمهم هو المنتج .

 

إيش المهارات الموجودة عندك ؟! فوتوشوب , مونتاج , صوتيات , خبرة بالميكروسوفت اوفيس , شاطر بالفيزياء ,

بالنسبة لشطارتك بالماث ,ايش نقاط القوة عندك في الماث ؟
هل هي يعني calculus I, or II , or III , or algebra

 

ايش الخبرات الي عندك اخوي حتى اعرف ايش بتساعدني فيه . اذكر لي مهاراتك وخبراتك
يعني برمجة مواقع مثلن , فوتوشوب ..الخ

 

أول مرة اسمع بمدرسة أريب رغم اني جلست فترة ابحث عن الأشخاص الي يقدمون اعمال خيرية تعليمية وما كانو احدهم .
الأهداف حقت مدرسة أريب مشابهة بشكل كبير لأهداف , لكن عندي كلمة ابغا اوصلها لوزارة التربية والتعليم , ولكل الوزارات التربوية التعليمية في العالم بخصوص كلية المعلمين .
بالنسبة لمدرسة أريب , فإنضمامي لهم ماراح يحقق الشيء الي ابغاه . لعدة أسباب :
الاولى , نظام الشرح عندهم , وانا سويت اقتباس من كلامي للأخ سيلفر بوي بأني ما ابغا شي مشابه لأكاديمية خان . لأن فيه مقلدين كثيرين لأكاديمية خان , منهم جودة اكاديمي ومدرسة أريب والله اعلم ايش بعد , مع العلم ان مدرسة اريب تقريباً شغلهم هو ترجمة اعمال خان دامهم ماخذين الإذن منه ! هذا غير انهم يتكلمو بالفصحى وهذا شي ممل بالنسبة للطالب ض1

الي انا ابغا اسويه , هو برنامج ممتع شبيه بـ "إيش اللي" و"لايكثر" ,لكن المضمون يكون تعليمي .

الطالب لما يشاهد فيديو , يبغا شي جذاب وممتع !

بالنسبة لي , انا احب شروحات PatricJMT أكثر من خان , لأن باترك تقدر تشوف يده ! مو خان الي ما تدري حتى كيف شكله . فانا من متابعين باترك ( هذا الكلام شخصياً )

ايضاً, مدرسة اريب حسيت بشروحاتهم بنوع من الملل, ما حمسني عشان اكمل المتابعة.

شكراً أخـوي لك

 

هذا الي انا ابغاه بالضبط ! .

من ناحية الشرح , بحطك باللائحة لما الاقي المُنتج واضبط الوضع . لا تستغرب لو جتك رسالة بعدين مني ع الخاص .

 

طبعاً يا أخوان , مادري اذا كان واضح من كلامي أو لا .

عكس مدرسة أريب , وعكس أكاديمية خان , وأكاديمية جودة ,

شرحي انا راح يكون معتمد بشكل أساسي على كتاب ثاني ثانوي مطور الفصل الدراسي الثاني ( قد يكون أول ثانوي يعني ) لكن ماراح يكون ثالث ثانوي لأنهم يدرسو الكتب القديمة .

أنا راح أشرح فصل دراسي واحد كامل , ويكون تجـربة لعمل الفريق , واستناداً على آراء المشاهدين والطلاب والطالبات , وكثير من الأصدقاء . راح نحدد إذا نكمل العمل ولالا .

مدرسة أريب على سبيل المثال , يشرحون بشكل عام لجميع العرب ! بينما شرحي أنا راح يكون مُخصص للسعوديين والسعوديات بما اني هعتمد على الكتاب .

كتاب اول ثانوي وثاني ثانوي مطور موجودة عندي واطّلعت عليها , وكذلك اطّلعت على منتديات تعليمية وواكتشفت ان كثير معلمين ومعلمات ( الأغلبية معلمات ) مخبصين في شرح المنهج وطلاب وطالبات ضايعين بالحضيض ( ومثل ما تعرفون نبغا الكل يدخل البترول عشان يكثرون الاوريات ض1 )

 

اخـوي فيلون , ممكن أشوف تصاميمك ؟!