ارائكم في الجامعه + اساله

انا الحين باقي اول سنة فما عندي خبرة ولاكن بالنسبة للقبول

كالتالي :

20% =الثانوي

30% =القدرات

50% =التحصيليى


نسبة القبول العام الماضي =87%

انا معدلي في الثانوي كان 86% والقدرات 85% والتحصيلي 90% وجبت مركبة 87 % بالضبط والحمد لله انقبلت

 

انك تكون تاجر ما له دخل بالهندسة أبدا.
الهندسة لها علاقة بالرياضيات بشكل عام و الفيزياء ، و الكيمياء اذا كنت هندسة كيميائية. الهندسة عبارة عن حل مشاكل فإذا تحب حل المشاكل و تحب الرياضيات و الفيزياء فهي تناسبك.

طبعا هذا ما يمنع انك تكون تاجر و لكنه محا يفيدك بشكل مباشر في هدفك الرئيسي بينما الادارة ، المالية ؛ التسويق هذه بتنفعك بتجارتك و تخليك اشطر من غيرك في تجارتك.

أي أسئلة ثانية آمر ، و الله يكتب لك الخير.

 

1. النسبه تسمح لي بدخول الجامعة

تختلف من سنة لسنة لكن المتوسط آخر كم سنة يمكن 85 (تراكمي)

1. الدراسه في الجامعه نفس الثانويه ولا اصعب

طبعًا أصعب... مو بس جامعة البترول... كل الجامعات

1. اختار التخصص بعد السنه التحضيريه ولا وقت التسجيل في الجامعه

على نهاية السنة التحضيرية... و مؤخرًا صار يعتمد على معدل التحضيرية

1. انواع التخصصات وافضلها (السبب)

لا يوجد أفضلها... أتبع ميولك الشخصية حتى لا تندم

هذه التخصصات الموجودة:
http://www.kfupm.edu.sa/departments/admissions/SitePages/ar/ContentDetailsPage.aspx?CUSTOMID=17&LinkID=LinkV13
و هذه شروط القبول بكل تخصص:
http://www.kfupm.edu.sa/departments/admissions/SitePages/ar/ContentDetailsPage.aspx?CUSTOMID=36

موفق

 

الهندسة = رياضيات وفيزياء (+ كيمياء شوي اذا بتتخصص هندسة كيميائية))

اهم شي الفيزياء...تحب الفيزياء والماث ممتاز فيهم ؟؟ بتزبط امورك هنا بالبترول ولا اي جامعه

ماتحب الفيزياء ما انصحك هندسه ابد..

وش اصعب الجامعه ولا المدرسه...

مافي مقارنة لدرجة اني ما اعتبر ال3 سنوات حقت الثانويه دراسه من يوم جيت هنا...خصوصا اخر سنتين بالجامعه راح تنحط بقدر ضغط..

بالتوفيق

 

أنا برضو ميولي ما كانت واضحة للأسف... و اللي سويته هو إني مسكت الكليات هنا وحدة وحدة و بديت استبعد اللي مو مناسب لي بعدين مسكت التخصصات وحدة وحدة و بديت أستبعد اللي مو مناسب لي إلى أن وصلت للهندسة الميكانيكية
التخصصات:
http://www.kfupm.edu.sa/departments/admissions/SitePages/ar/ContentDetailsPage.aspx?CUSTOMID=17&LinkID=LinkV13

ادخل هنا و أمسكهم كلية كلية و إتبع طريقة الإستبعاد

و على فكرة اليوتيوب فيه طن مقاطع شروحات لكل تخصص و في بعضهم مشروحة من قبل طلاب/دكاترة الجامعة

شوف هذه القناة فيها شرح لأغلب التخصصات و كلهم من طلاب الجامعة
Kfupm Snap

و برضو شوف هذا الفيديو للدكتور صالح... جميل جدًا


لا تستهين بموضوع اختيار التخصص... موفق

 

الفيزياء اللي في المدرسه لاتعتبرها فيزياء...اكيد هنا بالجامعه الوضع مختلف تماما..انا كنت احسب الموضوع قانون وطبق نفسك ايام اول..بس يوم جيت هنا اكتشفت انها شي مختلف جدا

لا هنا لازم تفهم السؤال تماما وتتخيله...في الجامعه راح تشوف معطيات ناققصه ماتحصلها بالسؤال...لازم تكون فاهم عشان تطلعها

هنا يعطونك مليون الف قانون انت لازم تكون فاهم الدرس صح عشان تعرف اي واحد تستخدم

هنا راح تستخدم charts & tables..لازم تعرف كيف ومتى تحتاجها وتستخدمها

اذا ودك هندسه انسى انك تحفظ القانون وتجي تحط المعطيات ويطلع لك الناتج...نادر ان السؤال يكون كذا.

بالنسبه للملخصات...بتكلم عن جامعتنا ما ادري عن الجامعات الثانيه.....هنا مافي شي اسمه ملخص نسينا ذا الشي من اول يوم اوريا

تذاكر كل شي الكتاب الاشياء اللي تكتبها ويه الدكتور...اي شي ترتاح له انت في الفهم...وراح تحل مسااااائل كثيييره و90% من الاوقات ما في امل تحصل اي من اللي ذاكرتهم بالاختبار...مسائل الاختبار شي مختلف تماما....انت تحل مسائل كثيره بس عشان تفهم اكثر مو عشان انه وحده منهم بتشوفها في الاختبار مغيره ارقامها....بس لاتخاف ترا اذا انت ذيب وفاهم تقدر تحل....بس ابغاك تفهم الفرق بين الثانوي والبترول

في الثانوي تحفظ كل شي فيزياء ماث كيميا احياء تفسير كلهم سوا... ترا ماتتعلم الا ماندر وهذا خطا عندنا بالوزاره..في الجامعه ماتعدي اصلا اذا مافهمت

بالتوفيق وعن اذنك عندي فاينل Heat Transfer بعد شوي والله يعينا عليه ...انشاء الله افدتك

موفق