ارجوا الرد السريع قرار مصيري !

جيولوجيا كأنه مب سيء ورواتبهم زينه ........طبعا بتحصل وظيفة ان شاء الله اذا جيت الجامعة ........انت شوف اذا تحس ان هالتخصص يجذبك روح ارامكو ............والقرار النهائي لك

 

حددوا لك مكان العمل؟ الجيولوجي غالبا بيشتغل في أماكن نائية عندك استعداد؟ كنت تحب الجيولوجيا في المدرسة؟ عندك استعداد تطلع تدرس 4 سنين برا؟

 

سامي هل العرض اللي جاك من أرامكو بعثة داخلية ولا خارجية ؟

لو تحب الجيولوجيا ومستعد تكون وظيفتك بهذا المجال والعرض كان ابتعاث داخلي فلا مانع من إنك تجمع بين أرامكو والبترول وتضرب عصفورين بحجر .. تدرس بالجامعة هنا وتمشي لك مكافأة وتكون ضمنت الوظيفة

 

انا انقبلت في ارامكو هندسة مدنية في برنامج اظن اسمه cdpne. بس الحمدلله طلعت منه بعد الاستخارة. لان في ارامكو ممكن يحطونك في اي مكان يبغونه ومجبر انك تشتغل عندهم بعد التخرج وصعب جدا انك تطلع تكمل دراسات عليا وانت عندهم.
والحمدلله الجامعة ممتازة واحسن بكثير من برنامج ارامكو. ممكن تتخرج من الجامعة بمعدل عالي وتشتغل بعدها عندهم بدون قيود​

 

شوف يا حبيبي مدام انك ما شاء الله انقبلت في ارامكو ليش حترسب في البترول .. هذا مو معناه ان البترول اسهل او كذا .. بس البترول مو زي ما تتصور .. الي يرسب الطلاب في الاوريا الانقلش والماث واكيد ارامكو ما قبلتك الا وانت على الاقل جيد جدا فيهم .. انا جاتني زي فرصتك من ارامكو لكن ولله الحمد رفضتها ورحت البترول .. الواحد ما يدري ايش يسير معاه بعد 5 سنين يمكن لظرف معين تحتاج تشتغل في المدينة الي اهلك فيها وتكون معاهم .. ك جيولوجي ملتزم مع ارامكو حتقدر؟؟ وطبعا غير انه لمن تدخل الجامعة حتشوف التخصصات كلها واحتمال كبير تجذبك تخصصات مو ف بالك
صل الاستخارة والله يكتبلك الخير

 

من وجهه نظري اشوف ان الدراسة بالجامعة بشكل مستقل عن اي شركة او جهة يعتبر افضل

لانك بعدين ما تدري وش يصير لك وترا بعد اربع سنين راح يتغير تفكيرك وشخصيتك كثيير فا يمكن تجيك رغبة تطلع لشركة او مكان اخر بس انت ملزم

الشي الثاني انه الراتب اتوقع يكون اعلى اذا تخرجت بالجامعة ومعدلك كويس من انك تدري عند ارامكو لأن الشركات بتتنافس عليك كل شركة تزيد عرضها عشان تجي

اما اذا كنت فارامكو بيعطونك راتب محدد متفقين عليه من البداية < على حسب علمي ... مو متأكد

وفالنهاية انت استشير الواحد الأحد قبل كل شي وتوكل على الله واللي ترتاح له نفسك رح له لانه لا احنا ولا انت ندري وش المكان اللي فيه خير لك

انا اشوف التحضيرية مو صعبة ابداً ( مع اني انقبلت بالدفعة الثانية ومعدل القبول حقي كان 82.3 ههههه اتوقع اقل معدل انقبل على تاريخ الجامعة ) وهذا انا الحمد لله عديت اول سنة بالتحضيرية واشوفها شي حلو ومقدور عليه بالراحة بس لازم ما تطنش واجد