ارشادات وتوضيح هام عن Assessment Test

اخوي هل اختبار الفرفكيشن يجي من نفس اسئلة الاونلاين اسسمنت ؟

 

السلام عليكم

اليوم اتواصلوا معي بخصوص اعادة الفرفكيشن تست بعد ما سويته يوم 7 مايو واخذت عليه verified. طلبوا مني اعيد قسم اللوجك و النومركال للفرفكيشن وليس كامل الاختبار!!.
مدري ليه صار معي ذا الشي لكن لعله خير.

هل فيه احد صار معاه نفس الشي؟

 

^ بالغالب يكون بسبب انه درجاتك بهالجزئين سيئة و يبونك تحسنها

 

ما تجي مثلها بالنص و الارقام لكن تجي نفس الافكار او تدور حولها.. كل ما تدربت اكثر كل ما استيعابك صار اسرع و فهمك صار اكبر.. غالبا اسئلة النورميركال تدور حول حسابات النسبة و الريشيوز (الجبرا حق ابتدائي و متوسط) و هو سهل طبعا للمهندسين لكن المشكلة في الوقت المتاح و هم عارفين هالشي لذلك ما في درجة نجاح او رسوب و هالاختبار يقدمونه عشان يفاضلون بين المتقدمين لا اكثر و مادام انهم طلبوا منك تسوي الفريفيكيشن فإن شاء الله امورك تمام معاهم بس تحتاج للصبر لاني اعتقد انك تجاوزت مرحلة المفاضلة بالاختبار اللي سويته اونلاين من قبل...

 

السلام عليكم ،،

انا سويت المقابله وكانت جداً كويسه وبعدها ب اسبوع جاني ال online assessment وعطوني اسبوعين تقريبا الديد لاين وصراحه ما استعديت له كويس على انه بس انديكيشن للسوبر فايز او المانيجر المباشر ،، وحسيت اني جبت العيد ،، فسألت شخص بعد الاختبار ب اسبوع تقريبا قال اني dropped out of the list ما ادري عن صحة الخبر لانه ما جاني ايميل منهم . فتتوقعون اذا الخبر صح ف هل هو عشان الاختبار الاون لاين ؟

وفالنا التوفيق جميعاً يا رب .

 

^ هل الشخص اللي سألته موظف بمكتب التوظيف تبع أرامكو ولا شخص تعرفه؟ إذا مهوب موظف مكتب التوظيف لا تمشي على كلامه مو شرط يكون صحيح و لو انه صحيح مو شرط يكون بسبب درجة الإختبار، انا صارلي نفس الشي سويت مقابلة قبل الإختبار و بعدها بأسبوع اختبرت و هالكلام من اكثر من شهر و للحين ما ردوا علي ولا كلموا بخصوص القبول، الرفض، او الفيريفيكيشن تيست، و الحين عندي مقابلة مع قسم ثاني بس ادري هم رفضوني و زحلقوني على قسم ثاني ولا للحين يكملون إجرائاتي. مشكلة أرامكو انه ما عندهم شفافية بإجرائات التوظيف.

 

السلام عليكم ياشباب, انا قدمت من يوم المهنة ولا ردولي خبر. هل أستطيع اني اطلب منهم اني اكمل الاجرائات, يعني اسسمنت تست وفريفيكيشن وفحص ؟
عشان اخلص منها وافتك.

 

ايه سألت واحد في ادارة التوظيف ب ارامكو او في الاتش ار اللي هناك ،، وقال هذا الكلام بس مافيه شي اوفيشال منهم او ايميل يدل على صحة هذا الكلام .فما ادري هل هم يرسلون ولا نظامهم يزحلقون الواحد وبس .

انا قبل المقابله ذي سويت مقابله بس كانت تعبانه واسئلتهم استفزازيه شوي وبعد ما سويت مقابله مع الاداره الثانيه بيومين جاني ريجيكت على الاولى. فشكل النظام اذا زحلقو الواحد ما يردون عليه بعد الاختبار الا بمقابله ثانيه. بس الله يكتبها من نصيبك ماتدري والله كل واحد السيتويشن يختلف عن الثاني وفيها تعقيد.

والله لايهينك على الرد.

 

عليكم السلام ،،

تقدر اخوي تدق عليهم وتسأل بس الرد واضح بيقولون استنا لان فيه ناس يجتازون المقابله ويحطونهم in process يعني على احتياج الاداره يرسلون الاختبار. ف مادام ماجاك ريجيكت خلال ثلاث اسابيع يعني ان شاء الله انها مسألة وقت.

 

انا جاني ايميل الاسسمنت تست كثالث اجراء
اول شي مقابلة ثم kyc ثم الاسسمنت تست
ما اختبرته باقي لي كم يوم عالديدلاين واحاول اتدرب كل يوم بارت استغل وقتي شوي
بس وتروني كل يوم يتصلون يسألون سويته أو لا -.-

الاختبار وصلني كل بارت ٤٥ دقيقة
يعني كم سؤال لكل بارت ؟ وهل اقدر اوقف السيشن وارجع اكمل بوقت ثاني مثل البراكتس تست ولا لازم اخلصه كله مع بعض

 

كل بارت مكتوب عليه ٤٥ دقيقه بس يوم اختبرت قبل فتره كانت تقريبا ١٨ دقيقه لنيميركال ،، ٢٥ او ٢٠ دقيقه للفيربال واللوجيكال تقريبا والا هي مكتوبه ٤٥ دقيقه ،، اذا فتحت الفيربال لازم تسويه كامل ،، بس ما ادري هل انك تقدر تحل مثلا الفيربال وترجع تكمل الاختبارات الثانيه بعدها بفتره ،، الاحسن عشان تقطع الشك باليقين انك تحل الاختبارات كامله ،،

وفالنا وفالكم التوفيق جميعا ،،

 

شكراً لكم جميعاً , الحمدلله اختبرت كان أصعب جزء هو الفيربال ( طلع مو هين )
والنيومركال كان أسهل مما توقعت ! واللوجيكال حلو و سهل ممتنع تقريباً

خلال فترة ما كنت أراجع لقيت مراجع صينية و روسية منزلين بعض النماذج للاختبار
إن شاء الله بجمعها بملف و أرفعها للفائدة

 

الله يوفقك ان شاء الله انا اختبرت الفيرفيكيشن وقبل الفيرفيكيشن تيست جاني ريجيكت وبعد الريجيكت ب اسبوع اختبرت الفيرفيكيشن فما ادري كان تحصيل حاصل عشان ما اكون بيندينق في السيستيم ترا كل واحد له سيتيويشن ومشكلة ارامكو مو واضحين في التوظيف والله يوفقنا وياكم ويرزقنا بالوظيفه الكويسه وفي اعلى المناصب ,,

 

أنا لازلت صار لي سنة وشوي سويت الأسيسمنت وليومكم مافيه رد

 

الملف الي في المرفقات حق اي اختبار ؟؟؟

 

بالتوفيق ي شباب الي حد الان مافي رد منهم لا اختبار ولا مقابله الله ييسرها

 

السلام عليكم
اناعندي مشكلة مضايقتني
سجلت للاسسمنت ودخلت الموقع واثناء التسجيل غيرت الفرست نيم من ارقام الى اسمي الاول. ونسيت انه مكتوب بالايميل انه لازم مايتغير forename بس انا نسيت مع العجله

الحين ما اقدر اسوي login يقول لي اليوزر نيم والباسورد غلط

في احد قد صارت له هالمشكلة وهل لو رحت مكتب التوظيف يحلونها ؟

 

المشكلة انحلت لاهنتم

 

الله يعين

 

صار لي سنة من اختبرت ومافيه رد للحين..