اختبار شركة معادن

الحمدلله رب العالمين على كل شي.. اخوي ماقلنا شي بس نحاول نعرف حنا على بر لو بحر.
والي تواصل معهم يعطينا العلم غير الهرجة الي هرجوها.

 

وانت صادق يا UAVs. نبي نعرف برنا من بحرنا. المشكلة كل خبر منطقي نسمعه من احد الشباب بهالخصرص، دائماً يعارض الخبر الاخر، ولا حنا عارفين زين الكلام اللي بيمشي

 

الارقام اللي فوق محد بيرد عليها ،مدري ايش الهرجة .
اي جديد يا شباب ؟ اي معلومة او خبر ؟

 

اي جديد؟

 

توني مكلمهم، مو فاهم شي غير انه اندر بروسيس واذا عديت المقابلة بيكلمونك قلت انتم الريدي رديتم على شباب. اللي مارديتم عليهم بيجيهم الرفض ولا كيف قال مادري اشوف اكلم الشخص المسؤوول عن المووع هذا بس هو في الرياض. بالتوفيق للجميع.

 

اي جديد يا شباب ؟

 

لا يوجد اي جديد

 

ما صار شي معي للان

 

اخوي الكريم عماد، مشكور سعيك، بس لو تعطيني الرقم حقهم واحاول اخذ منهم كم معلومة زيادة. نبي نعرف متى احتمال يجينا الرد. ابطو علينا حييييييل.

 

امس اتصلت عليهم رد عليا فلبيني قلي اسال الاستاذ عبد الإله الغانم هو مسؤول التوظيف ، دقيت عليه محد رد وهذا رقمه
0118748379

ياليت اللي بيدق عليه يستفسر عن أنه هل ردوا على كل الناس بالقبول ولا بالتخصصات او بالاقسام لانه في ناس جاهم رد بالقبول .
وياليت الشباب الموجودين هنا يذكرو تخصصاتهم عشان نعرف ، انا هندسة ميكانيكية.

 

اتصلت عليه الان يا شباب وقلي تم التواصل مع جميع المقبولين وحظ اوفر .

الحمدلله على كل حال .

 

هل تواصلت مع عبدالاله الغانم؟

 

مع الأسف الشديد، أاكد كلام الاخ ياسر، توي كلمتهم وقالي مثل الكلام. الله كريم، اقلها رسالة feedback يا معادن.

 

الحمدلله على كل حال
بصراحة أسلوب سيئ من شركة كبيرة زي معادن
أقلها رد..

 

فعلا شي غريب.
عسى ان تكرهوا شيئآ فهو خير لكم.

 

للأسف وضعهم ما يسر الناظرين.. الله يعوض علينا

 

الغريب في الموضوع اني تواصلت مع 5 ميكانيكال من برى المنتدى و هنا في المنتدى في أكثر من 5 اشخاص، معقولة ولا واحد منهم جاه رد! شيء محير فعلا

 

شباب هل من حقنا نطالب بقيمة تعويض تذاكر السفر ؟

 

شباب، انا توي تواصلت مع الموظف. كلامه كان كالتالي: احنا تواصلنا مع المقبولين. فقلت له انا ما جاني لا قبول و لا رفض، فقالي اذا ما جاك رد أظن ان لم يتم ترشيحك ( ركزو على كلمة اظن). فأنا حسيت ان الموظف أساسا ماهو بمتاكد من كلامه بس طبعا ما راح يقدر يقول انه ما يعرف. طبعا كلامي هذا مجرد تحليل. وللامانة، الاستاذ عبدالاله تعامله راقي وبروفيشنال بطريقة مثالية، أظنكم التمستوا هالشي يوم المقابلة.
وانا سمعت من احد الشباب اللي شغال حاليا في معادن وقالي ان شركة معادن في حال رفض متقدم، يرسلون لك إيميل يشير الى ذلك، يعني مايعلقونك مثل اللي صاير الحين.
وايضاً قالي ان هناك فرص وظيفية كثيرة للمهندسين وبالأخص الميكانيكال، خصوصا هذي الفترة فغير معقول ان ما يردو على ولا شخص مننا. وايضاً قالي ان معادن عندها توظيف.
فأنا اقولكم ي شباب الميكانيكال و الايكتريكال انه لازال هناك أمل قوي باْذن الله، والغالب ان هاذول التخصصات لسى مارسلو العقود لهم.
شباب، اللي يقدر يتاكد بانه تم رفضنا أو لازال هنالك الفرصة ياريت ينورنا، ويا حبذا الموظف اللي يجاوبك بشي يوثقه بايميل لكي يكون حجه على الجميع.
موفقين ي شباب.

 

يا اخ جوجو انا لما اتصلت على الاستاذ عبد الإله قلي أنه هم تواصلوا مع جميع المقبولين وقلي أنه هم سوو مقابلات مع عدد كبير وعدد اللي عدو المقابلات ١٠٠ تقريبا اما عدد الوظائف الشاغرة قلي حول ٤٠ .فقلي أنه هم سوو فرز وافضلية في اللي عدو المقابلة ( هاذي نقطة ما فهمته منه ومادخلت مزاجي ) وتواصلو مع ال٤٠ شخص . وفي الاخير قلي حظ اوفر وقدم السنة الجاية ( اذا ماكان متاكد ماكان قال الكلام هذا ) .
على العموم الله يكتب اللي فيه الخير للجميع .